നിയമസഭ സമ്മേളനത്തിന്​ ഇന്ന്​ തുടക്കം; അ​ര​നൂ​റ്റാ​ണ്ടി​നി​ടെ ഉ​മ്മ​ൻ ചാ​ണ്ടി അം​ഗ​മ​ല്ലാ​തെ ഇ​താ​ദ്യം!

തി​രു​വ​ന​ന്ത​പു​രം: മു​ൻ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി, മു​ൻ സ്പീ​ക്ക​ർ വ​ക്കം പു​രു​ഷോ​ത്ത​മ​ൻ എ​ന്നി​വ​രു​ടെ ച​ര​മോ​പ​ചാ​ര​ത്തോ​ടെ നി​യ​മ​സ​ഭ സ​മ്മേ​ള​ന​ത്തി​ന്​ തി​ങ്ക​ളാ​ഴ്ച തു​ട​ക്ക​മാ​കും. ച​ര​മോ​പ​​ചാ​രം മാ​ത്ര​മാ​ണ്​ തി​ങ്ക​ളാ​ഴ്ച​യി​ലെ അ​ജ​ണ്ട. രാ​വി​ലെ ഒ​മ്പ​തി​ന്​ തു​ട​ങ്ങു​ന്ന സ​ഭാ​സ​മ്മേ​ള​നം ഇ​രു​വ​ർ​ക്കും ആ​ദ​രം അ​ർ​പ്പി​ച്ച ശേ​ഷം മ​റ്റ്​ ന​ട​പ​ടി​ക്ര​മ​ങ്ങ​ളി​ലേ​ക്ക്​ ക​ട​ക്കാ​തെ പി​രി​യും. ചൊ​വ്വാ​ഴ്ച മു​ത​ൽ സ​ഭാ​സ​മ്മേ​ള​നം ചൂ​ടേ​റി​യ ച​ർ​ച്ച​ക​ൾ​ക്ക്​ വേ​ദി​യാ​കും.

സ​ർ​ക്കാ​റി​ന്‍റെ സാ​മ്പ​ത്തി​ക പ്ര​തി​സ​ന്ധി, വി​ല​ക്ക​യ​റ്റം, സ​പ്ലൈ​കോ സ്​​റ്റോ​റു​ക​ളി​ലെ അ​വ​ശ്യ​സാ​ധ​ന​ങ്ങ​ളു​ടെ ക്ഷാ​മം, മ​ന്ത്രി ആ​ർ. ബി​ന്ദു​വി​നെ​തി​രാ​യ പ്രി​ൻ​സി​പ്പ​ൽ നി​യ​മ​ന​ത്തി​ലെ ഇ​ട​പെ​ട​ൽ വി​വാ​ദം, തെ​രു​വു​നാ​യ്​ ശ​ല്യം, മ​ല​ബാ​റി​ലെ പ്ല​സ്​ ടു ​സീ​റ്റ്​ ക്ഷാ​മം, മു​ത​ല​പ്പൊ​ഴി​യി​ൽ തു​ട​ർ​ക്ക​ഥ​യാ​കു​ന്ന തോ​ണി​യ​പ​ക​ടം എ​ന്നി​ങ്ങ​നെ പ്ര​ശ്ന​ങ്ങ​ൾ അ​ടി​യ​ന്ത​ര പ്ര​മേ​യ​മാ​യും ശ്ര​ദ്ധ​ക്ഷ​ണി​ക്ക​ലാ​യും സ​ഭ​യി​ൽ പ്ര​തി​പ​ക്ഷം ഉ​ന്ന​യി​ക്കും. വ​ലി​യ വാ​ർ​ത്ത​യാ​യി​ട്ടും ഒ​ന്നി​ലും പ്ര​തി​ക​രി​ക്കാ​തെ മാ​റി​നി​ൽ​ക്കു​ന്ന മു​ഖ്യ​മ​ന്ത്രി പി​ണ​റാ​യി വി​ജ​യ​നെ നി​ല​പാ​ട്​ പ​റ​യാ​ൻ നി​ർ​ബ​ന്ധി​ക്കു​ക​യെ​ന്ന ത​ന്ത്ര​മാ​കും പ്ര​തി​പ​ക്ഷം സ്വീ​ക​രി​ക്കു​ക.

