കൊച്ചി: സോളാര്‍ കേസ് പ്രതി സരിത എസ്. നായര്‍ ജയിലില്‍ എഴുതിയ കത്ത് ഹാജരാക്കണമെന്ന സോളാര്‍ കമീഷന്‍ ഉത്തരവിന്‍മേലുള്ള സ്റ്റേ ഹൈകോടതി രണ്ടാഴ്ചത്തേക്ക് കൂടി നീട്ടി. കത്ത് ഹാജരാക്കാന്‍ തനിക്ക് ബാധ്യതയില്ളെന്നും നിയമ വിരുദ്ധമായ ഉത്തരവ് റദ്ദാക്കണമെന്നും ആവശ്യപ്പെട്ട് സരിത നല്‍കിയ ഹരജിയിലാണ് ജസ്റ്റിസ് എ. മുഹമ്മദ് മുഷ്താഖിന്‍െറ ഉത്തരവ്. നേരത്തേ കമീഷന്‍ ഉത്തരവ് രണ്ടാഴ്ചത്തേക്ക് സ്റ്റേ ചെയ്തിരുന്നു. സ്വകാര്യസ്വഭാവം ഉള്ളതിനാലും ഉള്ളടക്കം കമീഷന്‍െറ പരിഗണനയിലുള്ള കാര്യമല്ലാത്തതിനാലും കത്ത് ഹാജരാക്കാന്‍ തടസ്സമുണ്ടെന്നാണ് ഹരജിയില്‍ ചൂണ്ടിക്കാട്ടിയിട്ടുള്ളത്.
അഭിഭാഷകന് കക്ഷിയായ താന്‍ എഴുതി നല്‍കിയ കത്തിലെ ഉള്ളടക്കം കോടതിക്ക് മുമ്പാകെ വെളിപ്പെടുത്തേണ്ടതില്ലാത്തതും തങ്ങള്‍ തമ്മിലെ സ്വകാര്യ ആശയ വിനിമയം മാത്രമാണെന്നും തെളിവ് നിയമത്തിന്‍െറ 126ാം വകുപ്പ് പ്രകാരം ഇത്തരം കാര്യങ്ങള്‍ ഹാജരാക്കാന്‍ കോടതിക്കോ മറ്റ് ഫോറങ്ങള്‍ക്കോ ആവശ്യപ്പെടാനാകില്ളെന്നും ഹരജിയില്‍ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.