ചെറുവത്തൂർ (കാസർകോട്): ഓണാഘോഷ പരിപാടിക്കിടെ പ്ലസ്ടു വിദ്യാർഥിനിയോട് അപമര്യാദയായി പെരുമാറിയ സി.പി.എം ബ്രാഞ്ച് സെക്രട്ടറി അറസ്റ്റിൽ. പിലിക്കോട് ഏച്ചിക്കൊവ്വൽ ബ്രാഞ്ച് സെക്രട്ടറി ടി.ടി. ബാലചന്ദ്രൻ (50) ആണ് അറസ്റ്റിലായത്.
പിലിക്കോട് ഗ്രാമപഞ്ചായത്തിലെ ഒരു സ്കൂളിലെ പി.ടി.എ പ്രസിഡന്റ്‌ കൂടിയായ ഇയാൾ ഓണാഘോഷ പരിപാടിക്കിടെ മോശമായി പെരുമാറിയതിനെ തുടർന്ന് വിദ്യാർഥിനി ചന്തേര പൊലീസിൽ പരാതി നൽകുകയായിരുന്നു. ഇതോടെ പ്രതി ഒളിവിൽ പോയി. സംഭവം കഴിഞ്ഞ് രണ്ടാഴ്ചയായിട്ടും പ്രതിയെ പിടികൂടാത്തതിനെതിരെ എം.എസ്.എഫ്, യൂത്ത് കോൺഗ്രസ് തുടങ്ങിയ സംഘടനകൾ പ്രതിഷേധവുമായി രംഗത്തുവന്നിരുന്നു.
എറണാകുളം അടക്കമുള്ള സ്ഥലങ്ങളിൽ ഒളിവിൽ കഴിഞ്ഞ പ്രതി കഴിഞ്ഞദിവസം നാട്ടിൽ തിരിച്ചെത്തിയെന്ന രഹസ്യവിവരം ലഭിച്ചതിനെ തുടർന്ന് കാഞ്ഞങ്ങാട് ഡിവൈ.എസ്.പി പി. ബാലകൃഷ്ണൻ നായരുടെയും എസ്.ഐ ശ്രീദാസിന്റെയും നേതൃത്വത്തിലാണ് അറസ്റ്റുചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.