എൺപതിനായിരം വായ്പയെടുത്താൽ എട്ടുലക്ഷം കൂടെ പോരുന്ന 'വിദ്യയുമായി' കുഴൽമന്ദം ക്രെ​ഡി​റ്റ് സൊ​സൈ​റ്റി​

പാ​ല​ക്കാ​ട് ക​ണ്ണാ​ടി സ്വ​ദേ​ശി​യാ​യ വീ​ട്ട​മ്മ 80,000 രൂ​പ​യു​ടെ വാ​യ്പ​ക്കാ​ണ് കു​ഴ​ൽ​മ​ന്ദം ബ്ലോ​ക്ക് റൂ​റ​ൽ ക്രെ​ഡി​റ്റ് സൊ​സൈ​റ്റി​യെ സ​മീ​പി​ച്ച​ത്. വീ​ടി​ന്‍റെ ആ​ധാ​രം ഈ​ടാ​യി സ്വീ​ക​രി​ച്ച് 80,000 രൂ​പ വാ​യ്പ​യും സം​ഘം അ​നു​വ​ദി​ച്ചു. പി​ന്നീ​ടാ​ണ് അ​റി​യു​ന്ന​ത് താ​ൻ എ​ടു​ത്ത വാ​യ്പ എ​ട്ട് ല​ക്ഷ​മാ​ണെ​ന്ന്.

80,000 എ​ന്ന് എ​ഴു​തി​യ സ്ഥ​ല​ത്ത് യു​വ​തി അ​റി​യാ​തെ ഒ​രു പൂ​ജ്യം കൂ​ടി ചേ​ർ​ത്ത് എ​ട്ട് ല​ക്ഷം രൂ​പയാക്കി മാ​റ്റുകയായിരുന്നു. പ​രാ​തി​പ്പെ​ട്ടപ്പോൾ 80,000 രൂ​പ​യും അ​തിന്റെ പ​ലി​ശ​യും മാ​ത്രം അ​ട​ച്ചാ​ൽ മ​തി​യെ​ന്നാ​ണ് ഭ​ര​ണ​സ​മി​തി മ​റു​പ​ടി പ​റ​ഞ്ഞ​ത്.

എട്ടുലക്ഷത്തിലെ ബാക്കി 7.20 ല​ക്ഷം രൂ​പ ആ​രെ​ടു​ത്തുവെന്ന് ആ​ർ​ക്കു​മ​റി​യി​ല്ലത്രെ. 80000 രൂപ വായ്പയെടുത്ത വീട്ടമ്മ ആ തുക പലിശ സഹിതം അടച്ചാലും ഈടായി നൽകിയ വീടിന്റെ ആധാരം ബാങ്കിൽ നിന്ന് കിട്ടില്ല. അതിന് ആ 'അഞ്ജാതൻ' 7.20 ലക്ഷം രൂപ പലിശ സഹിതം തിരിച്ചടക്കുക കൂടി വേണം. ഇനി ആ 'അഞ്ജാതന്' തിരിച്ചടക്കാൻ മനസില്ലെങ്കിൽ അതുകൂടി വീട്ടമ്മ തന്നെ അടക്കേണ്ടിയും വരും. 

 കു​ഴ​ൽ​മ​ന്ദം ക്രെ​ഡി​റ്റ് സൊ​സൈ​റ്റിയിൽ ഇത്തരത്തിലുള്ള നിരവധി ക്രമക്കേടുകളുണ്ട്. കു​ത്ത​നൂ​ർ സ്വ​ദേ​ശി ചി​ട്ടി​യി​ൽ നി​ന്നും ല​ഭി​ച്ച 10 ല​ക്ഷം രൂ​പ​യാ​ണ് കു​ഴ​ൽ​മ​ന്ദം ക്രെ​ഡി​റ്റ് സൊ​സൈ​റ്റി​യി​ൽ നി​ക്ഷേ​പി​ച്ച​ത്. പ​ണം തി​രി​ച്ചു​കി​ട്ടാ​ൻ ഇ​ദ്ദേ​ഹ​ത്തി​ന് ഏ​റെ പ​ണി​പ്പെ​ടേ​ണ്ടി​വ​ന്നു. അ​വ​സാ​നം സം​ഘം ഭാ​ര​വാ​ഹി​ക​ൾ ബി​നാ​മി​യാ​യി വാ​ങ്ങി​യ ഭൂ​മി വി​റ്റാ​ണ് ആ ​പ​ണം തി​രി​കെ കൊ​ടു​ത്ത​ത്. വ​ൻ വെ​ട്ടി​പ്പ് ക​ണ്ടെ​ത്തി​യ​തി​നെ തു​ട​ർ​ന്ന് പി​രി​ച്ചു​വി​ട​പ്പെ​ട്ട കു​ഴ​ൽ​മ​ന്ദം ബ്ലോ​ക്ക്‌ റൂ​റ​ൽ ക്രെ​ഡി​റ്റ്‌ സ​ഹ​ക​ര​ണ സം​ഘം ഭ​ര​ണ​സ​മി​തി​യു​ടെ നേ​തൃ​ത്വ​ത്തി​ൽ അ​ര​ങ്ങേ​റി​യ കോ​ടി​ക​ളു​ടെ ക്ര​മ​ക്കേ​ടി​ൽ ചി​ല​ത് മാ​ത്ര​മാ​ണി​ത്. 4.85 കോ​ടി​യു​ടെ ക്ര​മ​ക്കേ​ടാ​ണ് സം​ഘം വി​വി​ധ സ​മ​യ​ങ്ങ​ളി​ലാ​യി ന​ട​ത്തി​യ​ത്.

