(പ്രതീകാത്മക ചിത്രം )
കഴക്കൂട്ടം: ഹെൽത്ത് സെന്‍ററിലെ കാന്‍റീനിൽ നിന്ന് നൽകിയ ഭക്ഷണത്തിൽ ജീവനുള്ള അട്ട. പാങ്ങപ്പാറ ഫാമിലി ഹെൽത്ത് സെന്‍ററിലെ കാന്‍റീനിൽ നിന്ന് നൽകിയ ഭക്ഷണത്തിലാണ് ജീവനുള്ള അട്ടയെ കണ്ടെത്തിയത്. ഇവിടെ ചികിത്സയിലിരുന്ന രോഗി രാവിലെ വാങ്ങിയ പുട്ടിന്‍റെ പൊതിയിലാണ് ജീവനുള്ള അട്ടയെ കണ്ടത്.
രോഗി മെഡിക്കൽ ഓഫിസർക്ക് പരാതി നൽകിയതിനെ തുടർന്ന് കാന്‍റീൻ അടച്ചുപൂട്ടി. ഹെൽത്ത് ഇൻസ്പെക്ടർ കാന്‍റീൻ പരിശോധിച്ചതിനെ തുടർന്നാണ് പൂട്ടാൻ നോട്ടീസ് നൽകിയത്. പരിക്കേറ്റ കാലിന്‍റെ ചികിത്സക്കായി മൂന്നുദിവസമായി ചികിത്സയിലുള്ള പൗഡിക്കോണം മുക്കിക്കട സ്വദേശിയായ ധനുഷാണ് കാന്‍റീനിൽ നിന്ന് ആഹാരം വാങ്ങിയത്. വൃത്തിഹീനമായ അന്തരീക്ഷത്തിലാണ് ആശുപത്രി കാന്റീന്‍ പ്രവര്‍ത്തിക്കുന്നതെന്ന് രോഗികൾ പരാതി പറഞ്ഞു.
ശുചിത്വവും മറ്റു സാഹചര്യങ്ങളും മെച്ചപ്പെടുത്തിയശേഷം മാത്രമേ കാന്‍റീൻ തുറക്കാൻ അനുവദിക്കുകയുള്ളൂവെന്ന് മെഡിക്കൽ ഓഫിസർ അറിയിച്ചു. തിരുവനന്തപുരം മെഡിക്കല്‍ കോളജ് ആശുപത്രിക്ക് കീഴിലാണ് പാങ്ങപ്പാറ ഹെല്‍ത്ത് സെന്റർ പ്രവർത്തിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.