മുംബൈ: ഭരണഘടനാ സംരക്ഷണത്തെ കുറിച്ച് രാഹുല്‍ ഗാന്ധിയുടെ നേതൃത്വത്തില്‍ സംഘടിപ്പിച്ച പരിപാടിയില്‍ വിതരണം ചെയ്ത ഭരണഘടനയിൽ ഉള്ളടക്കമില്ലെന്ന ആരോപണവുമായി ബി.ജെ.പി. മഹാരാഷ്ട്രയിലെ നാഗ്പുരില്‍ സംഘടിപ്പിച്ച പരിപാടിയിൽ വിതരണം ചെയ്ത ഭരണഘടനയിലാണ് ഉള്ളടക്കത്തിന് പകരം വെള്ളക്കടലാസ് മാത്രമുള്ളത്
കോണ്‍ഗ്രസ് വിതരണം ചെയ്ത ഭരണഘനയില്‍ ആമുഖം ഒഴികെ മറ്റൊന്നും ഇല്ലെന്നാണ് ആരോപണം. മഹാരാഷ്ട്ര ബി.ജെ.പിയാണ് സമൂഹ മാധ്യമങ്ങളില്‍ ഉളളടക്കമില്ലാത്ത ഭരണഘടനയുടെ വീഡിയോ പങ്കുവെച്ചത്.
മഹാരാഷ്ട്ര നിയമസഭാ തെരഞ്ഞെടുപ്പ് വരാനിരിക്കെ രാഹുലിനും കോണ്‍ഗ്രസിനുമെതിരെ ഭരണഘടനാ വിരുദ്ധ ചാപ്പ കുത്താനായി ബി.ജെ.പി ഈ വിഷയം തെരഞ്ഞെടുത്തിരിക്കുകയാണ് എന്നും ആരോപണമുണ്ട്.
രാഹുല്‍ പരിപാടിയില്‍ കൊണ്ടുവന്ന ഭരണഘടനയുടെ നിറവും വിമര്‍ശനങ്ങള്‍ക്കിടയാക്കിയിട്ടുണ്ട്. ചുവപ്പ് നിറമുള്ള ഭരണഘടന രാഹുലിന്റെ നക്‌സലുകളോടുള്ള ചായ്‌വിനെയാണ് സൂചിപ്പിക്കുന്നതെന്ന് മഹരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്‌നാവിസ് ആരോപിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.