ഗുവാഹത്തി: ത്രിപുര കോൺഗ്രസ് അധ്യക്ഷൻ പിജുഷ് കാന്തി ബിശ്വാസ് സ്ഥാനമൊഴിഞ്ഞു. താൻ രാഷ്ട്രീയം തന്നെ നിർത്തുകയാണ് എന്നാണ് പിജുഷ് നൽകുന്ന വിശദീകരണം.
എല്ലാ കോൺഗ്രസ് നേതാക്കൾക്കും നന്ദിയർപ്പിച്ചാണ് കോൺഗ്രസ് വിടുന്ന കാര്യം പിജുഷ് ട്വീറ്റ് ചെയ്തത്.ഒരു കാലത്ത് വടക്കുകിഴക്കൻ സംസ്ഥാനങ്ങളിൽ ഉഗ്രപ്രതാപികളായിരുന്ന കോൺഗ്രസിന് മുതിർന്ന ഒരു നേതാവ് കൂടി പാർട്ടി വിടുന്നത് വലിയ തിരിച്ചടിയാണ്.
ഒരാഴ്ച മുമ്പ് കോൺഗ്രസ് വിട്ട് തൃണമൂലിൽ ചേർന്ന സുഷ്മിത ദേവിന്‍റെ അടുത്തയാളായതുകൊണ്ടുതന്നെ ബിജുഷ് തൃണമൂലിൽ ചേക്കേറിയേക്കുമെന്ന് റിപ്പോർട്ടുകൾ ഉണ്ട്. കൂടുതൽ കോൺഗ്രസ് നേതാക്കൾ തൃണമൂലിൽ ചേരുമെന്നാണ് വാർത്തകൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.