പോരാടാനുറച്ച്...സി.​എ.​എ​ക്കെ​തി​രെ രാ​ജ്യ​വ്യാ​പ​ക പ്ര​തി​ഷേ​ധം; നി​യ​മ​യു​ദ്ധം

ന്യൂ​ഡ​ൽ​ഹി: മ​താ​ടി​സ്ഥാ​ന​ത്തി​ൽ പൗ​ര​ത്വം ന​ൽ​കു​ന്ന വി​വാ​ദ പൗ​ര​ത്വ ഭേ​ദ​ഗ​തി നി​യ​മം (സി.​എ.​എ) ന​ട​പ്പാ​ക്കാ​ൻ കേ​ന്ദ്ര സ​ർ​ക്കാ​ർ ച​ട്ടം പു​റ​ത്തി​റ​ക്കി​യ​തി​നെ തു​ട​ർ​ന്ന് രാ​ജ്യ​വ്യാ​പ​ക പ്ര​തി​ഷേ​ധം. ഒ​പ്പം നി​യ​മ​യു​ദ്ധ​ത്തി​നും ക​ള​മൊ​രു​ങ്ങി. വി​വാ​ദ നി​യ​മ​ത്തി​നെ​തി​രെ 2019ൽ ​സു​പ്രീം​കോ​ട​തി​യി​ലെ​ത്തി​യ ഇ​ന്ത്യ​ൻ യൂ​നി​യ​ൻ മു​സ്‍ലിം ലീ​ഗും ഡി.​വൈ.​എ​ഫ്.​ഐ​യും കേ​ന്ദ്ര സ​ർ​ക്കാ​ർ കൊ​ണ്ടു​​വ​ന്ന ച​ട്ട​ങ്ങ​ൾ സ്റ്റേ ​ചെ​യ്യ​ണ​മെ​ന്നാ​വ​ശ്യ​പ്പെ​ട്ട് പു​തി​യ അ​പേ​ക്ഷ​ക​ളു​മാ​യി സു​പ്രീം​കോ​ട​തി​യെ സ​മീ​പി​ച്ചു. അ​പേ​ക്ഷ​ക​ൾ അ​ടി​യ​ന്ത​ര​മാ​യി പ​രി​ഗ​ണി​ക്ക​ണ​മെ​ന്ന് ഇ​രു കൂ​ട്ട​രും ആ​വ​ശ്യ​പ്പെ​ട്ടു.

വി​ദ്യാ​ർ​ഥി​ക​ൾ സ​മ​ര​രം​ഗ​ത്തി​റ​ങ്ങി​യ അ​സ​മി​ൽ പ്ര​തി​പ​ക്ഷം ബ​ന്ദി​ന് ആ​ഹ്വാ​നം ചെ​യ്തു. നി​യ​മം പൗ​ര​ന്മാ​രെ വി​ഭ​ജി​ക്കു​ന്ന​താ​ണെ​ന്നും ന​ട​പ്പാ​ക്കി​ല്ലെ​ന്നും ത​മി​ഴ്നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​ൻ പ​റ​ഞ്ഞു. വി​വേ​ച​ന​പ​ര​മാ​യ പൗ​ര​ത്വ ഭേ​ദ​ഗ​തി നി​യ​മം ന​ട​പ്പാ​ക്കാ​നു​ള്ള നീ​ക്ക​ത്തി​ൽ​നി​ന്ന് പി​ന്മാ​റ​ണ​മെ​ന്ന് മു​സ്‍ലിം സം​ഘ​ട​ന​ക​ൾ സം​യു​ക്ത പ്ര​സ്താ​വ​ന​യി​ൽ കേ​ന്ദ്ര സ​ർ​ക്കാ​റി​നോ​ട് ആ​വ​ശ്യ​പ്പെ​ട്ടു. 2019ൽ ​ശാ​ഹീ​ൻ ബാ​ഗി​ലും ജാ​മി​അ​യി​ലും പൊ​ട്ടി​പ്പു​റ​പ്പെ​ട്ട​തു​പോ​ലൊ​രു പൗ​ര​ത്വ പ്ര​​ക്ഷോ​ഭം ഉ​ണ്ടാ​കാ​തി​രി​ക്കാ​ൻ ത​ല​സ്ഥാ​ന​ന​ഗ​രി ശ​ക്ത​മാ​യ പൊ​ലീ​സ് സ​ന്നാ​ഹ​ത്തി​ലും നി​രീ​ക്ഷ​ണ​ത്തി​ലു​മാ​ക്കി. 