ന്യൂഡൽഹി: കേരളത്തിൽ എൽ.ഡി.എഫിന് കനത്ത വിജയം പ്രവചിച്ച് ഇന്ത്യ ടുഡെ-ആക്സിസ് മൈ ഇന്ത്യ എക്സിറ്റ് പോൾ ഫലം. 104 മുതൽ 120 വരെ സീറ്റ് നേടി എൽ.ഡി.എഫ് ഭരണം തുടരുമെന്നാണ് പ്രവചനം. യു.ഡി.എഫ് 20 മുതൽ 36 വരെ സീറ്റുകളിൽ ഒതുങ്ങും. ബി.ജെ.പിക്ക് പരമാവധി രണ്ട് സീറ്റാണ് പ്രവചിക്കുന്നത്. മറ്റുള്ളവരും പരമാവധി രണ്ട് സീറ്റുകൾ നേടിയേക്കുമെന്നും ഇന്ത്യ ടുഡെ-ആക്സിസ് മൈ ഇന്ത്യ എക്സിറ്റ് പോൾ പറയുന്നു.
കേരളത്തിലെ 140 മണ്ഡലങ്ങളിൽ നിന്നായി 28,124 പേരിലാണ് എക്സിറ്റ് പോൾ സർവേ നടത്തിയത്.
കേരളത്തിൽ എൽ.ഡി.എഫ് സർക്കാറിന് ഭരണത്തുടർച്ചയാണ് റിപ്പബ്ലിക് ടി.വി-സി.എൻ.എക്സ് എക്സിറ്റ് പോളും പ്രവചിക്കുന്നത്. എൽ.ഡി.എഫിന് 72 മുതൽ 80 വരെ സീറ്റ് ലഭിക്കുമെന്നാണ് പ്രവചനം. പശ്ചിമ ബംഗാളിൽ കടുത്ത മത്സരത്തിനൊടുവിൽ ബി.ജെ.പി അധികാരത്തിലെത്തുമെന്നും റിപ്പബ്ലിക് ടി.വി പ്രവചിക്കുന്നു.
കേരളത്തിൽ യു.ഡി.എഫിന് 58 മുതൽ 64 വരെ സീറ്റ് ലഭിക്കുമെന്നാണ് പ്രവചനം. ബി.ജെ.പിക്ക് ഒന്നു മുതൽ അഞ്ച് വരെ സീറ്റ് ലഭിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.