പാർലമെന്‍റ്​ മന്ദിരോദ്​ഘാടനം: ബഹിഷ്കരണത്തിന് പ്രതിപക്ഷ നീക്കം

ന്യൂ​ഡ​ൽ​ഹി: പു​തി​യ പാ​ർ​ല​മെ​ന്‍റ്​ മ​ന്ദി​രം രാ​ഷ്ട്ര​ത്തി​ന്​ സ​മ​ർ​പ്പി​ക്കു​ന്ന ഞാ​യ​റാ​ഴ്ച​ത്തെ ച​ട​ങ്ങ്​ പ്ര​തി​പ​ക്ഷ പാ​ർ​ട്ടി​ക​ൾ ബ​ഹി​ഷ്ക​രി​ച്ചേ​ക്കും. ഭ​ര​ണ​ഘ​ട​നാ​പ​ര​മാ​യി അ​ർ​ഹ​ത​പ്പെ​ട്ട രാ​ഷ്ട്ര​പ​തി​യെ മാ​റ്റി നി​ർ​ത്തി പ്ര​ധാ​ന​മ​ന്ത്രി​യാ​ണ്​ ഉ​ദ്​​ഘാ​ട​നം ന​ട​ത്തു​ന്ന​ത്. ഹി​ന്ദു​ത്വ ആ​ചാ​ര്യ​ൻ വി.​ഡി. സ​വ​ർ​ക്ക​റു​ടെ ജ​ന്മ​ദി​ന​മാ​ണ്​ ച​ട​ങ്ങി​ന്​ തി​ര​ഞ്ഞെ​ടു​ത്ത​ത്. ബ​ഹി​ഷ്ക​ര​ണ​ത്തി​ന്​ ഒ​രു കാ​ര​ണം ഇ​താ​ണ്.

നേ​ര​ത്തേ ശി​ലാ​സ്ഥാ​പ​നം, അ​ശോ​ക സ്​​തം​ഭ അ​നാ​വ​ര​ണം തു​ട​ങ്ങി പു​തി​യ മ​ന്ദി​ര​ത്തി​ന്‍റെ ഒ​രു ച​ട​ങ്ങി​ലും രാ​ഷ്ട്ര​പ​തി​ക്ക്​ സ്ഥാ​നം ന​ൽ​കി​യി​രു​ന്നി​ല്ല. ഭ​ര​ണ​ഘ​ട​നാ​പ​ര​മാ​യ അ​വ​കാ​ശ​ങ്ങ​ളു​ടെ ലം​ഘ​ന​വും അ​ധഃ​സ്ഥി​ത വി​ഭാ​ഗ​ത്തോ​ടു​ള്ള അ​നാ​ദ​ര​വു​മാ​ണി​തെ​ന്ന്​ പ്ര​തി​പ​ക്ഷം ചൂ​ണ്ടി​ക്കാ​ട്ടു​ന്നു. 2020ലെ ​ശി​ലാ​സ്ഥാ​പ​ന ച​ട​ങ്ങി​ൽ അ​ന്ന​ത്തെ രാ​ഷ്ട്ര​പ​തി രാം​നാ​ഥ്​ കോ​വി​ന്ദി​നെ മാ​റ്റി​നി​ർ​ത്തി​യ​ത്​ ദ​ലി​ത​രെ​ക്കൂ​ടി അ​വ​മ​തി​ക്കു​ന്ന​താ​യി. ഉ​ദ്​​ഘാ​ട​ന ച​ട​ങ്ങി​ൽ ആ​ദി​വാ​സി വ​നി​ത കൂ​ടി​യാ​യ രാ​ഷ്ട്ര​പ​തി ദ്രൗ​പ​ദി മു​ർ​മു​വി​നെ ത​ഴ​ഞ്ഞു. ബി.​ജെ.​പി​യു​ടെ പി​ന്നാ​ക്ക വി​ഭാ​ഗ പ്രേ​മ​ത്തി​ലെ കാ​പ​ട്യം കൂ​ടി​യാ​ണി​തെ​ന്ന്​ വി​വി​ധ പ്ര​തി​പ​ക്ഷ​പാ​ർ​ട്ടി​ക​ൾ കു​റ്റ​പ്പെ​ടു​ത്തി.

ജ​നാ​ധി​പ​ത്യ ഇ​ന്ത്യ​യു​ടെ സ​ർ​വാ​വ​കാ​ശി പ്ര​ധാ​ന​മ​ന്ത്രി​യ​ല്ല. രാ​ജ്യ​മെ​ന്നാ​ൽ പ്ര​ധാ​ന​മ​ന്ത്രി​യ​ല്ല. ഭ​ര​ണ​നി​ർ​വ​ഹ​ണ​ത്തി​ന്‍റെ ഉ​ത്ത​ര​വാ​ദി​ത്ത​മാ​ണ്​ പ്ര​ധാ​ന​മ​ന്ത്രി​ക്ക്. എ​ന്നാ​ൽ രാ​ജ്യ​ത്തി​ന്‍റെ ഏ​ക നേ​താ​വും പ്ര​തി​നി​ധി​യും താ​നാ​ണെ​ന്ന മ​ട്ടി​ലാ​ണ്​ ന​രേ​ന്ദ്ര മോ​ദി പെ​രു​മാ​റു​ന്ന​തെ​ന്നും പ്ര​തി​പ​ക്ഷം പ​റ​യു​ന്നു. സം​യു​ക്​​ത ബ​ഹി​ഷ്ക​ര​ണ​ത്തി​ന്​ പ്ര​തി​പ​ക്ഷ പാ​ർ​ട്ടി​ക​ൾ കൂ​ടി​യാ​ലോ​ച​ന​യി​ലാ​ണ്.

