പട്ടാമ്പി: സി.പി.എമ്മും ആർ.എസ്.എസും ഒരു നാണയത്തിെൻറ രണ്ട് വശങ്ങളല്ല, ഒരേ വശം തന്നെയാണെന്ന് വി.ടി. ബൽറാം എം.എൽ.എ. പട്ടാമ്പിയിൽ മുസ്ലിം യൂത്ത് ലീഗ് സംഘടിപ്പിച്ച ‘നാട്ടൊരുമ’യിൽ സംസാരിക്കുകയായിരുന്നു അദ്ദേഹം.
എല്ലാ ഫാഷിസ്റ്റുകളും ഭയപ്പെടുന്നത് നാക്കിനെയാണ്. കേരളത്തിലെ സി.പി.എമ്മുകാരുടെ കണ്ണ് ചൂഴ്‌ന്നെടുക്കുമെന്നാണ് ഉത്തരേന്ത്യയിൽ നിന്നുള്ള ബി.ജെ.പി നേതാവ് പറഞ്ഞത്. നാവ് പിഴുതെടുക്കുമെന്ന ഭീഷണിയിലൂടെ കേരളത്തിലെ ഉന്നത സി.പി.എം നേതാക്കൾ അതാവർത്തിക്കുകയാണ്. പത്തടി കിട്ടുമ്പോൾ ഒന്നെങ്കിലും തിരിച്ചുകൊടുക്കുക എന്നത് മനുഷ്യസഹജമാണ്.
സാമൂഹികമാധ്യമങ്ങളിൽ യു.ഡി.എഫ് നേതാക്കൾക്കെതിരെ വ്യക്തിഹത്യയും അശ്ലീല ആരോപണങ്ങളും തുടർന്നപ്പോൾ ഒരഭിപ്രായം പറഞ്ഞത് നിവൃത്തികേടിനാലാണ്.
ആ വാക്കുകളിലേക്കോ സന്ദർഭത്തിലേക്കോ ഇനിയും കടക്കാൻ ഉദ്ദേശിക്കുന്നില്ല. ഭീഷണികൾക്ക് മുന്നിൽ പിന്മാറില്ലെന്നും അഭിപ്രായസ്വാതന്ത്ര്യവുമായി മുന്നോട്ട് പോകുമെന്നും ബൽറാം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.