തിരുവനന്തപുരം: സംസ്ഥാനത്ത് 50 പേര്‍ക്കുകൂടി ഒമിക്രോണ്‍ സ്ഥിരീകരിച്ചു. എറണാകുളം 18, തിരുവനന്തപുരം 8, പത്തനംതിട്ട 7, കോട്ടയം, മലപ്പുറം 5 വീതം, കൊല്ലം 3, ആലപ്പുഴ, തൃശൂര്‍, പാലക്കാട് ഒന്ന് വീതം എന്നിങ്ങനെയാണ് ഒമിക്രോണ്‍ സ്ഥിരീകരിച്ചതെന്ന് ആരോഗ്യമന്ത്രി അറിയിച്ചു. ഇതുകൂടാതെ, കോയമ്പത്തൂര്‍ സ്വദേശിക്കും ഒമിക്രോണ്‍ സ്ഥിരീകരിച്ചു. ഇതില്‍ 45 പേര്‍ ലോ റിസ്‌ക് രാജ്യങ്ങളില്‍ നിന്നും 5 പേര്‍ ഹൈ റിസ്‌ക് രാജ്യങ്ങളില്‍ നിന്നും വന്നതാണ്. ആര്‍ക്കും തന്നെ സമ്പര്‍ക്കത്തിലൂടെ ഒമിക്രോണ്‍ ബാധിച്ചിട്ടില്ല.
എറണാകുളം യു.എ.ഇ 13, ഖത്തര്‍ 4, സ്വീഡന്‍ 1, തിരുവനന്തപുരം യു.എ.ഇ 4, സൗദി, മാലദ്വീപ്, യു.കെ, ഇറ്റലി ഒന്ന് വീതം, പത്തനംതിട്ട യു.എ.ഇ 4, യു.എസ്.എ 2, ഖത്തര്‍ 1, കോട്ടയം യു.എസ്.എ 2, യു.കെ, യു.എ.ഇ, യുക്രെയിന്‍ ഒന്ന് വീതം, മലപ്പുറം യു.എ.ഇ 5, കൊല്ലം യു.എ.ഇ 3, ആലപ്പുഴ സിംഗപ്പൂര്‍ 1, തൃശൂര്‍ യു.എ.ഇ 1, പാലക്കാട് യു.എ.ഇ 1 എന്നിങ്ങനെയാണ് വിവിധ രാജ്യങ്ങളില്‍ നിന്ന് വന്നവരുടെ എണ്ണം. കോയമ്പത്തൂര്‍ സ്വദേശി ഈജിപ്തില്‍നിന്ന് വന്നതാണ്.
ഇതോടെ, സംസ്ഥാനത്ത് ആകെ 280 പേര്‍ക്കാണ് ഒമിക്രോണ്‍ സ്ഥിരീകരിച്ചത്. ലോ റിസ്‌ക് രാജ്യങ്ങളില്‍നിന്ന് 186 പേരും ഹൈ റിസ്‌ക് രാജ്യങ്ങളില്‍നിന്ന് ആകെ 64 പേരും എത്തിയിട്ടുണ്ട്. 30 പേര്‍ക്കാണ് ആകെ സമ്പര്‍ക്കത്തിലൂടെ രോഗം ബാധിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.