representational image
ശ്രീനഗർ: ബി.ജെ.പി നേതാവ് വസീം ബാരിയെയും രണ്ട് കുടുംബാംഗങ്ങളെയും വധിച്ച ഭീകരനെ സുരക്ഷസേന ഏറ്റുമുട്ടലിൽ വധിച്ചതായി പൊലീസ്. ജമ്മു കശ്മീരിലെ ബന്ദിേപാരയിൽ ഞായറാഴ്ചയുണ്ടായ ഏറ്റുമുട്ടലിൽ രണ്ടു ഭീകരരെയാണ് വധിച്ചത്.
ഭീകര സാന്നിധ്യമുണ്ടെന്ന രഹസ്യവിവരത്തിന്‍റെ അടിസ്ഥാനത്തിലാണ് സുരക്ഷസേന വാത്റിന പ്രദേശത്ത് തെരച്ചിൽ നടത്തിയത്. സൈന്യത്തിന് നേരെ ഭീകരർ വെടിവെക്കുകയായിരുന്നുവെന്ന് പൊലീസ് ഉദ്യോഗസ്ഥൻ പറഞ്ഞു. ബാരിയെയും ബന്ധുക്കളെയും കൊലപ്പെടുത്തിയ ഭീകരനെ ഏറ്റുമുട്ടലിൽ വധിച്ചതായി കശ്മീർ സോൺ പൊലീസ് ട്വീറ്റ് ചെയ്തു.
കഴിഞ്ഞ വർഷം ജൂലൈയിലാണ് ബി.ജെ.പി ജില്ല പ്രസിഡന്‍റായിരുന്ന ബാരി, പിതാവ്, സഹോദരൻ എന്നിവരെ ഭീകരർ കൊലപ്പെടുത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.