അല്ലു അർജുന്‍റെ പുഷ്പ സിനിമയിലെ ശ്രീവല്ലി എന്ന ഗാനവും അതിന്‍റെ നൃത്ത ചുവടുകളും വലിയ തരത്തിൽ സമൂഹമാധ്യങ്ങളിൽ തരംഗമായിരുന്നു. ബോളിവുഡിലെ സെലിബ്രിറ്റികൾ മുതൽ ക്രിക്കറ്റ് താരങ്ങൾ വരെ പാട്ടിന് ചുവടു വെച്ച് ആരാധകരുടെ കൈയടി വാങ്ങി.
ഇപ്പോഴിതാ മുംബൈ പൊലീസിന്‍റെ ബാൻഡായ കാക്കി സ്റ്റുഡിയോയും ശ്രീവല്ലി എന്ന ഗാനം അവതരിപ്പിച്ച് സമൂഹ മാധ്യമങ്ങളിൽ വൈറലായി കൊണ്ടിരിക്കുകയാണ്.
ബാൻഡ് മേളത്തിന്‍റെ ദൃശ്യങ്ങൾ മുംബൈ പൊലീസ് തന്നെയാണ് അവരുടെ ട്വിറ്റർ അക്കൗണ്ട് വഴി പങ്കിട്ടത്. മുബൈക്കാർ ശ്രീവല്ലിയുടെ താളത്തിനൊത്ത് നീങ്ങുന്നത് ഞങ്ങളുടെ ശ്രദ്ധയിൽ പെട്ടെന്നും അതിനാൽ ഞങ്ങളും അതിൽ പങ്കു ചേരുന്നുവെന്ന അടികുറിപ്പോടെയാണ് മുംബൈ പൊലീസ് വീഡിയോ പങ്കുവെച്ചത്.
ഇതിനു മുമ്പ് ലതാ മങ്കേഷ്‌കറിന്റെ ഗാനവും മണി ഹീസ്റ്റിലെ ഗാനവും അവതരിപ്പിച്ച് കാക്കി സ്റ്റുഡിയോ സമൂഹമാധ്യമങ്ങളിൽ ഇതേ രീതിയിൽ കൈയടി വാങ്ങിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.