ന്യൂഡൽഹി: കോൺഗ്രസ് അധ്യക്ഷ സ്ഥാനത്തേക്ക് മത്സരിക്കാനില്ലെന്നും ആരെയും ഔദ്യോഗിക സ്ഥാനാർഥിയായി നിശ്ചയിച്ചിട്ടില്ലെന്നും എ.ഐ.സി.സി. ജനറൽ സെക്രട്ടറി കെ.സി. വേണുഗോപാൽ. ശശി തരൂ‌ർ മത്സരിച്ചാൽ സ്വാഗതം ചെയ്യുമെന്നും അദ്ദേഹം വ്യക്തമാക്കി.
കോൺഗ്രസിൽ വോട്ടർപട്ടിക വിവാദം അനാവശ്യമെന്ന് വേണുഗോപാൽ പറഞ്ഞു. പട്ടിക പി.സി.സികളുടെ കൈവശമുണ്ടാകും. സാധാരണ നടപടികൾ പാലിച്ച് സുതാര്യമായാവും തെരഞ്ഞെടുപ്പ് നടക്കുക.
രാഹുൽ ഗാന്ധി പാർട്ടി അധ്യക്ഷനാകണമെന്നാണ് ബഹു ഭൂരിപക്ഷവും ആഗ്രഹിക്കുന്നത്. എന്നാൽ, അധ്യക്ഷനാകില്ലെന്ന നിലപാടിൽ ഉറച്ചു നിൽക്കുകയാണ് അദ്ദേഹം. കുടുംബത്തിൽ നിന്ന് ആരും ഉണ്ടാവില്ലെന്നും അറിയിച്ചിട്ടുണ്ട്.
ഭാരത് ജോഡോ യാത്ര നയിക്കാൻ കോൺഗ്രസിൽ രാഹുൽ ഗാന്ധിയെ പോലെ യോഗ്യനായ ആരുമില്ലെന്ന് വേണുഗോപാൽ പറഞ്ഞു. ഭാരത് ജോഡോ യാത്ര കോൺഗ്രസിന് പുതിയ ശക്തി പകരും. 18 സ്ഥിരം പ്രതിനിധികൾ രാഹുലിനൊപ്പം യാത്രയിൽ ഉണ്ടാകുമെന്നും കെ.സി. വേണുഗോപാൽ മാധ്യമങ്ങളോട് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.