അജിത് കുമാറിന്റെ വീട് നിർമാണവും പ്ലാനും
തിരുവനന്തപുരം: പി.വി. അൻവർ എം.എൽ.എയുടെ ഇന്നത്തെ വെളിപ്പെടുത്തലുകളിൽ ഞെട്ടിച്ചത് എ.ഡി.ജി.പിയുടെ കവഡിയാറിലെ കൊട്ടാര സമാനമായ വീട് നിർമാണമാണ്. 12,000 സ്ക്വയർ ഫീറ്റിൽ 'കൊട്ടാരം' പണിയുന്നുവെന്നാണ് പി.വി. അൻവർ എം.എൽ.എ വാർത്തസമ്മേളനത്തിൽ വെളിപ്പെടുത്തിയത്.
പുറത്തുവരുന്ന റിപ്പോർട്ടുകൾ പ്രകാരം തിരുവനന്തപുരത്ത് ഏറ്റവും വിലയുള്ള വൻകിട വ്യവസായികൾക്ക് ഭൂമിയുള്ള പ്രദേശത്താണ് എ.ഡി.ജി.പി വീട് പണിയുന്നത്.
കവടിയാർ കൊട്ടാരത്തിന് സമീപം നിർമാണം നടക്കുന്ന വീട്ടിൽ അജിത് കുമാർ വരാറുണ്ടെന്നും നാട്ടുകാർ സാക്ഷ്യപ്പെടുത്തുന്നു. 12,000 സ്ക്വയർ ഫീറ്റിലാണ് വീട് പണിയുന്നതെന്നാണ് അൻവർ എം.എൽ.എ പറയുന്നത്.
10 സെന്‍റ് ഭൂമി എം.ആർ. അജിത്ത് കുമാറിന്റെ പേരിലും 12 സെന്‍റ് അദ്ദേഹത്തിന്‍റെ അളിയന്‍റെ പേരിലുമാണ് രജിസ്റ്റർ ചെയ്തിരിക്കുന്നത്. വീടുപണി നടന്നുകൊണ്ടിരിക്കുകയാണ്. 60 മുതൽ 75 ലക്ഷം വരെയാണ് കവടിയാർ കൊട്ടാരത്തിന് സമീപം ഭൂമിവിലയെന്നും അൻവർ പറഞ്ഞു.
ഒരു അഴിമതിയും കള്ളക്കച്ചവടവും ഇല്ലെന്ന് പറയുന്ന പൊലീസ് ഓഫിസറാണ് ഇത്ര ചെലവേറിയ വീടുണ്ടാക്കുന്നതെന്നും അൻവർ പറഞ്ഞു.
സ്വര്‍ണക്കടത്തിലെ കണ്ണിയാണ് അജിത് കുമാറെന്ന് പി.വി.അന്‍വര്‍ ആരോപിച്ചിരുന്നു. ഇത്തരത്തില്‍ അനധികൃതമായി പണം സമ്പാദിച്ചാണ് അജിത് കുമാര്‍ കവടിയാറില്‍ 'കൊട്ടാരം' പണിയുന്നതെന്നാണ് അന്‍വര്‍ ആരോപിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.