തിരുവനന്തപുരം: യു.ഡി.എഫില്‍ മാണി ഗ്രൂപ് ഉന്നയിച്ച പ്രശ്നങ്ങള്‍ അര്‍ഹിക്കുന്ന ഗൗരവത്തോടെ കണ്ട് പരിഹരിക്കുമെന്ന് കെ.പി.സി.സി പ്രസിഡന്‍റ് വി.എം. സുധീരന്‍. ഉമ്മന്‍ ചാണ്ടി ചൊവ്വാഴ്ച മാണിയുമായി ആശയവിനിമയം നടത്തും. അതിനുശേഷം ഇക്കാര്യത്തില്‍ കൂട്ടായ തീരുമാനമെടുക്കും. യു.ഡി.എഫിലെ പ്രധാനഘടകകക്ഷിയാണ് മാണി ഗ്രൂപ്. മുന്നണിയില്‍ പാര്‍ട്ടികള്‍ തമ്മില്‍ പ്രശ്നം സ്വാഭാവികമാണ്.
നേരത്തേ നടന്ന ചര്‍ച്ചകളുടെ തുടര്‍ച്ചയെന്ന നിലയില്‍ നാലിന് വൈകീട്ട് കൂടിക്കാഴ്ചക്ക് എത്തണമെന്ന് സംസ്ഥാന നേതാക്കളോട് ഹൈകമാന്‍ഡ് ആവശ്യപ്പെട്ടിട്ടുണ്ട്. സംഘടനാ സംവിധാനം കൂടുതല്‍ മെച്ചപ്പെടുത്തുന്നതിന് ആവശ്യമായത് ചെയ്യുന്നതിനാണ് ചര്‍ച്ച. സംസ്ഥാനത്ത് പാര്‍ട്ടിയില്‍ പുന$സംഘടന വേണമെന്ന് പൊതുവെ ആവശ്യം ഉയര്‍ന്നിട്ടുണ്ട്. ഇത് എവിടെ മുതല്‍ വേണമെന്നത് എ.ഐ.സി.സി ആണ് തീരുമാനിക്കേണ്ടതെന്നും സുധീരന്‍ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.