മുംബൈ: സർക്കാർ രൂപീകരണത്തിന് അജിത് പവാറിനൊപ്പം പോയ എന്‍.സി.പി എം.എല്‍.എയായ ദൌലത് ദറോദ തിരിച്ചെത്തി. താൻ എന്നും എൻ.സി.പിക്കൊപ്പം ഉണ്ടാകുമെന്നും ഊഹാപോഹങ്ങളിൽ വിശ്വസിക്കരുതെന്നും ഷഹാപൂര്‍ എം.എല്‍.എയായ ദൌലത് ദറോദ വാർത്താ ഏജൻസിയോട് പറഞ്ഞു.
‘‘ഞാൻ സുരക്ഷിതനാണ്. എൻ.സി.പിയുടെ േക്ലാക് ചിഹ്നത്തിൽ മത്സരിച്ചാണ് ഞാൻ ജയിച്ചത്. അതുകൊണ്ട് തന്നെ പാർട്ടി മാറുമോയെന്ന ചോദ്യം അപ്രസക്തമാണ്. ശരദ് പവാറും അജിത് പവാറും കൈകൊള്ളുന്ന തീരുമാനത്തെ പിന്തുണക്കും. കുപ്രചരണങ്ങളിൽ വിശ്വസിക്കുന്നില്ല.’’- ദൗലത് ദെറോദ പറഞ്ഞു.
ദറോദയെ കാണാനില്ലെന്നാരോപിച്ച് മുന്‍ എം.എല്‍.എ പാണ്ടൂരംഗ് ബരോറ പൊലീസിൽ പരാതി നല്‍കിയിരുന്നു. ദേവേന്ദ്ര ഫട്നാവിസിന്‍റെയും അജിത് പവാറിന്‍റെയും സത്യപ്രതിജ്ഞക്ക് രാജ്ഭവനിലെത്തിയതിന് ശേഷം ദറോദയെയും മറ്റൊരു എം.എല്‍.എയായ നിധിന്‍ പവാറിനെയും കാണാനില്ലെന്നാരോപിച്ച് ഷഹാപൂര്‍ പൊലീസ് സ്റ്റേഷനിലാണ് എൻ.സി.പി പരാതി നല്‍കിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.