പട്ടികവിഭാഗ സംവരണത്തിലെ മേൽത്തട്ട്; കേന്ദ്രത്തിന് നിലപാടില്ലെന്ന് കോൺഗ്രസ്

ന്യൂ​ഡ​ൽ​ഹി: പ​ട്ടി​ക​ജാ​തി-​പ​ട്ടി​ക​വ​ർ​ഗ സം​വ​ര​ണ​ത്തി​ൽ (എ​സ്.​സി-​എ​സ്.​ടി) മേ​ൽ​ത്ത​ട്ടു​കാ​രെ നി​ർ​ണ​യി​ക്കാ​നു​ള്ള സു​പ്രീം​കോ​ട​തി നി​ർ​ദേ​ശ​ത്തി​ൽ കേ​ന്ദ്ര​ത്തി​ന് വ്യ​ക്ത​മാ​യ നി​ല​പാ​ടി​ല്ലെ​ന്ന് വി​മ​ർ​ശി​ച്ച് കോ​ൺ​ഗ്ര​സ്. സം​വ​ര​ണം അ​വ​സാ​നി​പ്പി​ക്ക​ണ​മെ​ന്ന നി​ല​പാ​ടാ​ണ് ബി.​ജെ.​പി​ക്കെ​ന്ന് കോ​ൺ​ഗ്ര​സ് ദേ​ശീ​യാ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ പ​റ​ഞ്ഞു. അ​തു​കൊ​ണ്ടാ​ണ് കോ​ട​തി നി​ർ​ദേ​ശം വ​ന്ന് ആ​ഴ്ച​ക​ൾ ക​ഴി​ഞ്ഞും വി​ഷ​യ​ത്തി​ൽ പാ​ർ​ല​മെ​ന്റി​ൽ തീ​രു​മാ​ന​മെ​ടു​ക്കാ​തി​രു​ന്ന​ത്. വി​ഷ​യ​ത്തി​ലെ നി​ല​പാ​ടി​ല്ലാ​യ്മ മ​റ​യ്ക്കാ​ൻ, നി​ർ​ദേ​ശം ന​ട​പ്പി​ലാ​ക്കി​ല്ലെ​ന്നു​പ​റ​ഞ്ഞ് സ​ർ​ക്കാ​ർ ത​ടി​യൂ​രു​ക​യാ​ണെ​ന്നും ഖാ​ർ​ഗെ പ​റ​ഞ്ഞു.

ത​ൽ​ക്കാ​ലം വി​ഷ​യം അ​വ​സാ​നി​പ്പി​ക്കു​ക മാ​ത്ര​മാ​ണ് ചെ​യ്ത​തെ​ന്നാ​ണ് പ്ര​തി​പ​ക്ഷ ക​ക്ഷി​ക​ള​ട​ക്ക​മു​ള്ള​വ​രു​യ​ർ​ത്തു​ന്ന വി​മ​ർ​ശ​നം. എ​സ്.​സി-​എ​സ്.​ടി വി​ഭാ​ഗ​ങ്ങ​ളി​ൽ ​മേ​ല്‍ത്ത​ട്ടു​കാ​രെ ത​രം​തി​രി​ച്ച് സം​വ​ര​ണ പ​ട്ടി​ക​യി​ല്‍ നി​ന്ന് ഒ​ഴി​വാ​ക്ക​ണ​മെ​ന്ന സു​പ്രീം​കോ​ട​തി നി​ർ​ദേ​ശം ന​ട​പ്പാ​ക്കേ​ണ്ടെ​ന്ന് ​വെ​ള്ളി​യാ​ഴ്ച വൈ​കീ​ട്ട് ചേ​ർ​ന്ന കേ​ന്ദ്ര​മ​ന്ത്രി​സ​ഭാ യോ​ഗം തീ​രു​മാ​നി​ച്ചി​രു​ന്നു. ​മേ​ൽ​ത്ത​ട്ടു​കാ​രെ തീ​രു​മാ​നി​ക്കാ​നു​ള്ള വ്യ​വ​സ്ഥ ഭ​ര​ണ​ഘ​ട​ന​യി​ൽ ഇ​ല്ലെ​ന്നാ​യി​രു​ന്നു വി​ഷ​യ​ത്തി​ൽ സ​ർ​ക്കാ​ർ നി​ല​പാ​ട് വ്യ​ക്ത​മാ​ക്കി കേ​ന്ദ്ര​മ​ന്ത്രി അ​ശ്വ​നി വൈ​ഷ്ണ​വ് പ​റ​ഞ്ഞ​ത്.

