മുഹമ്മ: പട്ടി കുറുകെ ചാടി ഓട്ടോറിക്ഷ മറിഞ്ഞു ഗുരുതര പരിക്കേറ്റ ഓട്ടോ ഡ്രൈവറുടെ ജീവൻ രക്ഷിക്കാൻ നാട് കൈകോർക്കുന്നു. തണ്ണീർമുക്കം പതിനൊന്നാം വാർഡ് ചള്ളിയിൽ അഭിലാഷി (41)ന്റെ ശസ്ത്രക്രിയക്കായി ഞായറാഴ്ച്ച പുത്തനങ്ങാടി ഗ്രാമം ചികിത്സാ സഹായം സമാഹരിക്കും.
കഴിഞ്ഞ 13ന് ആയിരുന്നു അപകടം. ഓട്ടോയുടെ അടിയിൽപെട്ടുപോയ അഭിലാഷിന്റെ പത്തു വാരിയെല്ലുകൾക്ക്‌ പൊട്ടലും ഒടിവുമുണ്ട്. ശ്വാസകോശവും തകരാറിലായി. കൂടാതെ തോളിനും കാലിനും ഗുരുതര പരിക്കേറ്റു. എറണാകുളത്തെ സ്വകാര്യ ആശുപത്രിയിൽ ചികിത്സയിൽ കഴിയുന്ന അഭിലാഷിന്റെ തോളിനു ശസ്ത്രക്രിയ നടത്തി. ഇനി ബാക്കി ശസ്ത്രക്രിയകൾക്കും ചികിത്സയ്ക്കുമായി 20 ലക്ഷത്തോളം രൂപ വേണ്ടിവരും.
അച്ഛനും അമ്മയും ഭാര്യയും രണ്ട് ചെറിയ കുട്ടികളും അടങ്ങുന്നതാണ് അഭിലാഷിന്റെ കുടുംബം. ഭർത്താവ് മരിച്ച സഹോദരിയുടെ കുടുംബത്തിനും ഏക പ്രതീക്ഷയും വരുമാനവും അഭിലാഷിന്റെ ഓട്ടോറിക്ഷ തൊഴിൽ മാത്രമായിരുന്നു. ഭാരിച്ച തുക കണ്ടെത്താൻ ഈ കുടുംബത്തിന് കഴിയാത്ത സാഹചര്യത്തിലാണ് എൻ ആർ പ്രസാദ് ചെയർമാനും ടി വി ചിദം ബരൻ കൺവീനറുമായി ജനകീയ സമിതി രൂപീകരിച്ച് ഫണ്ട്‌ സമാഹരിക്കുന്നത്.
തണ്ണീർമുക്കം പഞ്ചായത്ത്‌ 10, 11, 12 വാർഡുകളിലാണ് ഞായർ ചികിത്സ സഹായം സമാഹരിക്കാൻ വീടുകളും സ്ഥാപനങ്ങളും സന്ദർശിക്കുക. കൂടാതെ ഫെഡറൽ ബാങ്ക് പുത്തന ങ്ങാടി ശാഖയിൽ അഭിലാഷിന്റെ പേരിലുള്ള അക്കൗണ്ടിലും സഹായം അയക്കാം. നമ്പർ : 13220100114601. ഐ എഫ് എസ് സി : എഫ് ഡി ആർ എൽ 0001322. ജി പേ : 9745516244 (അഭിലാഷ് ചള്ളിയിൽ ).
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.