ന്യൂഡൽഹി: പ്രസിഡന്റ് മല്ലകാർജുൻ ഖാർഗെ അല്ല, രാഹുൽ ഗാന്ധി തന്നെയാണ് കോൺഗ്രസിന്റെ കപ്പിത്താൻ എന്ന് മുൻ കോൺഗ്രസ് നേതാവ് ഗുലാം നബി ആസാദ്. റിമോട്ട് കൺട്രോളിലാണ് കോൺഗ്രസ് ഭരണം നടക്കുന്നതെന്നും അദ്ദേഹം പറഞ്ഞു. തന്റെ ആത്മകഥയായ ‘ആസാദ്: ഒരു ആത്മകഥ’യുടെ പ്രകാശനത്തിന് മുന്നോടിയായി സംസാരിക്കുകയായിരുന്നു ഗുലാം നബി.
രാഹുൽ മികച്ച വ്യക്തിയാണെങ്കിലും രാഷ്ട്രീയമായി അഭിപ്രായവ്യത്യാസമുണ്ടായിരുന്നുവെന്ന് ഗുലാം നബി വ്യക്തമാക്കി. ഇപ്പോൾ താൻ കോൺഗ്രസിലില്ലാത്തതിനാൽ തന്നെ പാർട്ടിക്ക് എന്താണ് ശരിയെന്ന് പറയാൻ ആളല്ലെന്നും അദ്ദേഹം കൂട്ടിച്ചേർത്തു.
‘രാഹുൽ നല്ല നീന്തൽക്കാരനാണ്. വൻ തിരമാലകളെ അതിജീവിച്ച് എങ്ങനെ മുന്നോട്ടുപോവണമെന്നറിയാവുന്നയാളും. അതാണ് രാഷ്ട്രീയത്തിൽ വേണ്ടതും. നല്ല അനുഭവസമ്പത്തില്ലെങ്കിൽ മികച്ച കപ്പിത്താനുണ്ടായാൽ പോലും കപ്പൽ മുങ്ങും’ -ഗുലാം നബി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.