എ​ന്നാ​ൽ, നി​ർ​ദേ​ശം ന​ൽ​കു​ന്ന​തി​ലേ​ക്ക് കോ​ട​തി​യെ ന​യി​ച്ച സം​വ​ര​ണ വി​ഭാ​ഗ​ങ്ങ​ളി​ലെ അ​തി​പി​ന്നാ​ക്ക സ​മു​ദാ​യ​ങ്ങ​ള​ട​ക്കം വി​ഷ​യ​ങ്ങ​ളി​ൽ സ​ർ​ക്കാ​ർ ഇ​നി​യും ന​യം വ്യ​ക്ത​മാ​ക്കി​യി​ട്ടി​ല്ല. വി​ധി പൂ​ർ​ണ​മാ​യി ത​ള്ളു​ന്ന​ത് തെ​ക്ക​ൻ സം​സ്ഥാ​ന​ങ്ങ​ളി​ൽ ബി.​ജെ.​പി​ക്ക് തി​രി​ച്ച​ടി​യാ​കു​മെ​ന്നാ​ണ് വി​ല​യി​രു​ത്ത​ൽ.

വി​ധി​യെ അ​നു​കൂ​ലി​ച്ചാൽ സം​വ​ര​ണ വി​രു​ദ്ധ​രെ​ന്നു​കാ​ണി​ച്ച് ഹി​ന്ദു​ത്വ വോ​ട്ടു​ബാ​ങ്കി​ൽ വി​ള്ള​ലു​ണ്ടാ​ക്കാ​ൻ പ്ര​തി​പ​ക്ഷ​ത്തിന് കഴിയുമെ​ന്നും പാ​ർ​ട്ടി നേ​തൃ​ത്വം വി​ല​യി​രു​ത്തു​ന്നു. വി​ഷ​യം പാ​ർ​ല​മെ​ന്റി​ൽ അ​വ​ത​രി​പ്പി​ക്കു​ക​യും കോ​ട​തി നി​ർ​ദേ​ശ​മ​ട​ക്കം ഭാ​വി​യി​ൽ സം​വ​ര​ണ​ത്തി​ലു​ണ്ടാ​യേ​ക്കാ​വു​ന്ന ഇ​ട​പെ​ട​ലു​ക​ളും റ​ദ്ദു​ചെ​യ്യു​ന്ന രീ​തി​യി​ൽ നി​യ​മ​നി​ർ​മാ​ണം ന​ട​ക്കു​ക​യാ​യി​രു​ന്നു വേ​ണ്ട​തെ​ന്നാ​ണ് കോ​ൺ​ഗ്ര​സ് നി​ല​പാ​ട്. തൊ​ട്ടു​കൂ​ടാ​യ്മ നി​ല​നി​ൽ​ക്കു​ന്ന കാ​ലം വ​രെ സം​വ​ര​ണം വേ​ണ​മെ​ന്നും സം​വ​ര​ണം നി​ല​നി​ർ​ത്താ​നാ​യി പോ​രാ​ടു​മെ​ന്നും ശ​നി​യാ​ഴ്ച മാ​ധ്യ​മ​ങ്ങ​ളെ ക​ണ്ട കോ​ൺ​ഗ്ര​സ് അ​ധ്യ​ക്ഷ​ൻ ഖാ​ർ​ഗെ പ​റ​ഞ്ഞു.

എ​സ്‌.​സി-​എ​സ്‌.​ടി വി​ഭാ​ഗ​ങ്ങ​ളെ​ക്കു​റി​ച്ച് അ​വ​ർ ഗൗ​ര​വ​മാ​യി ചി​ന്തി​ച്ചി​ട്ടി​ല്ലെ​ന്നാ​ണ് കോ​ട​തി​യു​ടെ നി​ർ​ദേ​ശം തെ​ളി​യി​ക്കു​ന്ന​ത്. പ​ട്ടി​ക​ജാ​തി-​പ​ട്ടി​ക​വ​ർ​ഗ വി​ഭാ​ഗ​ങ്ങ​ൾ​ക്ക് ജോ​ലി ല​ഭി​ക്കു​ന്നി​ല്ല. എ​സ്.​സി​ക്കാ​രാ​രും ഉ​ന്ന​ത പ​ദ​വി​യി​ലി​ല്ല. പ​ട്ടി​ക​ജാ​തി-​പ​ട്ടി​ക​വ​ർ​ഗ​ക്കാ​രെ ക്രീ​മി​ലെ​യ​റി​ൽ ത​രം​തി​രി​ച്ച് അ​ടി​ച്ച​മ​ർ​ത്താ​നാ​ണ് ശ്ര​മി​ക്കു​ന്ന​തെ​ന്നും അ​ദ്ദേ​ഹം പ​റ​ഞ്ഞു. ക്രീ​മി​ലെ​യ​ർ നി​ർ​ദേ​ശം ന​ട​പ്പാ​ക്കി​ല്ലെ​ന്ന് ഉ​റ​പ്പാ​ക്കാ​ൻ സ​ർ​ക്കാ​ർ പാ​ർ​ല​മെ​ന്റി​ൽ നി​യ​മം കൊ​ണ്ടു​വ​ന്ന് വി​ധി അ​സാ​ധു​വാ​ക്ക​ണ​മാ​യി​രു​ന്നു. മ​ണി​ക്കൂ​റു​ക​ൾ​ക്കു​ള്ളി​ൽ ബി​ല്ലു​ക​ൾ ത​യാ​റാ​ക്കു​ന്ന സ​ർ​ക്കാ​റി​ന് വി​ധി വ​ന്നി​ട്ട് 15 ദി​വ​സ​മാ​യി​ട്ടും നി​യ​മ​നി​ർ​മാ​ണ​ത്തി​ന് സാ​ധി​ച്ചി​ല്ലെ​ന്നും ഖാ​ർ​ഗെ പ​റ​ഞ്ഞു.

