ആലപ്പുഴ: വിൽപന നികുതി ഉദ്യോഗസ്ഥരുടെ പീഡനം മൂലം വ്യാപാരി ആത്മഹത്യ ചെയ്ത സംഭവത്തിൽ പ്രതിഷേധിച്ച് ചൊവ്വാഴ്ച വ്യാപാരികളുടെ കടയടപ്പ് സമരം. രാവിലെ ആറു മുതൽ വൈകിട്ട് ആറു വരെയാണ് വ്യാപാരി ഹർത്താൽ.
ആറ് ലക്ഷം രൂപ പിഴ അടക്കാൻ വിൽപന നികുതി ഉദ്യോഗസ്ഥരുടെ നോട്ടീസ് ലഭിച്ചതിനെ തുടർന്നാണ് അമ്പലപ്പുഴ മാർജിൻ ഫ്രീ ഷോപ് ഉടമയും പലചരക്ക് വ്യാപാരിയുമായ ശ്രീകുമാർ (53) ആത്മഹത്യ ചെയ്തത്. രാവിലെ കട തുറന്നതിന് ശേഷമാണ് പിന്നിലെ ഗോഡൗണിൽ തൂങ്ങിമരിച്ചത്. മൃതദേഹവുമായി വ്യാപാരികൾ വിൽപന നികുതി ഒാഫിസിലേക്ക് പ്രതിഷേധ പ്രകടനം നടത്തി. ആലപ്പുഴ ജില്ലയിൽ ഹർത്താലിനും സംസ്ഥാന വ്യാപകമായി കടയടപ്പ് സമരത്തിനും വ്യപാരികൾ ആഹ്വാനം ചെയ്തു. വിൽപന നികുതി ഉദ്യോഗസ്ഥരുടെ പീഡനത്തിൽ പ്രതിഷേധിച്ചാണ് വ്യാപാരികളുടെ ഹർത്താൽ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.