പുൽവാമ: മാധ്യമപ്രവർത്തകർക്ക്​ ഭീഷണി സന്ദേശങ്ങൾ; സഹായിക്കാമെന്ന്​ വാട്​സ്​ആപ്പ്​

ന്യൂഡൽഹി: പുൽവാമ ഭീകരാക്രമണവുമായി ബന്ധപ്പെട്ട്​ പ്രതികരിച്ച ബർക ദത്ത്​ അടക്കമുള്ള രാജ്യത്തെ പ്രശസ്​ത മാധ്യ മ പ്രവർത്തകർക്ക്​ സമൂഹ മാധ്യമങ്ങളിൽ ഭീഷണി സന്ദേശങ്ങൾ വരുന്നതായി പരാതി. ഭീകരാക്രമണത്തിന്​ ശേഷം കശ്​മീരിൽ ആക്ര മണത്തിനിരയാകുന്ന സ്വദേശികൾക്ക്​ താമസ സൗകര്യമൊരുക്കാമെന്ന്​ ബർക അടക്കമുള്ള പ്രമുഖർ സമൂഹ മാധ്യമങ്ങളിലൂടെ അറ ിയിച്ചിരുന്നു. ബർക ദത്ത്​ അവരുടെ സ്വകാര്യ നമ്പറും സഹായത്തിനായി നൽകിയിരുന്നു.

എന്നാൽ മാധ്യമ പ്രവർത്തകരുടെ നമ്പറുകൾ വ്യാപകമായി പ്രചരിച്ചതിനെ തുടർന്ന്​ പല അജ്ഞാത നമ്പറുകളിൽ നിന്ന്​ വധ ഭീഷണിയും ബലാത്സംഗ ഭീഷണിയും ജനനേന്ദ്രിയത്തി​​​െൻറ ചിത്രമടക്കമുള്ള സന്ദേശങ്ങൾ വരികയും ​ചെയ്​തു. മോശം സന്ദേശങ്ങൾ ലഭിച്ചതി​​​െൻറ സ്​ക്രീൻ ഷോട്ട്​ അടക്കം ബർക ദത്ത്​ ട്വിറ്ററിൽ പോസ്​റ്റ്​ ചെയ്​തിട്ടുണ്ട്​. മുൻ എ.ബി.പി ന്യൂസ്​ റിപ്പോർട്ടറും നിലവിൽ ന്യൂസ്​ ക്ലിക്കിലെ ജീവനക്കാരനുമായ അഭിഷർ ശർമക്കും വളരെ മോശപ്പെട്ട സന്ദേശങ്ങളാണ്​ എത്തിയത്​.

എന്നാൽ​ ഭീഷണി സന്ദേശങ്ങൾ വരുന്ന സാഹചര്യത്തിൽ വാട്​സ്​ആപ്പ് ബർക ദത്തി​നെ സഹായിക്കാമെന്ന്​ അറിയിച്ചു​. വാട്​സ്ആപ്പി​​​െൻറ കമ്യൂണിക്കേഷൻസ്​ വിഭാഗം തലവൻ കാൾ വൂഗ്​ ബർകയോട്​ സംഭവത്തിൽ ഖേദം പ്രകടിപ്പിക്കുകയും സംസാരിച്ച്​ പ്രശ്​ന പരിഹാരം തേടാമെന്ന്​ ഉറപ്പ്​ നൽകുകയും ​െചയ്​തിട്ടുണ്ട്​.

ഭീഷണികളുയർന്ന സാഹചര്യത്തിൽ ഡൽഹി പൊലീസിന്​ പരാതി നൽകിയ മാധ്യമ പ്രവർത്തകരോട്​,​ സംഭവത്തിൽ വ്യക്​തമായ അന്വേഷണം നടത്തി പ്രതികളെ ഉടൻ തന്നെ പിടികൂടുമെന്ന്​ ഡെപ്യൂട്ടി കമീഷണർ മധുർ വർമ അറിയിച്ചു.