എ​സ്.​സി -എ​സ്.​ടി സം​വ​ര​ണ​ത്തി​നു​ള്ളി​ൽ ഉ​പ​സം​വ​ര​ണ​ത്തി​ന് അം​ഗീ​കാ​രം ന​ൽ​കി​ക്കൊ​ണ്ടാ​യി​രു​ന്നു സു​പ്രീം കോ​ട​തി​യു​ടെ നി​ർ​ണാ​യ​ക വി​ധി. കൂ​ടു​ത​ൽ അ​ർ​ഹ​ത​യു​ള്ള​വ​ർ​ക്ക് പ്ര​ത്യേ​ക ക്വോ​ട്ട ന​ൽ​കു​ന്ന​ത് ഭ​ര​ണ​ഘ​ട​നാ വി​രു​ദ്ധ​മ​ല്ലെ​ന്നാ​ണ് ചീ​ഫ് ജ​സ്റ്റി​സ് അ​ധ്യ​ക്ഷ​നാ​യ ഏ​ഴം​ഗ ബെ​ഞ്ച് വി​ധി​ച്ച​ത്. എ​സ്.​സി- എ​സ്.​സി ക്വോ​ട്ട​യി​ൽ ഉ​പ​സം​വ​ര​ണം പാ​ടി​ല്ലെ​ന്ന 2004ലെ ​അ​ഞ്ചം​ഗ ഭ​ര​ണ​ഘ​ട​നാ ബെ​ഞ്ച് വി​ധി​യാ​ണ് ഏ​ഴം​ഗ ബ​ഞ്ച് തി​രു​ത്തി​യ​ത്. പ​ഞ്ചാ​ബ്, ത​മി​ഴ്നാ​ട് സം​സ്ഥാ​ന​ങ്ങ​ൾ ന​ൽ​കി​യ ഉ​പ​സം​വ​ര​ണം സു​പ്രീം​കോ​ട​തി ഇ​തു​വ​ഴി ശ​രി​വെ​ക്കു​ക​യാ​യി​രു​ന്നു.

തീരുമാനത്തിന് പിന്നിൽ ഘടകകക്ഷി സമ്മർദ്ദവും

ന്യൂഡൽഹി: എ​സ്.​സി-​എ​സ്.​ടി വി​ഭാ​ഗ​ങ്ങ​ളി​ൽ ​മേ​ല്‍ത്ത​ട്ടു​കാ​രെ ത​രം​തി​രി​ച്ച് സം​വ​ര​ണ പ​ട്ടി​ക​യി​ല്‍ നി​ന്ന് ഒ​ഴി​വാ​ക്ക​ണ​മെ​ന്ന സു​പ്രീം​കോ​ട​തി നി​ർ​ദേ​ശം ന​ട​പ്പാ​ക്കേ​ണ്ടെ​ന്ന് ​കേന്ദ്രസർക്കാർ തീരുമാനിച്ചതിന് പിന്നിൽ ഘടകകക്ഷി സമ്മർദ്ദവും. കോ​ട​തി നി​ർ​ദേ​ശ​ത്തി​നു​പി​ന്നാ​ലെ എ​ൻ.​ഡി.​എ ഘ​ട​ക​ക​ക്ഷി​ക​ളി​ൽ നി​ന്ന​ട​ക്കം സ​ർ​ക്കാ​രി​ന് സ​മ്മ​ർ​ദം ശ​ക്ത​മാ​യി​രു​ന്നു.

