‘എനിക്ക് ഡോക്ടറാകണം, എ​ന്നെ ജീവിതത്തിലേക്ക് കൈപിടിച്ചവരെപോലെ’ -മരണമുഖത്ത് നിന്ന് രക്ഷപ്പെട്ട അ​ഫ്നാ​ൻ ബാ​സിം

കോ​ഴി​ക്കോ​ട്: ‘ദൈ​വ​ത്തി​ന് സ്തു​തി, ചി​കി​ത്സി​ച്ച ഡോ​ക്ട​ർ​മാ​ക്കും പ​രി​ച​രി​ച്ച ന​ഴ്സു​മാ​ർ​ക്കും ഒ​രു​പാ​ട് ന​ന്ദി.. പി​ന്നെ എ​നി​ക്കും പ​ഠി​ച്ച് ഡോ​ക്ട​റാ​ക​ണം’ -ത​ന്നെ ജീ​വി​ത​ത്തി​ലേ​ക്ക് തി​രി​ച്ചു​ന​ട​ത്തി​യ ഡോ​ക്ട​ർ​മാ​രു​ടെ സേ​വ​ന​മ​ന​സ്സ് ക​ണ്ട​റി​ഞ്ഞ് അ​ഫ്നാ​ൻ അ​തു​വ​രെ മ​ന​സ്സി​ൽ താ​ലോ​ലി​ച്ച ന​ഴ്സാ​വു​ക​യെ​ന്ന മോ​ഹ​വും മാ​റ്റി​യെ​ഴു​തി. വി​ല​മ​തി​ക്കാ​നാ​വാ​ത്ത ജീ​വ​നൊ​പ്പം കൈ​നി​റ​യെ സ​മ്മാ​ന​ങ്ങ​ളു​മാ​യി ത​​ന്നെ യാ​ത്ര​യാ​ക്കി​യ ഡോ​ക്ട​ർ​മാ​രെ അ​വ​ന് അ​ത്ര​ക​ണ്ട് ഇ​ഷ്ട​​മാ​യി​രു​ന്നു.

22 ദി​വ​സ​ത്തെ ചി​കി​ത്സ​ക്കു​ശേ​ഷം അ​മീ​ബി​ക് മെ​നി​ഞ്ചോ എ​ൻ​സ​ഫ​ലൈ​റ്റി​സി​ന്റെ പി​ടി​യി​ൽ​നി​ന്ന് ജീ​വ​ൻ തി​രി​ച്ചു​പി​ടി​ച്ച​തി​ന്‍റെ സ​ന്തോ​ഷ​ത്തോ​ടെ അ​ഫ്നാ​ൻ ബാ​സിം മാ​ധ്യ​മ​ങ്ങ​ളോ​ട് സം​സാ​രി​ക്കു​മ്പോ​ൾ തൊ​ട്ട​ടു​ത്തി​രു​ന്ന പി​താ​വ് എം.​കെ. സി​ദ്ദീ​ഖി​ന്‍റെ മു​ഖ​ത്തും പു​ന​ർ​ജ​ന്മം കി​ട്ടി​യ ആ​ശ്വാ​സം. ഡോ​ക്ട​ർ​മാ​രു​ടെ നി​താ​ന്ത ജാ​ഗ്ര​ത​യും ഒ​പ്പം നാ​ടി​ന്‍റെ ഒ​ന്ന​ട​ങ്ക​മു​ള്ള പ്രാ​ർ​ഥ​ന​യു​മാ​ണ് മ​ക​നും ത​ങ്ങ​ൾ​ക്കും പു​ന​ർ​ജ​ന്മം ത​ന്ന​തെ​ന്നും അ​ദ്ദേ​ഹം പ​റ​ഞ്ഞു. അ​വ​നു​വേ​ണ്ടി നാ​ട് മു​ഴു​വ​ൻ പ്രാ​ർ​ഥ​ന​യി​ലാ​യി​രു​ന്നു. പ​ള്ളി​ക​​ളെ​ന്നോ ക്ഷേ​ത്ര​ങ്ങ​ളെ​ന്നോ വ്യ​ത്യാ​സ​മി​ല്ലാ​തെ അ​ഫ്നാ​​​ന്റെ ആ​രോ​ഗ്യ​ത്തോ​ടെ​യു​ള്ള മ​ട​ങ്ങി​വ​ര​വി​നാ​യി പ്രാ​ർ​ഥി​ച്ചു. സ​ഹോ​ദ​ര​മ​ത​സ്ഥ​ർ മ​ക​ന്‍റെ നാ​ള് ചോ​ദി​ച്ച് വ​ഴി​പാ​ടു​ക​ൾ​വ​രെ ന​ട​ത്തി​യെ​ന്ന് പ​റ​യു​മ്പോ​ൾ, നാ​ട്ടി​ലെ സാ​മൂ​ഹി​ക പ്ര​വ​ർ​ത്ത​ന​ങ്ങ​ളി​ൽ സ​ജീ​വ​മാ​യി ഇ​ട​പെ​ടു​ന്ന സി​ദ്ദീ​ഖി​​​ന്റെ വാ​ക്കു​ക​ളി​ൽ കൃ​ത​ജ്ഞ​ത​യു​ടെ നി​റ​വ്.