2014 ഡി​സം​ബ​ർ 31നോ ​അ​തി​ന് മു​മ്പോ അ​ഫ്ഗാ​നി​സ്താ​ൻ, പാ​കി​സ്താ​ൻ, ബം​ഗ്ലാ​ദേ​ശ് എ​ന്നി​വി​ട​ങ്ങ​ളി​ൽ​നി​ന്ന് അ​ന​ധി​കൃ​ത​മാ​യി ഇ​ന്ത്യ​യി​ലേ​ക്ക് കു​ടി​യേ​റി​യ മു​സ്‍ലിം​ക​ള​ല്ലാ​ത്ത​വ​ർ​ക്ക് പൗ​ര​ത്വം ന​ൽ​കാ​നു​ണ്ടാ​ക്കി​യ വി​വാ​ദ നി​യ​മം 2019ൽ ​പാ​ർ​ല​മെ​ന്റ് പാ​സാ​ക്കി​യ​പ്പോ​ൾ​ത​ന്നെ ഭ​ര​ണ​ഘ​ട​നാ​വി​രു​ദ്ധ​മാ​ണെ​ന്നും റ​ദ്ദാ​ക്ക​ണ​മെ​ന്നും ആ​വ​ശ്യ​പ്പെ​ട്ട് 250ഓ​ളം ഹ​ര​ജി​ക​ൾ സു​പ്രീം​കോ​ട​തി​യി​ലെ​ത്തി​യി​രു​ന്നു. ച​ട്ട​ങ്ങ​ളു​ണ്ടാ​ക്കാ​നോ നി​യ​മം ന​ട​പ്പാ​ക്കാ​നോ ഇ​പ്പോ​ൾ സ​ർ​ക്കാ​റി​ന് ഉ​ദ്ദേ​ശ്യ​മി​ല്ലെ​ന്ന് അ​ന്ന് സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത പ​റ​ഞ്ഞ​തി​നെ തു​ട​ർ​ന്നാ​ണ് അ​ടി​യ​ന്ത​ര​മാ​യി വാ​ദം കേ​ൾ​ക്കാ​തെ സു​പ്രീം​കോ​ട​തി നീ​ട്ടി​വെ​ച്ച​ത്. നി​ര​ന്ത​രം ആ​വ​ശ്യ​പ്പെ​ട്ടി​ട്ടും ചെ​വി​ക്കൊ​ള്ളാ​തെ സു​പ്രീം​കോ​ട​തി വാ​ദം നീ​ട്ടി​ക്കൊ​ണ്ടു​പോ​കു​ന്ന​തി​നി​ട​യി​ലാ​ണ് തി​ങ്ക​ളാ​ഴ്ച ച​ട്ട​ങ്ങ​ൾ വി​ജ്ഞാ​പ​നം ചെ​യ്ത​ത്. പി​ന്നാ​ലെ പൗ​ര​ത്വ അ​പേ​ക്ഷ​ക്ക് വെ​ബ്സൈ​റ്റും ആ​പ്പും തു​റ​ക്കു​ക​യും ചെ​യ്തു.

ഈ ​സാ​ഹ​ച​ര്യ​ത്തി​ലാ​ണ് ച​ട്ട​ങ്ങ​ൾ ന​ട​പ്പാ​ക്കു​ന്ന​ത് ത​ട​യാ​നു​ള്ള അ​പേ​ക്ഷ​ക​ൾ സു​പ്രീം​കോ​ട​തി​യി​ലെ​ത്തി​യി​രി​ക്കു​ന്ന​ത്. വി​വാ​ദ നി​യ​മ​ത്തി​ന്റെ ഭ​ര​ണ​ഘ​ട​ന സാ​ധു​ത ചോ​ദ്യം ചെ​യ്തു​ള്ള ഹ​ര​ജി​ക​ൾ സു​പ്രീം​കോ​ട​തി​യി​ൽ നി​ല​നി​ൽ​ക്കേ ച​ട്ട​ങ്ങ​ളു​ണ്ടാ​ക്കി ന​ട​പ്പി​ൽ വ​രു​ത്താ​ൻ കേ​​ന്ദ്ര​ത്തെ അ​നു​വ​ദി​ക്ക​രു​തെ​ന്നാ​ണ് ഇ​രു