ജല അ​തോറിറ്റി തലപ്പ​ത്തെ കരാർ നിയമന നീക്കം വിവാദത്തിൽ

തി​രു​വ​ന​ന്ത​പു​രം: ജ​ല ​അ​​തോ​റി​റ്റി​യി​ലെ ടെ​ക്​​നി​ക്ക​ൽ ​മെം​ബ​ർ ത​സ്​​തി​ക​യി​ൽ വി​ര​മി​ക്കു​ന്ന​യാ​ൾ​ക്ക്​ ക​രാ​ർ അ​ടി​സ്​​ഥാ​ന​ത്തി​ൽ പു​ന​ർ​നി​യ​മ​നം ന​ൽ​കാ​നു​ള്ള നീ​ക്കം വി​വാ​ദ​ത്തി​ൽ.

നി​ല​വി​ൽ ഈ ​ത​സ്​​തി​ക​യി​ൽ നി​യ​മി​ക്കാ​ൻ യോ​ഗ്യ​രാ​യ ജീ​വ​ന​ക്കാ​രു​ള്ള​​​​പ്പോ​ഴാ​ണ്​ സ​മ്പ​ത്തി​ക ബാ​ധ്യ​ത വ​രു​ത്തു​ന്ന പു​തി​യ നീ​ക്കം. ഇ​തി​​നെ​തി​രെ ജീ​വ​ന​ക്കാ​രു​ടെ സം​ഘ​ട​ന​ക​ൾ വ​കു​പ്പു​മ​​​ന്ത്രി​യെ സ​മീ​പി​ച്ചു. ടെ​ക്​​നി​ക്ക​ൽ മെം​ബ​റാ​യി നി​യ​മി​ക്കാ​വു​ന്ന ചീ​ഫ് എ​ൻ​ജി​നീ​യ​ർ സ്ഥാ​പ​ന​ത്തി​ലു​ള്ള​പ്പോ​ഴാ​ണ് ക​രാ​ർ നി​യ​മ​ന​ത്തി​നു​ള്ള ച​ര​ടു​വ​ലി. ആ​റ്​ ചീ​ഫ്​ എ​ൻ​ജി​നീ​യ​ർ​മാ​രു​ടെ ത​സ്​​തി​ക​യാ​ണ്​ ജ​ല അ​തോ​റി​റ്റി​യി​ലു​ള്ള​ത്. ഇ​തി​ൽ ഒ​രെ​ണ്ണം ഒ​ഴി​ഞ്ഞു കി​ട​ക്കു​ക​യാ​ണ്.

മ​റ്റൊ​രാ​ൾ ഈ ​മാ​സം 31ന്​ ​വി​ര​മി​ക്കും. ശേ​ഷി​ക്കു​ന്ന നാ​ലു​പേ​രി​ൽ​നി​ന്ന്​ സീ​നി​യോ​റി​റ്റി പ​രി​ഗ​ണി​ച്ച്​ ടെ​ക്​​നി​ക്ക​ൽ ​മെം​ബ​ർ സ്ഥാ​ന​ത്തേ​ക്ക്​ നി​യ​മ​നം ന​ട​ത്താ​മെ​ന്നി​രി​ക്കെ​യാ​ണ്​ ക​രാ​ർ നി​യ​മ​ന നീ​ക്കം.

അ​ഴി​മ​തി​യാ​ണെ​ന്നും ഇ​ത്ത​രം പ്ര​വ​ർ​ത്ത​ന​ങ്ങ​ൾ അം​ഗീ​ക​രി​ക്കാ​നാ​വി​ല്ലെ​ന്നും ചൂ​ണ്ടി​ക്കാ​ട്ടി ​ഐ.​എ​ൻ.​ടി.​യു.​സി നേ​തൃ​ത്വ​ത്തി​ലു​ള്ള കേ​ര​ള വാ​ട്ട​ർ അ​തോ​റി​റ്റി സ്​​റ്റാ​ഫ്​ അ​സോ​സി​യേ​ഷ​ൻ മ​ന്ത്രി ​റോ​ഷി അ​ഗ​സ്​​റ്റി​ന്​ ക​ഴി​ഞ്ഞ ദി​വ​സം ക​ത്ത്​ ന​ൽ​കി. അ​തേ​സ​മ​യം, എ.​ഡി.​ബി വാ​യ്​​പ സ്വീ​ക​രി​ച്ച്​ ന​ട​ത്തു​ന്ന പ​ദ്ധ​തി​ക​ളു​ടെ ന​ട​ത്തി​പ്പ്​ സു​ഗ​മ​മാ​ക്കാ​നാ​ണ്​ ക​രാ​ർ നി​യ​മ​ന നീ​ക്ക​മെ​ന്ന ആ​രോ​പ​​ണ​വും ഉ​യ​ർ​ന്നി​ട്ടു​ണ്ട്.

എ.​ഡി.​ബി വാ​യ്​​പ സ്വീ​ക​രി​ച്ച്​ ന​ട​പ്പാ​ക്കു​ന്ന കേ​ര​ള അ​ർ​ബ​ൻ വാ​ട്ട​ർ സ​ർ​വി​സ​സ്​ ഇം​പ്രൂ​വ്​​മെൻറ്​ ​​പ്രോ​ജ​ക്ടി​നെ​തി​രെ ഭ​ര​ണ​പ​ക്ഷ സം​ഘ​ട​ന​ക​ള​ട​ക്കം രം​ഗ​ത്തു​ണ്ട്.