സി.പി.എം എം.എൽ.എക്കെതിരെ ബഹിഷ്കരണം: ട്വന്‍റി20യിൽ അതൃപ്തി

കോലഞ്ചേരി: പി.വി. ശ്രീനിജിൻ എം.എൽ.എയെ മാസങ്ങളായി ബഹിഷ്കരിക്കുന്ന ട്വന്‍റി20 നിലപാട് പാർട്ടിയുടെ ജനപ്രതിനിധികൾക്കിടയിൽ അതൃപ്തി വളർത്തുന്നു. വിലക്ക് ലംഘിച്ച് ട്വന്‍റി20യുടെ ജില്ല പഞ്ചായത്ത് അംഗം ഉമാമഹേശ്വരി കഴിഞ്ഞ ദിവസം എം.എൽ.എയോടൊത്ത് വിവിധ പരിപാടികളിൽ വേദിപങ്കിട്ടു.

കിറ്റെക്സ് കമ്പനിയിൽ നടത്തിയ സർക്കാർ പരിശോധനകളുടെ പേരിലാണ് പി.വി. ശ്രീനിജിൻ എം.എൽ.എയോട് ട്വന്‍റി20 നേതൃത്വം അകൽച്ച രൂക്ഷമാക്കിയത്. ഇതോടെ എം.എൽ.എ പങ്കെടുക്കുന്ന പൊതുപരിപാടികൾ ബഹിഷ്കരിക്കാൻ തങ്ങളുടെ ജനപ്രതിനിധികൾക്ക് സംഘടന നിർദേശവും നൽകി. ഇതോടെ സംഘടന ഭരിക്കുന്ന കിഴക്കമ്പലം, കുന്നത്തുനാട്, ഐക്കരനാട്, മഴുവന്നൂർ പഞ്ചായത്തുകളിൽ എം.എൽ.എ പങ്കെടുക്കുന്ന പരിപാടികൾ പഞ്ചായത്ത് പ്രസിഡന്‍റുമാരടക്കമുള്ള ജനപ്രതിനിധികൾ കൂട്ടത്തോടെ ബഹിഷ്കരിക്കുന്നത് പതിവായി.

പിന്നീട് വടവുകോട് ബ്ലോക്കിന്‍റെ ഭരണം ട്വന്‍റി20ക്ക് ലഭിച്ചതോടെ അവിടെയും അതായി സ്ഥിതി. ബഹിഷ്കരണം മാസങ്ങൾ പിന്നിട്ടതോടെയാണ് സംഘടനയുടെ ജനപ്രതിനിധികളിൽ അതൃപ്തി വളരാൻ കാരണം. സംഘടനയുടെ വിലക്ക് ലംഘിച്ച് കുടുംബശ്രീ നടത്തിയ പരിപാടിയിൽ മഴുവന്നൂർ പഞ്ചായത്തിലെ ട്വന്‍റി20യുടെ വനിത അംഗം എം.എൽ.എയോടൊപ്പം വേദി പങ്കിട്ടിരുന്നു.

ഇതിന് പിന്നാലെയാണ് ജില്ല പഞ്ചായത്ത് അംഗവും വേദി പങ്കിട്ടത്. ബഹിഷ്കരണം തദ്ദേശ സ്ഥാപനങ്ങളിലെ വികസന പ്രവർത്തനങ്ങളെ ബാധിക്കുന്നതാണ് ജനപ്രതിനിധികളുടെ അതൃപ്തിക്ക് കാരണം.സർക്കാർ കാര്യങ്ങളിലോ ജനകീയ പ്രശ്നങ്ങളിലോ ഇടപെടൽ നടത്താൻ കഴിയാതെ സംഘടനയുടെ ജനപ്രതിനിധികൾ ഒതുക്കപ്പെടുകയാണെന്നാണ് ജനപ്രതിനിധികളുടെ ആക്ഷേപം. തെരഞ്ഞെടുക്കപ്പെട്ട ജനപ്രതിനിധിക്ക് മണ്ഡലത്തിലെ നാല് പഞ്ചായത്തുകൾ ഭരിക്കുന്ന സംഘടന മാസങ്ങളായി തുടരുന്ന ബഹിഷ്കരണം അപരിഷ്കൃതമാണെന്നആക്ഷേപവും ഉയർന്നിട്ടുണ്ട്.

ബഹിഷ്​കരണം പിൻവലിക്കേണ്ടത് പ്രഖ്യാപിച്ചവർ -എം.എൽ.എ

കോ​ല​ഞ്ചേ​രി: ബ​ഹി​ഷ്ക​ര​ണം പ്ര​ഖ്യാ​പി​ച്ച​വ​ർ ത​ന്നെ​യാ​ണ് അ​ത് പി​ൻ​വ​ലി​ക്ക​ണ​മോ​യെ​ന്ന് തീ​രു​മാ​നി​ക്കേ​ണ്ട​തെ​ന്ന് പി.​വി. ശ്രീ​നി​ജി​ൻ എം.​എ​ൽ.​എ. മ​ണ്ഡ​ല​ത്തി​ലെ ഏ​ത് ജ​ന​പ്ര​തി​നി​ധി​ക​ൾ ബ​ന്ധ​പ്പെ​ട്ടാ​ലും എം.​എ​ൽ.​എ എ​ന്ന നി​ല​യി​ൽ സ​ഹാ​യി​ക്കാ​റു​ണ്ടെ​ന്ന് അ​ദ്ദേ​ഹം 'മാ​ധ്യ​മ'​ത്തോ​ട് പ​റ​ഞ്ഞു. ഇ​ത്ത​രം രീ​തി​ക​ൾ പ​രി​ഷ്കൃ​ത സ​മൂ​ഹ​ത്തി​ന് യോ​ജി​ച്ച​ത​ല്ല. ഇ​ത് ജ​ന​ങ്ങ​ൾ മ​ന​സ്സി​ലാ​ക്കു​മെ​ന്നുംഅ​ദ്ദേ​ഹം കൂ​ട്ടി​ച്ചേ​ർ​ത്തു.