മാളയിലെ സ്വീകരണ കേന്ദ്രത്തിൽ സംസാരിച്ചുകൊണ്ടിരിക്കെ മൈക്ക് ഓപ്പറേറ്റർ എം.വി. ഗോവിന്ദന്റെ ചെവിയിൽ മൈക്കിന് അടുത്തുനിന്ന് സംസാരിക്കണമെന്ന് പറയുന്നു
തൃശൂർ: നിന്റെ മൈക്ക് ശരിയല്ലാത്തതിന് ഞാനാണോ ഉത്തരവാദി..? ജനകീയ പ്രതിരോധ ജാഥക്ക് മാളയിൽ നൽകിയ സ്വീകരണത്തിൽ സംസാരിക്കുന്നതിനിടെ മൈക്ക് നേരെയാക്കാനെത്തിയ ഓപ്പറേറ്റർക്കായിരുന്നു സി.പി.എം സംസ്ഥാന സെക്രട്ടറി എം.വി. ഗോവിന്ദന്റെ ശാസന.
സംസാരിച്ചു കൊണ്ടിരിക്കെ മൈക്ക് ഇളകുകയും ശബ്ദം ശരിയായി വരാതിരിക്കുകയും ചെയ്തതോടെയായിരുന്നു മൈക്ക് ഓപ്പറേറ്റർ തകരാർ പരിഹരിക്കാനെത്തിയത്. അൽപസമയം മൈക്ക് തിരിച്ചും മടക്കിയും വെച്ചുവെങ്കിലും നേരെയായില്ല. ഇതോടെ സംസാരിച്ചുകൊണ്ടിരിക്കെ ചെവിയിൽ സ്വകാര്യമായി മൈക്കിന് അടുത്ത് നിന്ന് സംസാരിക്കണമെന്ന് നിർദേശിച്ചതാണ് എം.വി. ഗോവിന്ദെന ചൊടിപ്പിച്ചത്.
നീ ഒന്ന് പൊയ്ക്കേ എന്ന് രോഷം കൊണ്ടാണ് നിന്റെ മൈക്കിന്റെ തകരാറിന് ഞാനാണോ ഉത്തരവാദിയെന്ന് ചോദിച്ചത്. ആദ്യമായിട്ട് മൈക്കിൽ സംസാരിക്കുന്നയാളോട് പറയുന്നത് പോലെയാണ് പറയുന്നതെന്ന് പറഞ്ഞ അദ്ദേഹം മൈക്കിനെ കുറിച്ച് ക്ലാസും നൽകി. അത്യാധുനിക ഉപകരണമാണ് മൈക്ക്. കുറേ സാധനമുണ്ടായിട്ട് കാര്യമില്ല, അതൊന്നും കൈകാര്യം ചെയ്യാനറിയാത്തതാണ് പ്രശ്നം. ആളുകളോട് സംവദിക്കാൻ കഴിയുന്ന വിധത്തിൽ മൈക്ക് കൈകാര്യം ചെയ്യാനറിയണം -അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.