കോ​വി​ഡ്കാ​ല സാ​മ്പ​ത്തി​ക പ​രാ​ധീ​ന​ത​ക​ൾ​ക്കി​ട​യി​ൽ പാ​ർ​ല​മെ​ന്‍റ്​ പ​ണി​യാ​ൻ വ​ൻ​തു​ക മു​ട​ക്കു​ന്ന​തി​ലും രാ​ഷ്ട്ര​പ​തി​യെ പു​റ​ത്തു നി​ർ​ത്തു​ന്ന​തി​ലും പ്ര​തി​ഷേ​ധി​ച്ച്​ ശി​ലാ​സ്ഥാ​പ​ന ച​ട​ങ്ങ്​ വി​വി​ധ പ്ര​തി​പ​ക്ഷ പാ​ർ​ട്ടി​ക​ൾ ബ​ഹി​ഷ്ക​രി​ച്ചി​രു​ന്നു.

മ​ന്ദി​രം രാ​ഷ്ട്ര​പ​തി ഉ​ദ്​​ഘാ​ട​നം ചെ​യ്യ​ണ​മെ​ന്ന കാ​ര്യ​ത്തി​ൽ ഏ​കാ​ഭി​പ്രാ​യ​മു​ള്ള പ്ര​തി​പ​ക്ഷ പാ​ർ​ട്ടി​ക​ൾ​ക്കി​ട​യി​ൽ, സ​വ​ർ​ക്ക​റു​ടെ പേ​രി​ലു​ള്ള ബ​ഹി​ഷ്ക​ര​ണ​ത്തോ​ട്​ കോ​ൺ​ഗ്ര​സ്, ശി​വ​സേ​ന, എ​ൻ.​സി.​പി എ​ന്നീ പാ​ർ​ട്ടി​ക​ൾ​ക്കു​ള്ളി​ൽ പൂ​ർ​ണ യോ​ജി​പ്പി​ല്ല. വോ​ട്ടു ബാ​ങ്കി​ന്‍റെ സ​മീ​പ​ന​ത്തെ​ക്കു​റി​ച്ച ഉ​ൾ​ഭ​യ​മാ​ണ്​ കാ​ര​ണം.

പാർലമെന്‍റിന്‍റെ പരമാധികാരി രാഷ്ട്രപതി

പാർലമെന്‍റ്​ മന്ദിരം ഉദ്​ഘാടനം ചെയ്യേണ്ടത്​ പ്രധാനമന്ത്രിയല്ല, രാഷ്ട്രപതിയാകണമെന്ന് ​പ്രതിപക്ഷം വാദിക്കുന്നതിന്‍റെ കാരണങ്ങൾ 

• രാഷ്ട്രത്തലവൻ രാഷ്ട്രപതിയാണ്
• രാഷ്ട്രപതി ഭരണഘടനയുടെ കാവലാൾ; പ്രഥമ പൗര
• പാർലമെന്‍റിന്‍റെ മേധാവി രാഷ്ട്രപതി
• ഇന്ത്യാ ഗവൺമെന്‍റ്​ എടുക്കുന്ന എല്ലാ നടപടിക്രമങ്ങളിലും മേലൊപ്പ് ചാർത്തേണ്ടത് രാഷ്ട്രപതി
• പ്രോട്ടോകോൾ പ്രകാരം രാഷ്ട്രപതി, ഉപരാഷ്ട്രപതി സ്ഥാനങ്ങൾക്ക്​ താഴെയാണ്​ പ്രധാനമന്ത്രി
• പാർലമെന്‍റ്​ സമ്മേളനം വിളിക്കുന്നതും നീട്ടിവെപ്പിക്കുന്നതും അവസാനിപ്പിക്കുന്നതും രാഷ്ട്രപതി
• രാജ്യസഭ, ലോക്സഭ സംയുക്​ത സമ്മേളനത്തെ അഭിസംബോധന ചെയ്യുന്നത്​ രാഷ്​ട്രപതി
• സെൻട്രൽ ഹാൾ ചടങ്ങിൽ പ്രധാനമന്ത്രിക്ക്​ സദസ്സിലാണ്​ സ്ഥാനം. രാഷ്ട്രപതിയും സഭാധ്യക്ഷരും​ വേദിയിൽ
• പാർലമെന്‍റ്​ അംഗങ്ങളെ അയോഗ്യരാക്കുന്നത് സംബന്ധിച്ച് തെരഞ്ഞെടുപ്പ് കമീഷനോട് ഉപദേശം തേടാൻ അധികാരം