ആ ​പി​താ​വി​ന്‍റെ അ​തി​ജാ​ഗ്ര​ത​യാ​ണ് അ​ഫ്നാ​നെ പെ​​ട്ടെ​ന്ന് ആ​ശു​പ​ത്രി​യി​ൽ എ​ത്തി​ക്കു​ന്ന​തി​ലും ജീ​വി​ത​ത്തി​ലേ​ക്ക് വ​ഴി​ന​ട​ത്തു​ന്ന​തി​ലും നി​ർ​ണാ​യ​ക​മാ​യ​ത്. മ​ക​ന് പ​നി അ​നു​ഭ​വ​പ്പെ​ട്ട​പ്പോ​ൾ സി​ദ്ദീ​ഖ് ആ​ദ്യം ഓ​ർ​ത്ത​ത് കു​റ​ച്ചു​ദി​വ​സം മു​മ്പ് അ​വ​ൻ കു​ള​ത്തി​ൽ മു​ങ്ങി​ക്കു​ളി​ച്ചി​രു​ന്ന​ല്ലോ​യെ​ന്നാ​യി​രു​ന്നു. തൊ​ട്ടു​മു​മ്പു​ള്ള ദി​വ​സ​ങ്ങ​ളി​ൽ വ​ന്ന വാ​ർ​ത്ത​ക​ളാ​യി​രു​ന്നു ഈ ​ജാ​ഗ്ര​ത​യി​ലേ​ക്ക് അ​ദ്ദേ​ഹ​ത്തെ ന​യി​ച്ച​ത്. ജീ​വി​ത​ത്തി​ൽ ആ​ദ്യ​മാ​യി കു​ട്ടി​ക്ക് അ​പ​സ്മാ​രം വ​ന്ന​തോ​ടെ ഭ​യ​മാ​യി. വ​ട​ക​ര പാ​ർ​കോ ആ​ശു​പ​ത്രി​യി​ൽ എ​ത്തി​ച്ച​പ്പോ​ൾ ഡോ​ക്ട​ർ​മാ​രോ​ട് ഇ​ക്കാ​ര്യം സൂ​ചി​പ്പി​ച്ചു. വി​ദ​ഗ്ധ ചി​കി​ത്സ​ക്ക് കോ​ഴി​ക്കോ​ട്ടേ​ക്ക് പോ​കാ​മെ​ന്ന് അ​വ​ർ അ​ഭി​പ്രാ​യ​പ്പെ​ട്ടു.

പ​നി പി​ടി​പെ​ട്ട​യു​ട​ൻ അ​പ​സ്മാ​രം അ​നു​ഭ​വ​പ്പെ​ട്ട​ത് മ​ക​നെ ര​ക്ഷി​ക്കാ​നാ​യി​രു​ന്നു​വെ​ന്ന് സി​ദ്ദീ​ഖ് ഉ​റ​ച്ചു വി​ശ്വ​സി​ക്കു​ന്നു. സ്ഥി​രീ​ക​രി​ച്ചി​ട്ടും മ​ക​നോ​ടും ഭാ​ര്യ​യോ​ടും രോ​ഗ​ത്തി​ന്‍റെ തീ​വ്ര​ത​യെ​ക്കു​റി​ച്ച് പ​റ​ഞ്ഞി​ല്ല. കു​ട്ടി അ​റി​യാ​തി​രി​ക്കാ​ൻ ഡോ​ക്ട​ർ​മാ​രും പ്ര​ത്യേ​കം ശ്ര​ദ്ധി​ച്ചു. അ​വ​ന് മൊ​ബൈ​ൽ ഫോ​ൺ കൊ​ടു​ക്കു​ന്ന​ത് ഡോ​ക്ട​ർ വി​ല​ക്കി. അ​തി​നി​ടെ തൊ​ട്ട​ടു​ത്ത ബെ​ഡി​ൽ കി​ട​ന്ന അ​മീ​ബി​ക് മെ​നി​ഞ്ചൈ​റ്റി​സ് ബാ​ധി​ച്ച ഫ​റോ​ക്ക് സ്വ​ദേ​ശി​യാ​യ കു​ട്ടി മ​രി​ച്ച​പ്പോ​ൾ ആ​ധി​യേ​റി​യെ​ങ്കി​ലും ഡോ. ​അ​ബ്ദു​ൽ റ​ഊ​ഫ് സി​ദ്ദീ​ഖി​നെ സ​മാ​ധാ​നി​പ്പി​ച്ചു.

പ​യ്യോ​ളി ജി.​വി.​എ​ച്ച്.​എ​സ് 10ാം ക്ലാ​സ് വി​ദ്യാ​ർ​ഥി​യാ​യ അ​ഫ്നാ​ൻ ഏ​താ​നും മാ​സ​ങ്ങ​ൾ​ക്കു​മു​മ്പാ​ണ് നീ​ന്ത​ൽ പ​ഠി​ച്ച​ത്. ആശുപത്രിയിൽ എത്തുംമുമ്പുവരെ നഴ്സാകണമെന്ന് പറഞ്ഞ മകന് അവനെ ചികിത്സിച്ച ഡോക്ടർമാരെ കണ്ടാണ് ഡോക്ടറാകണമെന്ന മോഹം ഉദിച്ചതെന്ന് മാതാവ് റയ്ഹാനത്ത് പറഞ്ഞു.