ന്യൂഡൽഹി : ഹിമാലയൻ മേഖലയിലും അതിനോട് ചേർന്നുള്ള സമതലപ്രദേശങ്ങളിലും വെള്ളിയാഴ്ച മുതൽ ഉഷ്ണമേഖലാ കൊടുങ്കാറ്റ് അനുഭവപ്പെടാനുള്ള സാധ്യതയുണ്ടെന്ന് ഇന്ത്യൻ കാലാവസ്ഥാ വകുപ്പ് അറിയിച്ചു. അടുത്ത അഞ്ച് ദിവസങ്ങളിൽ തമിഴ്നാട് , പുതുച്ചേരി, കേരളം ഭാഗങ്ങളിൽ കനത്ത മഴ പ്രതീക്ഷിക്കാമെന്നും കാലാവസ്ഥാ വകുപ്പ് മുന്നറിയിപ്പ് നൽകി. തമിഴ്‌നാട്ടിലും സമീപപ്രദേശങ്ങളിലും ചുഴലിക്കാറ്റിന് സാധ്യതയുണ്ടെന്നും വടക്കൻ കർണാടകയിലേക്കെത്തുമ്പോൾ ഇതിന്‍റെ വേഗത കുറയുമെന്നും ഐ.എം.ഡി പറഞ്ഞു.
ഒറ്റപ്പെട്ടയിടങ്ങളിൽ ഇടിമിന്നലും വ്യാപകമഴക്കും സാധ്യതയുണ്ട്.
ജമ്മു, ലഡാക്ക്, കാശ്മീർ, ഗിൽജിത്-ബാൾട്ടിസ്ഥാൻ, മുസാഫറാബാദ്, ഹിമാചൽ പ്രദേശ് എന്നിവിടങ്ങളിൽ ഈയാഴ്ച വ്യാപകമായ മഴക്കും മഞ്ഞുവീഴ്ചക്കും സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.