എസ്.പി നന്ദകുമാർ നായരും അന്വേഷണ സംഘവും
തിരുവനന്തപുരം: സിസ്റ്റർ അഭയ കേസിൽ ശക്‌തമായ തെളിവുകളുടെയും ഉത്തമ ബോധ്യത്തിലുമാണ് പ്രതികളെ അറസ്റ്റ് ചെയ്‌ത്‌ കുറ്റപത്രം കോടതിയിൽ സമർപ്പിച്ചതെന്നാണ് അന്വേഷണ ഉദ്യോഗസ്ഥന്‍റെ മൊഴി. സി.ബി.ഐ തിരുവനന്തപുരം യൂണിറ്റ് എസ്.പി. നന്ദകുമാർ നായരാണ് പ്രോസിക്യൂഷൻ 49 സാക്ഷിയായി തിരുവനന്തപുരം സി.ബി.ഐ കോടതിയിൽ മൊഴി നൽകിയത്.
2008 നവംബർ 18നാണ് അഭയ കേസിലെ പ്രതികളെ തന്‍റെ നേതൃത്വത്തിൽ അറസ്റ്റ് ചെയ്തത്. പ്രതികൾ 49 ദിവസം റിമാൻഡിൽ കിടന്നതിന് ശേഷം 2009 ജൂലൈ 17ന് കോടതിയിൽ പ്രതികൾക്കെതിരെ കുറ്റപത്രം സമർപ്പിച്ചിരുന്നു. 2008 നവംബർ 1ന് അഭയ കേസിന്‍റെ അന്വേഷണം ഏറ്റെടുത്ത താൻ, 17 ദിവസത്തിനുള്ളിലാണ് പ്രതികളെ അറസ്റ്റ് ചെയ്‍തതെന്നും നന്ദകുമാർ നായർ കോടതിൽ മൊഴി നൽകിയിരുന്നു.
1992 മാർച്ച് 27നാണ് അഭയ കൊല്ലപ്പെട്ടത്. 13 സി.ബി.ഐ ഉദ്യോഗസ്ഥർ അഭയ കേസ് 16 വർഷത്തിനുള്ളിൽ മാറി മാറി അന്വേഷിച്ചെങ്കിലും പ്രതികളെ നന്ദകുമാർ നായർ 17 ദിവസത്തിനുള്ളിൽ അറസ്റ്റ് ചെയ്‌തിരുന്നു. ഫാ. തോമസ് കോട്ടൂർ, സിസ്റ്റർ സെഫി എന്നിവരാണ് വിചാരണ നേരിട്ട പ്രതികൾ. രണ്ടാം പ്രതിയായ ഫാ. ജോസ്‌ പൂതൃക്കയിലിനെ തെളിവിന്‍റെ അഭാവത്തിൽ പ്രത്യേക സി.ബിഐ കോടതി പ്രതിപ്പട്ടികയിൽ നിന്നും ഒഴിവാക്കിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.