തെരഞ്ഞെടുപ്പ് തോൽവി: തുടർചലനങ്ങൾ കാത്ത്​ സംസ്ഥാന കോൺഗ്രസും

തി​രു​വ​ന​ന്ത​പു​രം: അ​ഞ്ച്​ സം​സ്ഥാ​ന​ങ്ങ​ളി​ലേ​ക്ക്​ ന​ട​ന്ന തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സി​നു​ണ്ടാ​യ ക​ന​ത്ത തി​രി​ച്ച​ടി​യു​ടെ പ്ര​തി​ഫ​ല​നം സം​സ്ഥാ​ന കോ​ൺ​ഗ്ര​സി​ലും. സം​ഘ​ട​ന ചു​മ​ത​ല​യു​ള്ള എ.​ഐ.​സി.​സി ജ​ന.​സെ​ക്ര​ട്ട​റി കെ.​സി. വേ​ണു​ഗോ​പാ​ലി​നെ ചു​റ്റി​പ്പ​റ്റി​യാ​ണ്​ വി​വാ​ദ​ങ്ങ​ളും ച​ർ​ച്ച​ക​ളും മു​റു​കി​യി​രി​ക്കു​ന്ന​ത്. 'കെ.​സി ഇ​ഫെ​ക്ട്​' സം​സ്ഥാ​ന കോ​ൺ​ഗ്ര​സി​ലെ ഗ്രൂ​പ്​ സ​മ​വാ​ക്യ​ങ്ങ​ളി​ൽ അ​ടു​ത്തി​ടെ കാ​ത​ലാ​യ മാ​റ്റം ഉ​ണ്ടാ​ക്കി​യ​തി​ന്​ പി​ന്നാ​ലെ​യാ​ണ്​ പാ​ർ​ട്ടി​ക്കേ​റ്റ തെ​ര​ഞ്ഞെ​ടു​പ്പ്​ തി​രി​ച്ച​ടി​യു​ടെ പേ​രി​ൽ കേ​ര​ള​ത്തി​ലെ തു​ട​ർ​ച​ല​ന​ങ്ങ​ൾ.

അ​ഞ്ച്​ സം​സ്ഥാ​ന​ങ്ങ​ളി​ൽ ന​ട​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സ്​ ത​ക​ർ​ന്ന​ടി​ഞ്ഞ​തോ​ടെ സാ​മൂ​ഹി​ക മാ​ധ്യ​മ​ങ്ങ​ളി​ൽ കോ​ൺ​ഗ്ര​സ്​ നേ​താ​ക്ക​ളും പ്ര​വ​ർ​ത്ത​ക​രും പ​ര​സ്പ​രം ഉ​ന്ന​മി​ട്ട്​ ആ​റാ​ട്ട്​ ന​ട​ത്തി. തി​രി​ച്ച​ടി​യു​ടെ വാ​ർ​ത്ത​ക​ൾ പു​റ​ത്തു​വ​ന്ന​തി​ന്​ പി​ന്നാ​ലെ വേ​ണു​ഗോ​പാ​ലി​നെ​തി​രെ സാ​മൂ​ഹി​ക മാ​ധ്യ​മ​ങ്ങ​ളി​ൽ വ്യാ​പ​ക​മാ​യി പോ​സ്റ്റു​ക​ൾ പ്ര​ത്യ​ക്ഷ​പ്പെ​ട്ടു. സ​മീ​പ​കാ​ല​ത്ത്​ സം​സ്ഥാ​ന കോ​ൺ​ഗ്ര​സി​ലു​ണ്ടാ​യ ഗ്രൂ​പ്​ ചേ​രി​തി​രി​വു​ക​ൾ വ്യ​ക്ത​മാ​ക്കു​ന്ന​താ​യി​രു​ന്നു പോ​സ്റ്റു​ക​ളി​ലേ​റെ​യും. രാ​ഹു​ൽ ഗാ​ന്ധി​യെ തെ​റ്റാ​യി ഉ​പ​ദേ​ശി​ച്ച്​ പാ​ർ​ട്ടി​യെ ത​ക​ർ​ത്ത​ത്​ വേ​ണു​ഗോ​പാ​ലാ​ണെ​ന്ന ത​ര​ത്തി​ലാ​യി​രു​ന്നു വി​മ​ർ​ശ​നം.