നി​ര​വ​ധി ആ​ളു​ക​ളു​ടെ പേ​രി​ൽ 1.21 കോ​ടി രൂ​പ​യു​ടെ വാ​യ്പ​യെ​ടു​ത്തു. 12 ആ​ധാ​ര​ങ്ങ​ള്‍ ഗ​ഹാ​ന്‍ ചെ​യ്തി​ല്ല. 119 ആ​ധാ​ര​ങ്ങ​ളി​ല്‍ നി​യ​മ​വ​ശം രേ​ഖ​പ്പെ​ടു​ത്തി​യി​ല്ല. പ്ര​സി​ഡ​ൻ​റ് ഉ​ള്‍പ്പെ​ടെ ഏ​ഴു​പേ​ര്‍ എ​ടു​ത്ത വാ​യ്പ​ക്ക് ആ​ധാ​ര​വും മ​റ്റ് രേ​ഖ​ക​ളു​മി​ല്ല തു​ട​ങ്ങി​യ കാ​ര്യ​ങ്ങ​ൾ അ​ന്വേ​ഷ​ണ​ത്തി​ൽ ക​ണ്ടെ​ത്തി​യി​രു​ന്നു. ബി​നാ​മി പേ​രി​ൽ പ്ര​സി​ഡ​ൻ​റും ഭ​ര​ണ​സ​മി​തി അം​ഗ​ങ്ങ​ളും വാ​യ്‌​പ​യെ​ടു​ക്കു​ക, നി​ക്ഷേ​പ കാ​ലാ​വ​ധി ക​ഴി​ഞ്ഞി​ട്ടും തു​ക തി​രി​ച്ചു​ന​ൽ​കാ​തെ വ​ഞ്ചി​ക്കു​ക തു​ട​ങ്ങി നൂ​റി​ലേ​റെ പ​രാ​തി​ക​ളാ​ണ്‌ സം​ഘ​ത്തി​നെ​തി​രെ ല​ഭി​ച്ച​ത്‌.

പ​രാ​തി​യി​ൽ ക​ഴ​മ്പു​ണ്ടെ​ന്ന്‌ അ​ന്വേ​ഷ​ണ​ത്തി​ല്‍ ബോ​ധ്യ​പ്പെ​ട്ട​തി​നെ തു​ട​ർ​ന്ന് അ​ന്ന​ത്തെ ഭ​ര​ണ​സ​മി​തി പി​രി​ച്ചു​വി​ട്ടു. സം​ഘ​ത്തി​ന്‍റെ ന​ഷ്ടം 5.82 കോ​ടി രൂ​പ​യാ​ണ്. വാ​യ്പ തി​രി​മ​റി, സ്ഥി​ര​നി​ക്ഷേ​പം തി​രി​ച്ചു ന​ല്‍കാ​തി​രി​ക്ക​ല്‍, രേ​ഖ​ക​ളി​ല്ലാ​തെ വാ​യ്പ അ​നു​വ​ദി​ക്ക​ല്‍, അ​പേ​ക്ഷ​ക​ര്‍ അ​റി​യാ​തെ വാ​യ്പ പു​തു​ക്ക​ല്‍ തു​ട​ങ്ങി​യ പ​രാ​തി​ക​ളി​ൽ ഇ​പ്പോ​ൾ റ​വ​ന്യൂ റി​ക്ക​വ​റി ന​ട​പ​ടി​ക​ൾ ന​ട​ന്നു​വ​രു​ക​യാ​ണ്.