മുംബൈ: കേസുകളുമായി ബന്ധപ്പെട്ട ലീഗൽ നോട്ടീസുകൾ വാട്സ്ആപ് വഴി അയക്കുന്നത് സ്വീകാര്യമാണെന്ന് ബോംെബ ഹൈകോടതി. ക്രെഡിറ്റ് കാർഡ് ഉപയോഗിച്ച് 2010ൽ 85,000 രൂപയോളം കടമെടുത്ത് തിരിച്ചടക്കാത്തതിന് ഉപഭോക്താവ് രോഹിത് ജാദവിന് എതിരെ സ്റ്റേറ്റ് ബാങ്ക് ഒാഫ് ഇന്ത്യ നൽകിയ ഹരജിയിൽ ജസ്റ്റിസ് ഗൗതം പട്ടേലി‍െൻറതാണ് വിധി.
2011ൽ എട്ടു ശതമാനം പലിശയടക്കം പണം തിരിച്ചടക്കാൻ വിധിയായെങ്കിലും രോഹിത് ജാദവ് പണമടച്ചില്ല. തുടർനടപടികൾക്കായി എസ്.ബി.െഎ കാർഡ്സ് ആൻഡ് പേമെൻറ് സർവിസ് വിഭാഗം വീണ്ടും കോടതിയെ സമീപിച്ചു. പലകുറി ജാദവി‍െൻറ വിലാസത്തിൽ നോട്ടീസ് അയച്ചെങ്കിലും പ്രതികരണമുണ്ടായില്ല. മേൽവിലാസം മാറിയതായി തിരിച്ചറിഞ്ഞ ബാങ്ക് കഴിഞ്ഞ എട്ടിന് ബാങ്ക് അധികാരി ഒപ്പിട്ട നോട്ടീസിെൻറ പി.ഡി.എഫ് പകർപ്പും കോടതി വിചാരണ തീയതി അറിയിപ്പും ജാദവി‍െൻറ വാട്സ്ആപ്പിലേക്ക് അയച്ചു.
സന്ദേശം വായിച്ചതായും പി.ഡി.എഫ് നോട്ടീസ് കണ്ടതായുമുള്ള ജാദവി‍െൻറ വാട്സ്ആപ്പിലെ നീല ശരി മാർക്കുകൾ അംഗീകരിക്കുന്നതായും നോട്ടീസ് നൽകുക എന്നതി‍െൻറ ഉദ്ദേശ്യം നിറവേറിയതായി പരിഗണിക്കുന്നതായും കോടതി പറഞ്ഞു. അടുത്തതവണ ജാദവ് ഹാജരായില്ലെങ്കിൽ സമൻസ് പുറപ്പെടുവിക്കാൻ തയാറാണെന്ന് പറഞ്ഞ കോടതി അയാളുടെ മേൽവിലാസം സംഘടിപ്പിക്കാൻ ഹരജിക്കാരോട് ആവശ്യപ്പെടുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.