ന്യൂഡൽഹി: 9,000 കോടിയുടെ ബാങ്ക് വായ്പ തട്ടിപ്പിൽ ആരോപണവിധേയനായ വ്യവസായി വിജയ് മല്യക്കെതിരായ കോടതിയലക്ഷ്യ കേസ് സുപ്രീംകോടതി വിധിപറയാൻ മാറ്റി. മുതിർന്ന അഭിഭാഷകനും അമികസ് ക്യൂറിയുമായ ജയ്ദീപ് ഗുപ്തയുടെ വാദം കേട്ടശേഷമാണ് ജസ്റ്റിസുമാരായ യു.യു. ലളിത്, എസ്. രവീന്ദ്ര ഭട്ട്, പി.എസ്. നരസിംഹ എന്നിവരടങ്ങിയ ബെഞ്ച് കേസ് വിധിപറയാനായി മാറ്റിയത്. കേസിൽ ഏറെ സമയം നൽകിയ മല്യക്ക് നേരിട്ടോ അഭിഭാഷകൻ വഴിയോ ഹാജരാവാൻ ഒരവസരം കൂടി നൽകുകയാണെന്ന് കോടതി വ്യക്തമാക്കി.
കോടതി ഉത്തരവിന് വിരുദ്ധമായി നാലു കോടി ഡോളർ മക്കളുടെ പേരിലാക്കി മാറ്റിയ കേസിൽ മല്യ കുറ്റക്കാരനാണെന്ന് 2017ൽ കോടതി വിധിച്ചതാണ്. ഇത് പുനഃപരിശോധിക്കണമെന്ന മല്യയുടെ ഹരജി 2020ൽ കോടതി തള്ളിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.