ന്യൂഡൽഹി: ക്രിസ്തുമസ് ദിനത്തിൽ ജനങ്ങൾക്ക് ആശംസ അറിയിച്ച് പ്രധാനമന്ത്രി നരേന്ദ്രമോദി. ക്രിസ്തുമസ് ദിനം സമൂഹത്തിൽ ഐക്യവും സാഹോദര്യവും വർധിപ്പിക്കട്ടെ എന്ന് അദ്ദേഹം പറഞ്ഞു.
'ക്രിസ്തുമസ് ആശംസകൾ! ഈ സവിശേഷ ദിനം സമൂഹത്തിൽ ഐക്യവും സാഹോദര്യവും വർധിപ്പിക്കട്ടെ. യേശുവിന്‍റെ ശ്രേഷ്ഠമായ ചിന്തകളെ ഓർക്കുകയും സമൂഹത്തെ സേവിക്കുന്നതിൽ ഊന്നൽ നൽകുകയും ചെയ്യുന്നു.' -പ്രധാനമന്ത്രി ട്വീറ്റ് ചെയ്തു.
വീണ്ടും കോവിഡ് ഭീതി ഉയരുന്ന സാഹചര്യത്തിലാണ് ലോകം ക്രിസ്തുമസ് ആഘോഷിക്കുന്നത്. നേരത്തെ, കോവിഡ് കേസുകൾ ഉയരുന്ന പശ്ചാത്തലത്തിൽ പ്രതിരോധ നടപടികളുടെ മുന്നൊരുക്കത്തിന്‍റെ ഭാഗമായി ചൊവ്വാഴ്ച 27ന് രാജ്യവ്യാപകമായി മോക്ഡ്രിൽ നടത്താൻ കേന്ദ്ര ആരോഗ്യമന്ത്രി മൻസുഖ് മാണ്ഡവ്യ
നിർദേശം നൽകിയിരുന്നു. സംസ്ഥാന ആരോഗ്യമന്ത്രിമാരുടെ യോഗം വിളിച്ച കേന്ദ്രം രാജ്യത്തെ കോവിഡ് സാഹചര്യങ്ങൾ വിലയിരുത്തുകയും ചെയ്തിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.