കൊൽക്കത്ത: വർഗീയ ശക്തികൾ താൽക്കാലികമായി ജയിച്ചെങ്കിലും അന്തിമമായി തോൽക്കുമെന്നും കേന്ദ്രസർക്കാർ അധികകാലം തുടരില്ലെന്നും സമാജ്വാദി പാർട്ടി പ്രസിഡന്റ് അഖിലേഷ് യാദവ് എം.പി. ഇപ്പോൾ അധികാരത്തിലെത്തിയവർ കുറച്ച് നാളത്തേക്കുള്ള അതിഥികളാണെന്നും തൃണമൂൽ കോൺഗ്രസ് സംഘടിപ്പിച്ച മെഗാ റാലിയിൽ അഖിലേഷ് പറഞ്ഞു.
കേന്ദ്രത്തിലെ വർഗീയ ശക്തികൾ ഗൂഢാലോചന നടത്തി രാജ്യത്തെ അസ്ഥിരപ്പെടുത്താൻ ശ്രമിക്കുകയാണെന്ന് സമാജ്വാദി പാർട്ടി നേതാവ് പറഞ്ഞു. രാജ്യത്തെ വർഗീയമായി വിഭജിക്കാൻ ആഗ്രഹിക്കുന്ന ശക്തികൾ താൽക്കാലിക വിജയം അനുഭവിച്ചേക്കാം, പക്ഷേ, അവസാനം അവർ പരാജയപ്പെടും. അത്തരം വർഗീയ ശക്തികൾ എന്തുവിലകൊടുത്തും അധികാരത്തിൽ വരാൻ ആഗ്രഹിക്കുന്നുവെന്ന് അദ്ദേഹം കൂട്ടിച്ചേർത്തു. റാലിക്കെത്തിയ അഖിലേഷ് പശ്ചിമ ബംഗാൾ മുഖ്യമന്ത്രി മമത ബാനർജിയെ സന്ദർശിച്ചു. സമകാലിക രാഷ്ട്രീയ സാഹചര്യങ്ങൾ ഇരുനേതാക്കളും ചർച്ച ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.