ഏറ്റുമുട്ടലിന്റെ മൂന്നാമൂഴത്തിലേക്ക്; പ്രതിപക്ഷമില്ലാതെ പാർലമെന്റ് സമ്മേളനത്തിന് സമാപനം

ന്യൂ​ഡ​ൽ​ഹി: ശൂ​ന്യ​മാ​യ പ്ര​തി​പ​ക്ഷ ബെ​ഞ്ചു​ക​ളെ സാ​ക്ഷി​നി​ർ​ത്തി രാ​ജ്യ​സ​ഭ​യി​ൽ വ​ന്ദേ​മാ​ത​രം മു​ഴ​ങ്ങി​യ​തോ​ടെ ലോ​ക്സ​ഭ തെ​ര​ഞ്ഞെ​ടു​പ്പി​നു​ശേ​ഷ​മു​ള്ള പ്ര​ഥ​മ പാ​ർ​ല​മെ​ന്റ് സ​മ്മേ​ള​ന​ത്തി​ന് ബു​ധ​നാ​ഴ്ച പ​രി​സ​മാ​പ്തി​യാ​യി.

പൊ​തു​തെ​ര​ഞ്ഞെ​ടു​പ്പി​നു​ശേ​ഷം രാ​ഹു​ൽ ഗാ​ന്ധി​യു​ടെ നേ​തൃ​ത്വ​ത്തി​ൽ വ​ർ​ധി​ത​വീ​ര്യ​ത്തോ​ടെ​യെ​ത്തി​യ ഇ​ൻ​ഡ്യ സ​ഖ്യ​വു​മാ​യി ഏ​റ്റു​മു​ട്ട​ലി​ന്റെ പാ​ത​യാ​ണ് ത​ങ്ങ​ൾ തെ​ര​ഞ്ഞെ​ടു​ത്തി​രി​ക്കു​ന്ന​തെ​ന്നാ​ണ് പ്ര​ഥ​മ സ​മ്മേ​ള​ന​ത്തി​ൽ മൂ​ന്നാം മോ​ദി സ​ർ​ക്കാ​ർ ന​ൽ​കി​യ സ​ന്ദേ​ശം. ഈ ​മാ​സാ​വ​സാ​നം ന​ട​ക്കാ​നി​രി​ക്കു​ന്ന വ​ർ​ഷ​കാ​ല സ​മ്മേ​ള​ന​ത്തി​ലും സ്ഥി​തി വ്യ​ത്യ​സ്ത​മാ​യി​രി​ക്കി​ല്ല.

ശ​ക്തി​യും ഐ​ക്യ​വും പ്ര​ക​ടി​പ്പി​ക്കു​ന്ന പ്ര​തി​പ​ക്ഷ​ത്തി​നു മു​ന്നി​ൽ അ​ടി​പ​ത​റു​മ്പോ​ഴും അ​ങ്ങ​നെ​യ​ല്ലെ​ന്ന് രാ​ജ്യ​ത്തെ ബോ​ധ്യ​പ്പെ​ടു​ത്താ​ൻ കൂ​ടി​യാ​ണ് ഏ​റ്റു​മു​ട്ട​ലി​ന്റെ സ്വ​രം. ഏ​ത് കു​ടും​ബ​ത്തി​ൽ നി​ന്നു​ള്ള നേ​താ​വാ​ണെ​ങ്കി​ലും സ​ഭാ​ച​ട്ട​ങ്ങ​ൾ പ്ര​കാ​രം അ​ച്ച​ട​ക്ക ന​ട​പ​ടി നേ​രി​ടേ​ണ്ടി​വ​രു​മെ​ന്ന് സ​ർ​ക്കാ​ർ മു​ന്ന​റി​യി​പ്പും ന​ൽ​കി. പാ​ർ​ല​മെ​ന്റ് സ​മ്മേ​ള​നം ക​ഴി​ഞ്ഞ ശേ​ഷം ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ലാ​ണ് ഈ ​മു​ന്ന​റി​യി​പ്പ്.

ഒ​റ്റ​ക്കെ​ട്ടാ​യി നി​ൽ​ക്കു​ന്ന ഇ​ൻ​ഡ്യ സ​ഖ്യ​ത്തി​ൽ ഭി​ന്ന​ത സൃ​ഷ്ടി​ക്കാ​നു​ള്ള നീ​ക്ക​ത്തി​ൽ പാ​ർ​ല​മെ​ന്റ​റി മ​ന്ത്രി കി​ര​ൺ റി​ജി​ജു കോ​ൺ​ഗ്ര​സി​ത​ര പ്ര​തി​പ​ക്ഷ ക​ക്ഷി​ക​ളു​മാ​യി ഒ​റ്റ​ക്ക് ച​ർ​ച്ച ന​ട​ത്തു​മെ​ന്നും വ്യ​ക്ത​മാ​ക്കി​യി​ട്ടു​ണ്ട്.

