ഭോപാൽ: മധ്യപ്രദേശിലെ സത്നയിൽ സംഘടിപ്പിച്ച തെരഞ്ഞെടുപ്പ് റാലിയിൽ പ്രധാനമന്ത്രി നരേന്ദ്ര മോദിയുടെ വസ്ത്രധാരണത്തെ പരിഹസിച്ച് കോൺഗ്രസ് നേതാവ് രാഹുൽ ഗാന്ധി. പ്രധാനമന്ത്രി മോദി ധരിക്കുന്നത് ലക്ഷങ്ങൾ വിലയുള്ള സ്യൂട്ടുകളാണ്, എന്നാൽ ഞാൻ വെള്ള ടീഷർട്ട് മാത്രമാണ് ധരിക്കുന്നത് -രാഹുൽ പറഞ്ഞു.
മോദിയുടെ പ്രസംഗം കേട്ടു, എല്ലായിടത്തും താന്‍ ഒ.ബി.സി. വിഭാഗത്തില്‍പ്പെട്ടയാളാണെന്നാണ് എല്ലാ പ്രസംഗത്തിലും പറയുന്നത്. ഇത് ആവര്‍ത്തിച്ചു പറഞ്ഞാണ് അദ്ദേഹം പ്രധാനമന്ത്രിയായത്. ലക്ഷങ്ങള്‍ വിലയുള്ള ഒന്നോ രണ്ടോ സ്യൂട്ടുകളെങ്കിലും മോദി ഒരു ദിവസം ധരിക്കുന്നു. ധരിച്ച വസ്ത്രം അദ്ദേഹം വീണ്ടും ധരിക്കുന്നത് നിങ്ങൾ കണ്ടിട്ടുണ്ടോ? ഞാന്‍ ഈ വെള്ള ഷർട്ട് മാത്രമമാണ് ധരിക്കുന്നത് -രാഹുല്‍ പറഞ്ഞു.
ജാതി അടിസ്ഥാനമാക്കിയുള്ള സെന്‍സസിനെക്കുറിച്ച് ഞാൻ പറഞ്ഞുതുടങ്ങിയപ്പോള്‍ മോദിയുടെ പ്രസംഗങ്ങളില്‍നിന്ന് ജാതി പോയി. ഇപ്പോൾ ഇന്ത്യയിൽ ജാതി ഇല്ലെന്നാണ് മോദി പറയുന്നത് -രാഹുൽ പറഞ്ഞു.
ജാതി അടിസ്ഥാനമാക്കിയുള്ള സെൻസസ് ആയിരിക്കും മധ്യപ്രദേശിൽ കോൺഗ്രസ് അധികാരത്തിൽ വന്നാൽ ആദ്യം ചെയ്യുകയെന്നും രാഹുൽ പ്രഖ്യാപിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.