എ​ൻ.​ഡി.​എ​യി​ലെ നി​ർ​ണാ​യ​ക പ​ങ്കാ​ളി​യാ​യ ടി.​ഡി.​പി അ​ട​ക്ക​മു​ള്ളവ​രെ ക​ണ​ക്കാ​ക്കി​യാ​ണ് വി​ഷ​യ​ത്തി​ൽ സ​ർ​ക്കാ​ർ ത​ന്ത്ര​പ​ര​മാ​യ നി​ല​പാ​ട് സ്വീ​ക​രി​ക്കു​ന്ന​തെ​ന്നാ​ണ് സൂ​ച​ന. ഉ​പ​വി​ഭാ​ഗ​ങ്ങ​ൾ​ക്കു​ള്ള സം​വ​ര​ണം ക​ഴി​ഞ്ഞ ലോ​ക്സ​ഭാ തെ​ര​ഞ്ഞെ​ടു​പ്പി​ൽ ടി.​ഡി.​പി ഉ​യ​ർ​ത്തി​ക്കാ​ട്ടി​യ ഉ​റ​പ്പാ​യി​രു​ന്നു. പ​ട്ടി​ക​ജാ​തി പ​ട്ടി​ക​വ​ർ​ഗ​ങ്ങ​ളി​ലെ ഉ​പ​വി​ഭാ​ഗ​ങ്ങ​ൾ​ക്ക് സം​വ​ര​ണം ന​ൽ​ക​ണ​മെ​ങ്കി​ൽ സ​ർ​ക്കാ​ർ പ്ര​തി​പ​ക്ഷ ആ​വ​ശ്യ​മാ​യ ജാ​തി സെ​ൻ​സ​സ് ന​ട​ത്തേ​ണ്ടി​വ​രും. വി​ഷ​യ​ത്തി​ൽ പു​നഃ​പ​രി​ശോ​ധ​നാ ഹ​ര​ജി ന​ൽ​ക​ണ​മെ​ന്ന് എ​ൻ.​ഡി.​എ ഘ​ട​ക​ക്ഷി ലോ​ക് ജ​ന​ശ​ക്തി പാ​ര്‍ട്ടി നേ​താ​വും കേ​ന്ദ്ര സ​ഹ​മ​ന്ത്രി​യു​മാ​യ ചി​രാ​ഗ് പാ​സ്വാ​ൻ കേ​ന്ദ്ര​മ​ന്ത്രി​സ​ഭാ യോ​ഗ​ത്തി​ൽ ആ​വ​ശ്യ​മു​ന്ന​യി​ച്ചി​രു​ന്നു.

സം​വ​ര​ണ​ത്തി​ലെ മാ​റ്റ​ങ്ങ​ള്‍ വ​ലി​യ പ്ര​ത്യാ​ഘാ​തം ഉ​ണ്ടാ​ക്കു​മെ​ന്നും ചി​രാ​ഗ് ചൂ​ണ്ടി​ക്കാ​ട്ടി. പി​ന്നാ​ലെ കൂ​ടു​ത​ൽ ഘ​ട​ക​ക​ക്ഷി​ക​ൾ വി​ഷ​യ​ത്തി​ൽ രം​ഗ​ത്തു​വ​ന്ന​ത് സ​ർ​ക്കാ​റി​നെ കൂ​ടു​ത​ൽ സ​മ്മ​ർ​ദ​ത്തി​ലാ​ക്കി​യി​രു​ന്നു. വി​ഷ​യ​ത്തി​ൽ ഇ​ൻ​ഡ്യാ മു​ന്ന​ണി​യി​ലും ആ​ശ​യ​ക്കു​ഴ​പ്പ​മു​ണ്ട്. നേ​ര​ത്തെ ബി.​എ​സ്.​പി അ​ധ്യ​ക്ഷ മാ​യാ​വ​തി കോ​ട​തി നി​ർ​ദേ​ശ​ത്തെ എ​തി​ർ​ത്ത​പ്പോ​ൾ ക​ർ​ണാ​ട​ക മു​ഖ്യ​മ​ന്ത്രി സി​ദ്ധ​രാ​മ​യ്യ​യും തെ​ല​ങ്കാ​ന മു​ഖ്യ​മ​ന്ത്രി രേ​വ​ന്ത് റെ​ഡ്ഢി​യും വി​ധി അ​നു​കൂ​ലി​ച്ച് രം​ഗ​ത്തെ​ത്തി​യി​രു​ന്നു.