ലോ​ക്സ​ഭ സ​മ്മേ​ള​നം ചൊ​വ്വാ​ഴ്ച വൈ​കീ​ട്ട് അ​വ​സാ​നി​ച്ച​പ്പോ​ൾ ജൂ​ലൈ 27ന് ​ആ​രം​ഭി​ച്ച രാ​ജ്യ​സ​ഭ സ​മ്മേ​ള​നം രാ​ഷ്​​ട്ര​പ​തി​യു​ടെ ന​ന്ദി​പ്ര​മേ​യ ച​ർ​ച്ച​ക്കു​ള്ള മോ​ദി​യു​ടെ മ​റു​പ​ടി​യോ​ടെ ബു​ധ​നാ​ഴ്ച ഉ​ച്ച​ക്കാ​ണ് സ​മാ​പി​ച്ച​ത്. പ്ര​ധാ​ന​മ​​ന്ത്രി ന​ട​ത്തി​യ പ​രാ​മ​ർ​ശ​ങ്ങ​ളി​ൽ വ്യ​ക്ത​ത തേ​ടാ​ൻ പ്ര​തി​പ​ക്ഷ നേ​താ​വി​നു​ള്ള അ​വ​കാ​ശം വ​ക​വെ​ച്ചു​കൊ​ടു​ക്കാ​ത്ത​തി​ൽ പ്ര​തി​ഷേ​ധി​ച്ച് ഇ​ൻ​ഡ്യ ക​ക്ഷി​ക​ൾ ഒ​ന്ന​ട​ങ്കം രാ​ഷ്​​ട്ര​പ​തി​യു​ടെ ന​ന്ദി​പ്ര​മേ​യ ച​ർ​ച്ച​ക്കു​ള്ള മോ​ദി​യു​ടെ മ​റു​പ​ടി ബ​ഹി​ഷ്ക​രി​ച്ച് സ​ഭ വി​ട്ടി​റ​ങ്ങി​യ ശേ​ഷ​മാ​യി​രു​ന്നു സ​മാ​പ​നം.

ന​ന്ദി​പ്ര​മേ​യ ച​ർ​ച്ച​യു​ടെ ആ​ദ്യ ദി​വ​സം നീ​റ്റി​ൽ അ​ടി​യ​ന്ത​ര ച​ർ​ച്ച ആ​വ​ശ്യ​പ്പെ​ട്ട് ലോ​ക്സ​ഭ​യെ ന​ട​പ​ടി​യി​ലേ​ക്ക് ക​ട​ക്കാ​ൻ രാ​ഹു​ൽ ഗാ​ന്ധി​യു​ടെ നേ​തൃ​ത്വ​ത്തി​ലു​ള്ള ഇ​ൻ​ഡ്യ എം.​പി​മാ​ർ അ​നു​വ​ദി​ച്ചി​ല്ല. അ​തേ​സ​മ​യം പ്ര​തി​പ​ക്ഷ ശ​ബ്ദം താ​ര​ത​മ്യേ​ന ദു​ർ​ബ​ല​മാ​യ രാ​ജ്യ​സ​ഭ​യി​ൽ ചെ​യ​ർ​മാ​ൻ ഏ​ക​പ​ക്ഷീ​യ​മാ​യി ച​ർ​ച്ച​യു​മാ​യി മു​ന്നോ​ട്ടു​പോ​കു​ക​യും ചെ​യ്തു.

പ്ര​തി​പ​ക്ഷ നേ​താ​വു​മാ​യു​ള്ള ചെ​യ​ർ​മാ​ന്റെ നി​ര​ന്ത​ര ഏ​റ്റു​മു​ട്ട​ലി​നും സ​ഭ സാ​ക്ഷ്യം വ​ഹി​ച്ചു. പ്ര​ധാ​ന​മ​ന്ത്രി​യു​ടെ പ്ര​സം​ഗ​ത്തി​നി​ട​യി​ൽ പാ​ർ​ല​മെ​ന്റ​റി മ​ര്യാ​ദ പാ​ലി​ച്ച് നി​ര​വ​ധി ത​വ​ണ കൈ ​ഉ​യ​ർ​ത്തി​യി​ട്ടും എ​ഴു​ന്നേ​റ്റി​ട്ടും പ്ര​തി​പ​ക്ഷ നേ​താ​വി​നെ സം​സാ​രി​ക്കാ​ൻ അ​നു​വ​ദി​ക്കാ​തി​രു​ന്ന​പ്പോ​ൾ സോ​ണി​യ ഗാ​ന്ധി​യാ​ണ് ബ​ഹി​ഷ്ക​രി​ച്ച് സ​ഭ വി​ട്ടി​റ​ങ്ങാ​ൻ ഇ​ൻ​ഡ്യ എം.​പി​മാ​രോ​ട് ആ​വ​ശ്യ​പ്പെ​ട്ട​ത്.