പശുക്കടത്ത് ആരോപിച്ച് 25 പേരെ കെട്ടിയിട്ടു; 'ഗോ മാതാ കീ ജയ്' വിളിപ്പിച്ചു

ഖന്ദ്​വ (മധ്യപ്രദേശ്): പശുക്കടത്ത് ആരോപിച്ച് 25 പേരെ ആൾക്കൂട്ടം കൈകൾ ബന്ധിച്ച് നടത്തിക്കുകയും 'ഗോ മാതാ കീ ജയ്' വി ളിപ്പിക്കുകയും ചെയ്തു. മധ്യപ്രദേശിലെ ഖന്ദ്​വ ജില്ലയിൽ സാവിലേകേഡ ഗ്രാമത്തിലാണ് സംഭവം. സംഭവത്തിന്‍റെ ദൃശ്യങ്ങ ൾ പുറത്തു വന്നിട്ടുണ്ട്.

പശുക്കടത്ത് ആരോപിച്ച് പിടികൂടിയവരെ മുട്ടുകുത്തി നിർത്തി 'ഗോ മാതാ കീ ജയ്' വിളിപ്പിക്കുന്ന വീഡിയോയും വടികളേന്തിയ ആൾക്കൂട്ടം ഇവരെ ബലമായി നടത്തിക്കൊണ്ടുപോകുന്ന ദൃശ്യങ്ങളുമാണ് പുറത്തുവന്നത്. ഇവരെ തെരുവിലൂടെ മൂന്ന് കിലോമീറ്റർ നടത്തിച്ച് ഖൽവ പൊലീസ് സ്റ്റേഷനിലേക്കാണ് കൊണ്ടുപോയത്.

#WATCH Several people tied with a rope and made to chant "Gau mata ki jai" in Khandwa, Madhya Pradesh on accusation of carrying cattle in their vehicles. (7.7.19) (Note - Abusive language) pic.twitter.com/5pbRZ4hNsR

— ANI (@ANI) July 7, 2019

രേഖകളില്ലാതെ മഹാരാഷ്ട്രയിലേക്ക് കന്നുകാലികളെ കൊണ്ടുപോകുന്നതിന് 25 പേർക്കെതിരെയും കേസെടുത്തതായി പൊലീസ് പറഞ്ഞു. കാലികളെ എത്തിച്ച വാഹനങ്ങളും കസ്റ്റഡിയിലെടുത്തിട്ടുണ്ട്. നൂറോളം പേരാണ് അക്രമത്തിന് നേതൃത്വം നൽകിയതെന്ന് വാർത്ത ഏജൻസികൾ റിപ്പോർട്ട് ചെയ്യുന്നു.