വിദ്വേഷ പ്രചാരണങ്ങൾക്കെതിരെ ​ഫേസ്​ബുക്കി​െൻറ മൃദുസമീപനം പുതിയതല്ല - മഹുവ മൊയ്​ത്ര

ന്യൂഡൽഹി: ബി.ജെ.പി നേതാക്കളടക്കമുള്ളവരുടെ വിദ്വേഷ പ്രചാരണങ്ങൾക്കെതിരെ ​ഫേസ്​ബുക്കി​െൻറ മൃദുസമീപനം പുതിയതല്ലെന്നും നേരത്തെ തുടരുന്നതാണെന്നും തൃണമൂൽ എം.പി മഹുവ മൊയ്​ത്ര. 2018 ൽ ഇതിനെതിരെ ഫേസ്​ബുക്കിനുള്ളിൽ ചർച്ച നടന്നിരുന്നെന്നും എന്നാൽ നടപടി ഒന്നും ഉണ്ടായിട്ടില്ലെന്നും മുൻ ജീവനക്കാരനെ ഉദ്ധരിച്ച്​ അവർ പറഞ്ഞു.

ബി.ജെ.പിയെ പിണക്കുന്നത്​ ഇന്ത്യയിലെ ബിസിനസ്​ താൽപര്യങ്ങൾക്ക്​ എതിരാകുമെന്നതിനാൽ വിദ്വേഷ പ്രചാരണ പോസ്​റ്റുകൾ നീക്കാ​േനാ നടപടിയെടുക്കാ​േനാ ഫേസ്​ബുക്ക്​ തയാറാകുന്നില്ലെന്ന വാർത്ത കഴിഞ്ഞ ദിവസം വാൾ സ്​ട്രീറ്റ്​ ജേണൽ പുറത്തുവിട്ടതിനെ തുടർന്നാണ്​ പുതിയ ചർച്ച ഉയർന്നു വന്നത്​. വിദ്വേഷ പ്രചാരണങ്ങൾക്കെതിരെ നടപടി എടുക്കാത്തത്​ 2018 ൽ തന്നെ ഉന്നയിച്ചിരുന്നെങ്കിലും യാതൊരു നടപടിയും ഉണ്ടായില്ലെന്ന്​ ഫേസ്​ബുക്കിലെ മുൻ ജീവനക്കാരൻ അറിയിച്ചിട്ടുണ്ടെന്ന്​ ട്വിറ്ററിൽ പങ്കുവെച്ച വിഡിയോയിലൂടെയാണ്​ മഹുവ മൊയ്​ത്ര പറഞ്ഞത്​. ഇന്ത്യയിലെ ജനങ്ങളോട്​ മറുപടി പറയേണ്ട ബാധ്യത ഫേസ്​ബുക്കിനുണ്ട്​. ഇന്ത്യയിലും അമേരിക്കയിലും ഫേസ്​ബുക്കി​െൻറ പ്രവർത്തനങ്ങൾക്ക്​ വ്യത്യസ്ത മാനദണ്ഡങ്ങൾ എന്തുകൊണ്ടാ​െണന്ന്​ അവർ വിശദീകരിക്കേണ്ടിവരുമെന്നും മഹ​ുവ പറഞ്ഞു.

ഐ.ടി കാര്യ പാർല​െമൻറി സമിതിയിലെ അംഗം കൂടിയാണ്​ കൃഷ്​ണനനഗറിൽ നിന്നുള്ള തൃണമൂൽ എം.പിയായ മഹുവ. തിരുവനന്തപുരത്തു നിന്നുള്ള കോൺഗ്രസ്​ എം.പിയായ ശശി തരൂർ ആണ്​ സമിതിയുടെ അധ്യക്ഷൻ. ബി.ജെ.പിയുടെ ഭാഗത്തു നിന്നുള്ള വി​േദ്വഷ പ്രചാരണങ്ങൾക്കെതിരെ നടപടി എടുക്കാത്തത്​ സംബന്ധിച്ച്​ ഫേസ്​ബുക്ക്​ പാർല​െമൻറ്​ സമിതിക്കു മുന്നിൽ മറുപടി പറയണമെന്ന്​ ശശി തരൂർ കഴിഞ്ഞ ദിവസം ആവശ്യപ്പെട്ടിരുന്നു. ഇതിനെതിരെ ബി.ജെ.പി എം.പി നിഷികാന്ത്​ ദുബെ രംഗത്തെത്തുകയും ​െചയ്​തു. മുഴുവൻ സമിതി അംഗങ്ങളെയും വിശ്വാസത്തിലെടുക്കാത്ത നീക്കമാണ്​ ശശി തരൂരി​േൻറത്​ എന്നായിരുന്നു അദ്ദേഹത്തി​െൻറ ആരോപണം. ഇതേ തുടർന്ന്​ ശശി തരൂരിന്​ പിന്തുണയുമായി സമിതി അംഗമായ മഹുവ മൊയ്​ത്ര രംഗത്തെത്തുകയും അധ്യക്ഷന്​ അതിനുള്ള അധികാരമുണ്ടെന്ന്​ പറയുകയും ചെയ്​തിരുന്നു. ഇതിന്​ ശേഷമാണ്​ ഫേസ്​ബുക്കി​െൻറ വീഴ്​ച ഗുരുതരവും ബോധപൂർവവും ആണെന്ന്​ തെളിയിക്കുന്ന തരത്തിൽ മുൻ ജീവനക്കാരനെ തന്നെ ഉദ്ധരിച്ച്​ മഹുവ മൊയ്​​ത്ര രംഗത്തെത്തിയത്​.