ഷഫീഖ്, ഷമീര്‍, അമല്‍
രാമപുരം: മാനത്തൂരില്‍ മുറുക്കാന്‍കടയില്‍ കയറി സ്ത്രീയുടെ ഒരുപവന്‍ മാല മോഷ്ടിച്ച കേസിലെ പ്രതികളെ രാമപുരം പൊലീസ് അറസ്റ്റ് ചെയ്തു. തിരുവനന്തപുരം പള്ളിപ്പുറം പാച്ചിറ ചായിപ്പുറത്ത് ഷഫീഖ് (23), സഹോദരന്‍ ഷമീര്‍ (20), രാമപുരം മങ്കുഴിച്ചാലില്‍ അമല്‍ (20) എന്നിവരെയാണ് രാമപുരം സി.ഐ അനില്‍കുമാറിെൻറ നേതൃത്വത്തില്‍ കഴക്കൂട്ടത്തുവെച്ച് പിടികൂടിയത്.
ഇവരുടെപേരിൽ പല ജില്ലകളിലും കേസുകളുണ്ട്. തിരുവനന്തപുരം ജില്ലയിലെ രണ്ട് ബൈക്ക് മോഷണം, തമിഴ്‌നാട്ടിൽ ബൈക്ക് മോഷണം, മണര്‍കാട് പൊലീസ് സ്റ്റേഷന്‍ പരിധിയില്‍ 52,000 രൂപയുടെ മോഷണം, പൊന്‍കുന്നം സ്റ്റേഷനിലെ പൊലീസുകാര്ക്ക് നേരെ മുളകുപൊടി എറിഞ്ഞത് ഉൾപ്പെടെ നിരവധി കേസുകളില്‍ പ്രതിയാണ് ഇവര്‍.
രാമപുരം സ്വദേശിയായ അമലിന് രാമപുരം സ്റ്റേഷനില്‍ തന്നെ നിരവധി കേസുകളുണ്ട്. എസ്.ഐ ഡിനി, സ്‌ക്വാഡ് അംഗങ്ങളായ തോമസ് സേവ്യര്‍, ഷെറിന്‍ മാത്യു, അരുണ്‍ ചന്ദ്, കൃഷ്ണകുമാര്‍ എന്നിവര്‍ അടങ്ങിയ പൊലീസ് സംഘമാണ് പ്രതികളെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.