സ്പീ​ക്ക​ർ എ.​എ​ൻ. ഷം​സീ​റു​മാ​യി ബ​ന്ധ​പ്പെ​ട്ട മി​ത്ത്​ വി​വാ​ദ​വും ച​ർ​ച്ച​ക്ക്​ വ​രും. എ​ന്നാ​ൽ, വി​ഷ​യം പ്ര​ധാ​ന ച​ർ​ച്ച​യാ​ക്കാ​ൻ പ്ര​തി​പ​ക്ഷ​ത്തി​ന്​ താ​ൽ​പ​ര്യ​മി​ല്ല. മി​ത്ത്​​വി​വാ​ദം സാ​മു​ദാ​യി​ക ​ധ്രു​വീ​ക​ര​ണ​ത്തി​ലേ​ക്ക്​ ന​യി​ക്കു​ന്ന രീ​തി​യി​ൽ ആ​ളി​ക്ക​ത്തു​ന്ന​തി​ൽ മു​സ്​​ലിം ലീ​ഗ്​ ഉ​ൾ​പ്പെ​ടെ യു.​ഡി.​എ​ഫി​ലെ ഘ​ട​ക​ക​ക്ഷി​ക​ൾ​ക്ക്​ താ​ൽ​പ​ര്യ​മി​ല്ല. വി​വാ​ദം എ​ത്ര​യും പെ​ട്ടെ​ന്ന്​ അ​വ​സാ​നി​പ്പി​ക്ക​ണ​മെ​ന്ന നി​ല​പാ​ടാ​ണ്​ ഭ​ര​ണ​പ​ക്ഷ​ത്തു​മു​ള്ള​ത്. അ​തു​കൊ​ണ്ടു​ത​ന്നെ മി​ത്ത്​ വി​വാ​ദം സ​ഭ​യി​ൽ ക​ത്താ​നി​ട​യി​ല്ല. ഇ​ക്കാ​ര്യ​ത്തി​ലെ നി​ല​പാ​ട്​ തി​ങ്ക​ളാ​ഴ്​​ച ചേ​രു​ന്ന യു.​ഡി.​എ​ഫ്​ പാ​ർ​ല​മെ​ന്‍റ​റി പാ​ർ​ട്ടി​ യോ​ഗ​ത്തി​ലാ​കും തീ​രു​മാ​നം.

പു​തി​യ ബി​ല്ലു​ക​ളി​ൽ ഏ​തൊ​ക്കെ നി​യ​മ​സ​ഭ സ​മ്മേ​ള​ന​ത്തി​ൽ പ​രി​ഗ​ണി​ക്ക​ണ​മെ​ന്ന് തി​ങ്ക​ളാ​ഴ്ച ചേ​രു​ന്ന കാ​ര്യോ​പ​ദേ​ശ​ക സ​മി​തി​യോ​ഗം തീ​രു​മാ​നി​ക്കും. സെ​ല​ക്ട് ക​മ്മി​റ്റി​യു​ടെ പ​രി​ഗ​ണ​ന​ക്കു​ശേ​ഷം വ​രു​ന്ന ഏ​താ​നും ബി​ല്ലു​ക​ളും സ​ഭ​യി​ലെ​ത്തും. ബി​ല്ലു​ക​ളു​ടെ ക​ര​ട്​ സ​മ​ർ​പ്പി​ക്കാ​ൻ ഇ​ന്ന്​ മ​ന്ത്രി​സ​ഭ​യും ചേ​രു​ന്നു​ണ്ട്. 

അ​ര​നൂ​റ്റാ​ണ്ടി​നി​ടെ ഉ​മ്മ​ൻ ചാ​ണ്ടി അം​ഗ​മ​ല്ലാ​തെ ഇ​താ​ദ്യം!

തി​രു​വ​ന​ന്ത​പു​രം: മു​ൻ മു​ഖ്യ​മ​​ന്ത്രി ഉ​മ്മ​ൻ ചാ​ണ്ടി അം​ഗ​മ​ല്ലാ​തെ​യു​ള്ള അ​ര നൂ​റ്റാ​ണ്ടി​നി​ടെ ആ​ദ്യ​സ​മ്മേ​ള​ന​മാ​ണ്​ ഇ​ന്ന്​ ചേ​രു​ന്ന​ത്. 1970ൽ ​പു​തു​പ്പ​ള്ളി​യി​ൽ​നി​ന്ന്​ ജ​യി​ച്ച്​ സ​ഭാം​ഗ​മാ​യ അ​ദ്ദേ​ഹം മ​ര​ണം വ​രെ​യും എം.​എ​ൽ.​എ പ​ദ​വി നി​ല​നി​ർ​ത്തി. സ​ഭാ​സ​മ്മേ​ള​ന​ത്തി​ൽ പ​ല​ഘ​ട്ട​ങ്ങ​ളി​ൽ അ​ദ്ദേ​ഹം ദി​വ​സ​ങ്ങ​ൾ മാ​റി​നി​ന്നി​ട്ടു​ണ്ടെ​ങ്കി​ലും ഉ​മ്മ​ൻ ചാ​ണ്ടി അം​ഗ​മ​ല്ലാ​ത്ത സ​ഭ അ​ഞ്ചു​പ​തി​റ്റാ​ണ്ടി​നി​ടെ ഇ​താ​ദ്യം. പ്ര​തി​പ​ക്ഷ​പ​ക്ഷ​ത്ത്​ ഒ​ന്നാം​നി​ര​യി​ലാ​യി​രു​ന്നു ഉ​മ്മ​ൻ ചാ​ണ്ടി​യു​ടെ ഇ​രി​പ്പി​ടം. അ​ദ്ദേ​ഹ​മി​ല്ലാ​ത്ത സ​ഭ​യി​ൽ അ​ത​നു​സ​രി​ച്ച്​ സീ​റ്റു​ക​ളി​ൽ മാ​റ്റ​വു​മു​ണ്ടാ​കും.