കോഴിക്കോട്: കൊയിലാണ്ടിയില്‍ രണ്ടു വാഹനാപകടങ്ങളിലായി നാലു പേർ മരിച്ചു. ചെങ്ങോട്ടുകാവിലും മൂടാടിയിലുമാണ് അപകടങ്ങൾ നടന്നത്. മൂടാടിയിൽ ലോറിയും കാറും കൂട്ടിയിടിച്ച് മൂന്നു പേരും ചെങ്ങോട്ടുകാവിൽ സ്കൂട്ടറും ലോറിയും കൂട്ടിയിടിച്ച് ഒരാളുമാണ് മരിച്ചത്.
തിരുവള്ളൂർ മുയിപ്പോത്ത് ബാലകൃഷ്ണകുറുപ്പ് (68), ബാലൻ നായർ (60) ഭാര്യ ശാന്ത എന്നിവരാണ് മൂടാടിയിലുണ്ടായ അപകടത്തിൽ മരിച്ചത്. മരന്തരത്തൂർ ചേനക്കുന്നുമ്മൽ ദേവദാസിന് (45) പരിക്കേറ്റു. വീമംഗലം യു.പി സ്കൂളിന് സമീപം ദേശീയ പാതയിലാണ് അപകടമുണ്ടായത്. ബസിനെ മറികടക്കാൻ ശ്രമിച്ച കാർ ലോറിയിൽ ഇടിക്കുകയായിരുന്നു. ബാലകൃഷ്ണകുറുപ്പ്, ബാലൻ നായർ എന്നിവരുടെ മൃതദേഹം കൊയിലാണ്ടി താലൂക്ക് ആശുപത്രിയിലും ശാന്തയുടേത് കോഴിക്കോട് മെഡിക്കൽ കോളജിലും സൂക്ഷിച്ചിരിക്കുകയാണ്. ബന്ധുക്കളായ ഇവർ മരണവീട് സന്ദർശിച്ച് മടങ്ങുകയായിരുന്നു.
ചെങ്ങോട്ടുകാവിൽ സ്കൂട്ടറും ലോറിയും കൂട്ടിയിടിച്ച് കാട്ടിലപ്പീടിക സ്വദേശിനി നസീറയാണ് മരിച്ചത്. സ്കൂട്ടറിൽ കൂടെയുണ്ടായിരുന്ന പിതാവിന് പരിക്കേറ്റു. ഇദ്ദേഹത്തെ കൊയിലാണ്ടി താലൂക്ക് ആശുപത്രിയിൽ പ്രവേശിപ്പിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.