വി​മ​ർ​ശ​ന​ത്തി​ലെ അ​പ​ക​ടം മ​ണ​ത്ത​തോ​ടെ വേ​ണു​ഗോ​പാ​ൽ അ​നു​കൂ​ലി​ക​ളും ഉ​ച്ച​യോ​ടെ സ​ജീ​വ​മാ​യി രം​ഗ​ത്തി​റ​ങ്ങി. കെ.​സി​യു​ടെ ചി​ത്രം പ​ങ്കു​വെ​ച്ചാ​യി​രു​ന്നു മു​ഖ്യ​മാ​യും അ​വ​രു​ടെ സ്വ​യം പ്ര​തി​രോ​ധം. കൂ​ടാ​തെ പാ​ർ​ട്ടി​യു​ടെ തോ​ൽ​വി​യി​ൽ ഏ​തെ​ങ്കി​ലും നേ​താ​വി​നെ കു​റ്റ​പ്പെ​ടു​ത്തു​ന്ന​തി​ലെ അ​നൗ​ചി​ത്യ​വും അ​വ​ർ എ​ടു​ത്തു​കാ​ട്ടി. ഇ​ക്കാ​ര്യം സാ​ധൂ​ക​രി​ക്കു​ന്ന​തി​ന്​ ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ കേ​ര​ള​ത്തി​ൽ പാ​ർ​ട്ടി​ക്കു​ണ്ടാ​യ തോ​ൽ​വി​യും അ​വ​രി​ൽ ചി​ല​ർ ഉ​യ​ർ​ത്തി​ക്കാ​ട്ടി.

രാ​ഹു​ൽ ഗാ​ന്ധി​യു​ടെ വി​ശ്വ​സ്ത​നാ​യ​തോ​ടെ കെ.​സി. വേ​ണു​ഗോ​പാ​ലി​ന്​ ദേ​ശീ​യ കോ​ൺ​ഗ്ര​സ്​ രാ​ഷ്ട്രീ​യ​ത്തി​ൽ ഇ​ന്ന്​ നി​ർ​ണാ​യ​ക സ്ഥാ​ന​മു​ണ്ട്. ഇ​ത്​ പ​ല​പ്പോ​ഴും സം​സ്ഥാ​ന കോ​ൺ​ഗ്ര​സി​ലെ പ​ര​മ്പ​രാ​ഗ​ത ഗ്രൂ​പ്പു​ക​ൾ​ക്ക്​ അം​ഗീ​ക​രി​ക്കാ​ൻ സാ​ധി​ക്കാ​ത്ത നി​ല​യി​ലു​മാ​ണ്. അ​തി​ടെ​യാ​ണ്​ പ​ര​മ്പ​രാ​ഗ​ത ഗ്രൂ​പ്പു​ക​ളി​ൽ സ​ജീ​വ​മാ​യി​രു​ന്ന പ്ര​മു​ഖ​രെ ഒ​പ്പം​കൂ​ട്ടി കേ​ര​ള​ത്തി​ൽ സ്വ​ന്തം ഗ്രൂ​പ്പി​ന്​ അ​ടു​ത്തി​ടെ അ​ദ്ദേ​ഹം രൂ​പം ന​ൽ​കി​യി​ട്ടു​ള്ള​ത്.

ദേ​ശീ​യ​ത​ല​ത്തി​ൽ കോ​ൺ​ഗ്ര​സ്​ നേ​രി​ടു​ന്ന തി​രി​ച്ച​ടി​യോ​ടെ വേ​ണു​ഗോ​പാ​ലി​ന്​ സം​ഘ​ട​ന രം​ഗ​ത്തു​ണ്ടാ​യേ​ക്കാ​വു​ന്ന തി​രി​ച്ചി​റ​ക്കം സം​സ്ഥാ​ന കോ​ൺ​ഗ്ര​സി​ൽ ​പ്ര​ധാ​ന ച​ർ​ച്ച​യാ​യി​ക്ക​ഴി​ഞ്ഞു. സ​മീ​പ​കാ​ല​ത്ത്​ പാ​ർ​ട്ടി​യി​ലെ പ്ര​ധാ​ന ഗ്രൂ​പ്പു​ക​ളി​ൽ നി​ന്ന്​ വേ​ണു​ഗോ​പാ​ലി​നൊ​പ്പം ചേ​ർ​ന്ന​വ​രും അ​ങ്ക​ലാ​പ്പി​ലാ​ണ്. അ​ദ്ദേ​ഹ​ത്തി​ന്​ ഹൈ​ക​മാ​ൻ​ഡി​ലു​ള്ള സ്വാ​ധീ​നം ന​ഷ്ട​മാ​യാ​ൽ ത​ങ്ങ​ളു​ടെ കാ​ര്യം അ​പ​ക​ട​ത്തി​ലാ​കു​മോ​യെ​ന്ന സം​ശ​യ​മാ​ണ്​ അ​വ​രി​ൽ ശ​ക്ത​മാ​യി​രി​ക്കു​ന്ന​ത്. അ​തേ​സ​മ​യം, വേ​ണു​വി​ന്‍റെ ചി​റ​ക​രി​യ​ലി​ന്​ ഏ​റെ​ക്കാ​ല​മാ​യി കാ​ത്തി​രി​ക്കു​ന്ന പാ​ർ​ട്ടി​യി​ലെ പ​ര​മ്പ​രാ​ഗ​ത ഗ്രൂ​പ്പു​ക​ൾ ഇ​ത്ത​വ​ണ​യെ​ങ്കി​ലും മോ​ഹം പൂ​വ​ണി​യു​​മെ​ന്ന പ്ര​തീ​ക്ഷ​യി​ലു​മാ​ണ്.