കൊച്ചി: നടിയെ ആക്രമിച്ച കേസിൽ ദിലീപും സുഹൃത്ത് ശരത്തും എറണാകുളം സെഷൻസ് കോടതിയിൽ ഹാജരായി. ഇരുവരും കോടതിയിൽ കുറ്റം നിഷേധിച്ചു. തെളിവു നശിപ്പിക്കൽ കുറ്റം നിലനിൽക്കുന്ന സാഹചര്യത്തിൽ കുറ്റപത്രം വായിച്ചുകേൾപ്പിക്കാൻ ഇരുവരോടും കോടതിയിൽ ഹാജരാകാൻ ആവശ്യപ്പെട്ടിരുന്നു. കോടതിയിൽ ഹാജരാത ഇരുവരെയും കുറ്റപത്രം വായിച്ചു കേൾപ്പിച്ചു.
തെളിവ് മറച്ചുവെച്ചു എന്നതാണ് ശരത്തിന് എതിരായ കേസ്. ആദ്യം വിസ്തരിക്കേണ്ട 39 പേരുടെ പട്ടിക പ്രോസിക്യൂഷൻ കോടതിക്ക് കൈമാറിയിട്ടുണ്ട്. നടിയും ദിലീപിന്റെ മുൻ ഭാര്യയുമായ മഞ്ജുവാര്യരും ബാല ചന്ദ്രകുമാറുമാണ് ഈ പട്ടികയിലുള്ളത്. നവംബർ മൂന്നിന് കേസ് വീണ്ടും പരിഗണിക്കും. കേസിന്റെ വിചാരണ നടപടികളെ കുറിച്ച് അന്ന് തീരുമാനിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.