ന്യൂഡൽഹി: രാജ്യത്ത് കഴിഞ്ഞ ദിവസം 30,615 പേർക്ക്കൂടി കോവിഡ് ബാധിച്ചതായി കേന്ദ്ര ആരോഗ്യ മന്ത്രാലയം. കഴിഞ്ഞ ദിവസത്തേക്കാൾ 11 ശതമാനം കൂടുതലാണിത്. കേരളത്തിൽ ഇന്നലെ 11,776 പേർക്കാണ് കോവിഡ് സ്ഥിരീകരിച്ചത്. ഇതോടെ, രാജ്യത്ത് കോവിഡ് ബാധിച്ച് ചികിത്സയിലുള്ളവരുടെ എണ്ണം 3,70,240 ആയി.
അതേസമയം, 24 മണിക്കൂറിനിടെ കോവിഡ് ബാധിച്ച് ചികിത്സയിലായിരുന്ന 82,988 പേർ രോഗമുക്തരായി. ഇന്നലെ 514 കോവിഡ് മരണവും രാജ്യത്ത് സ്ഥിരീകരിച്ചു. ജനുവരി 2ന് ശേഷം ആദ്യമായി ഇന്നലെ മുംബൈയിൽ കോവിഡ് മരണമൊന്നും റിപ്പോർട്ട് ചെയ്യപ്പെട്ടില്ല.
അതേസമയം, കോവിഡുമായി ബന്ധപ്പെട്ട നിയന്ത്രണങ്ങളെല്ലാം പിൻവലിക്കുന്ന രാജ്യത്തെ ആദ്യ സംസ്ഥാനമായി അസം. ഇന്നലെ രാവിലെ മുതൽ വിദ്യാഭ്യാസ സ്ഥാപനങ്ങൾ, മത-സാമൂഹിക സംഗമങ്ങൾ എന്നിവക്ക് ഏർപ്പെടുത്തിയ എല്ലാ നിയന്ത്രണങ്ങളും, രാത്രി കർഫ്യൂ അടക്കം നീക്കിയതായി പി.ടി.ഐ റിപ്പോർട്ട് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.