സം​ഘ​ട​ന​ക​ളു​ടെ​യും ആ​വ​ശ്യം. പാ​ർ​ല​മെ​ന്റ് പാ​സാ​ക്കി നാ​ല​ര വ​ർ​ഷ​മാ​യി​ട്ടും ന​ട​പ്പാ​ക്കാ​ത്ത വി​വാ​ദ നി​യ​മം സു​പ്രീം​കോ​ട​തി ഇ​ക്കാ​ര്യ​ത്തി​ൽ തീ​ർ​പ്പ് ക​ൽ​പി​ക്കും മു​മ്പ് ന​ട​പ്പാ​ക്കേ​ണ്ട അ​ടി​യ​ന്ത​ര സാ​ഹ​ച​ര്യ​മി​ല്ലെ​ന്ന് അ​ഡ്വ. ഹാ​രി​സ് ബീ​രാ​ൻ മു​ഖേ​ന ഇ​ന്ത്യ​ൻ യൂ​നി​യ​ൻ മു​സ്‍ലിം ലീ​ഗ് സ​മ​ർ​പ്പി​ച്ച അ​പേ​ക്ഷ​യി​ൽ ബോ​ധി​പ്പി​ച്ചു. കു​ടി​യേ​റ്റ​ക്കാ​ർ​ക്കും അ​ഭ​യാ​ർ​ഥി​ക​ൾ​ക്കും പൗ​ര​ത്വം ന​ൽ​കു​ന്ന​തി​ന് എ​തി​ര​ല്ലെ​ന്നും മ​താ​ടി​സ്ഥാ​ന​ത്തി​ലാ​ക്കു​ന്ന​തി​നെ​യാ​ണ് എ​തി​ർ​ക്കു​ന്ന​തെ​ന്നും അ​പേ​ക്ഷ​യി​ലു​ണ്ട്. സു​പ്രീം​കോ​ട​തി​യി​ലെ ഹ​ര​ജി തീ​ർ​പ്പാ​ക്കു​ന്ന​തു​വ​രെ ഏ​തെ​ങ്കി​ലും മ​ത​വി​ഭാ​ഗ​ക്കാ​രെ​മാ​ത്രം പൗ​ര​ത്വ അ​പേ​ക്ഷ​യി​ൽ​നി​ന്ന് ഒ​ഴി​വാ​ക്ക​രു​തെ​ന്നും അ​വ​ർ​ക്കെ​തി​രെ പൗ​ര​ത്വ നി​യ​മം, പാ​സ്​​പോ​ർ​ട്ട് നി​യ​മം, വി​ദേ​ശി നി​യ​മം എ​ന്നി​വ​യു​ടെ അ​ടി​സ്ഥാ​ന​ത്തി​ൽ ന​ട​പ​ടി​ക​ൾ എ​ടു​ക്ക​രു​തെ​ന്നും ലീ​ഗി​ന്റെ അ​പേ​ക്ഷ​യി​ലു​ണ്ട്.

പൗ​ര​ത്വ ഭേ​ദ​ഗ​തി നി​യ​മം ന​ട​പ്പാ​ക്കു​ന്ന​തി​നാ​യി വി​ജ്ഞാ​പ​നം ചെ​യ്ത ച​ട്ട​ങ്ങ​ൾ ഭ​ര​ണ​ഘ​ട​ന​യു​ടെ 14ാം അ​നുഛേ​ദ​ത്തി​ന്റെ ലം​ഘ​ന​മാ​ണെ​ന്നും മു​സ്‍ലിം​ക​ളെ​മാ​ത്രം ഈ ​പ്ര​ക്രി​യ​യി​ൽ​നി​ന്ന് ഒ​ഴി​വാ​ക്കു​ന്ന​ത് മ​ത​പ​ര​മാ​യ വി​വേ​ച​ന​മാ​ണെ​ന്നും അ​ഡ്വ. സു​ഭാ​ഷ് ച​ന്ദ്ര​ൻ മു​ഖേ​ന ഫ​യ​ൽ ചെ​യ്ത അ​പേ​ക്ഷ​യി​ൽ ഡി.​വൈ.​എ​ഫ്.​ഐ ചൂ​ണ്ടി​ക്കാ​ട്ടി. കേ​സ് തീ​ർ​പ്പാ​ക്കു​ന്ന​തു​വ​രെ നി​യ​മം ന​ട​പ്പാ​ക്കു​ന്ന​ത് സ്റ്റേ ​ചെ​യ്യ​ണ​മെ​ന്ന് ഇ​രു അ​പേ​ക്ഷ​ക​ളി​ലു​മു​ണ്ട്.