പിതാവ് തന്നെ ബലാത്സംഗം ചെയ്യുന്ന ദൃശ്യങ്ങൾ സമൂഹമാധ്യമങ്ങളിലൂടെ പങ്കുവച്ച് മകൾ. ബിഹാറിലെ സമസ്തിപൂരിലാണ് സംഭവം. ദൃശ്യങ്ങൾ സമൂഹമാധ്യമങ്ങളിൽ വൈറലായതോടെ പൊലീസ് പിതാവിനെ അറസ്റ്റ് ചെയ്തു.
അധ്യാപകനായ 50 വയസുകാരനാണ് 18 വയസുകാരിയായ മകളെ ഭീഷണിപ്പെടുത്തി ബലാത്സംഗം ചെയ്തത്. ഒളികാമറ വെച്ച് പെൺകുട്ടി ദൃശ്യങ്ങൾ പകർത്തുകയായിരുന്നുവെന്ന് പൊലീസ് പറഞ്ഞു. മകൾ ഇത് സമൂഹമാധ്യമങ്ങളിൽ പോസ്റ്റ് ചെയ്യുകയായിരുന്നു.
പെൺകുട്ടി മാതാവിനോട് പരാതിപ്പെട്ടെങ്കിലും അതിക്രമം തടഞ്ഞില്ലെന്നും അക്രമത്തെപ്പറ്റി പുറത്തുപറയാതിരിക്കാൻ പെൺകുട്ടിയെ അമ്മാവൻ ഭീഷണിപ്പെടുത്തിയെന്നും പരാതിയുണ്ട്. പിതാവിന് പുറമെ മറ്റ് പ്രതികളുണ്ടെങ്കിൽ അവരെയും കസ്റ്റഡിയിലെടുക്കുമെന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.