photo: പി.ബി. ബിജു
തിരുവനന്തപുരം: ശ്രീലങ്കൻ തീരത്ത് ചക്രവാതചുഴിയും ബംഗാൾ ഉൾക്കടലിൽ പുതിയ ന്യൂനമർദ സാധ്യതയും രൂപംകൊണ്ടതോടെ സംസ്ഥാനത്ത് നവംബർ 29 വരെ ശക്തമായ മഴക്കും കാറ്റിനും സാധ്യത. ന്യൂനമർദം ശക്തി പ്രാപിച്ചു പടിഞ്ഞാറ്, വടക്ക് പടിഞ്ഞാറ് ദിശയിൽ ഇന്ത്യൻ തീരത്തേക്ക് നീങ്ങാൻ സാധ്യതയെന്ന് കേന്ദ്ര കാലാവസ്ഥവകുപ്പ് അറിയിച്ചു.
വെള്ളിയാഴ്ച തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം, വയനാട് ജില്ലകളിൽ മഞ്ഞ അലർട്ട് പ്രഖ്യാപിച്ചു. 27ന് കണ്ണൂർ, കാസർകോട് ഒഴിെക 12 ജില്ലകളിലും 28ന് കാസർകോട് ഒഴികെ 13 ജില്ലകളിലും 29ന് എറണാകുളം മുതൽ വടക്കോട്ടുള്ള ഒമ്പത് ജില്ലകളിലും മഞ്ഞ അലർട്ട് ബാധകമാക്കി. ഇൗ ദിവസങ്ങളിൽ ഒറ്റപ്പെട്ട ശക്തമായ മഴക്ക് സാധ്യതയുണ്ട്. മലയോര മേഖലകളിൽ ഇടിയോടുകൂടിയ മഴക്ക് സാധ്യതയുണ്ട്.
നവംബർ 29 വരെ ശക്തമായ കാറ്റിനും സാധ്യതയുണ്ട്. ശനിയാഴ്ച കേരള-ലക്ഷദ്വീപ് തീരങ്ങളിൽ മത്സ്യബന്ധനത്തിന് പോകരുതെന്നാണ് മുന്നറിയിപ്പ്. കേരള-ലക്ഷദ്വീപ്-മാലദ്വീപ് തീരങ്ങളിൽ മണിക്കൂറിൽ 40^50 കിലോമീറ്റർ വേഗത്തിലും ചിലയവസരങ്ങളിൽ 60 കിലോമീറ്റർ വേഗത്തിലും കാറ്റിനും മോശം കാലാവസ്ഥക്കും സാധ്യതയുണ്ട്.
ശക്തമായ കാറ്റിൽ മരങ്ങൾ കടപുഴകി വീണും ചില്ലകൾ ഒടിഞ്ഞുവീണും അപകടങ്ങൾക്കും സാധ്യതയുണ്ട്. അപകടം ശ്രദ്ധയിൽപെട്ടാൽ ഉടൻ വൈദ്യുതി ബോർഡിെൻറ 1912 എന്ന കൺട്രോൾ റൂമിലോ 1077 എന്ന നമ്പറിൽ ജില്ല ദുരന്ത നിവാരണ അതോറിറ്റിയുടെ കൺട്രോൾ റൂമിലോ വിവരം അറിയിക്കണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.