വീണു, ഇ.പിയെന്ന വന്മരം

ക​ണ്ണൂ​ർ: പി​ണ​റാ​യി-​കോ​ടി​യേ​രി-​ഇ.​പി. ജ​യ​രാ​ജ​ൻ ത്ര​യ​മാ​യി​രു​ന്നു ഈ​യ​ടു​ത്ത കാ​ലം വ​രെ സി.​പി.​എ​മ്മി​ലെ ക​ണ്ണൂ​ർ ലോ​ബി. വി.​എ​സ് അ​ച്യു​താ​ന​ന്ദ​ൻ-​പി​ണ​റാ​യി വി​ജ​യ​ൻ വി​ഭാ​ഗീ​യ​ത ക​ത്തി​നി​ന്ന നാ​ളു​ക​ളി​ൽ മൂ​വ​ർ​സം​ഘ​ത്തി​ന്റെ നീ​ക്കം​കൂ​ടി​യാ​ണ് ഫ​ലം ക​ണ്ടി​രു​ന്ന​ത്. എ​ന്നും ഔ​ദ്യോ​ഗി​ക പ​ക്ഷ​ത്തി​നൊ​പ്പം നി​ന്ന​യാ​ൾ. പി​ണ​റാ​യി​യു​ടെ നി​ഴ​ലാ​യി നി​ല​കൊ​ണ്ട​തി​ൽ എ​ന്നും മു​ൻ​നി​ര​യി​ലാ​യി​രു​ന്നു ഇ.​പി. ജ​യ​രാ​ജ​ന്റെ സ്ഥാ​നം.

ക​ണ്ണൂ​രി​ലെ ജ​യ​രാ​ജ​ൻ​മാ​രി​ലും ഇ.​പി ത​ന്നെ​യാ​ണ് എ​ന്നും ക​രു​ത്ത​ൻ. പാ​ർ​ട്ടി​യെ​യും മു​ന്ന​ണി​യെ​യും അ​ടി​ക്ക​ടി പ്ര​തി​സ​ന്ധി​യി​ലാ​ക്കി​യ ക​രു​ത്ത​ൻ വീ​ഴു​മ്പോ​ൾ ക​ണ്ണൂ​ർ ലോ​ബി​യി​ലും അ​നി​വാ​ര്യ​മാ​യ മാ​റ്റ​മാ​ണ് ഇ​നി​യു​ണ്ടാ​വു​ക. മു​ൻ​പി​ൻ നോ​ക്കാ​തെ​യു​ള്ള പ്ര​വ​ർ​ത്ത​ന​ങ്ങ​ളി​ൽ പാ​ർ​ട്ടി​യെ പ​ല​ത​വ​ണ പ്ര​തി​സ​ന്ധി​യി​ലാ​ക്കി​യ​പ്പോ​ഴും പി​ണ​റാ​യി​യു​ടെ ത​ണ​ലി​ൽ ഇ​ദ്ദേ​ഹം പി​ടി​ച്ചു​നി​ന്നു.

എ​ന്നാ​ൽ, ബി.​ജെ.​പി നേ​താ​വ് പ്ര​കാ​ശ് ജാ​വ്ദേ​ക​റു​മാ​യു​ള്ള ഇ.​പി​യു​ടെ കൂ​ടി​ക്കാ​ഴ്ച പാ​ർ​ട്ടി​ക്ക് പൊ​റു​ക്കാ​നാ​വാ​ത്ത പാ​ത​ക​മാ​യി. ന്യാ​യീ​ക​രി​ക്കാ​നും ആ​രു​മി​ല്ലാ​താ​യി.പാ​ർ​ട്ടി പ്ര​തി​സ​ന്ധി​യി​ലാ​യ വേ​ള​ക​ളി​ൽ ഇ.​പി ജ​യ​രാ​ജ​ൻ പി​ണ​റാ​യി​ക്കൊ​പ്പം ഉ​റ​ച്ചു നി​ന്ന​താ​ണ് ച​രി​ത്രം. ബ​ദ​ൽ രേ​ഖ അ​വ​ത​രി​പ്പി​ച്ച് എം.​വി. രാ​ഘ​വ​ൻ പാ​ർ​ട്ടി​യി​ൽ​നി​ന്ന് പു​റ​ത്തു​പോ​യ വേ​ള​യി​ൽ ക​ണ്ണൂ​രി​ൽ പാ​ർ​ട്ടി​യെ ഉ​ല​യാ​തെ പി​ടി​ച്ചു​നി​ർ​ത്തി​യ​തി​ൽ ഇ.​പി​യു​ടെ പ​ങ്ക് വ​ലു​താ​ണ്.

തു​ട​ർ​ന്ന് എം.​വി.​ആ​ർ അ​ഴീ​ക്കോ​ട് മ​ത്സ​രി​ച്ച​പ്പോ​ൾ എ​തി​രാ​ളി​യാ​യി ഇ.​പി​യെ നി​ർ​ത്താ​ൻ പാ​ർ​ട്ടി​ക്ക് ര​ണ്ടാ​മ​തൊ​ന്ന് ആ​ലോ​ചി​ക്കേ​ണ്ടി വ​ന്നി​ല്ല. നേ​രി​യ വോ​ട്ടു​ക​ൾ​ക്ക് അ​ന്ന് എം.​വി.​ആ​ർ വി​ജ​യി​ച്ചു. വി​ഭാ​ഗീ​യ​ത ക​ത്തി​നി​ന്ന മ​ല​പ്പു​റം സ​മ്മേ​ള​ന​ത്തി​ലും പി​ണ​റാ​യി പ​ക്ഷ​ത്തി​ന്റെ മേ​ൽ​ക്കോ​യ്മ​യി​ൽ ഇ.​പി​യു​ടെ റോ​ൾ നി​ർ​ണാ​യ​ക​മാ​യി​രു​ന്നു. സൗ​ന്ദ​ര്യ​പ്പി​ണ​ക്കം ഇ.​പി​യു​ടെ കൂ​ട​പ്പി​റ​പ്പാ​ണ്. ക​ണ്ണൂ​ർ ജി​ല്ല സെ​ക്ര​ട്ട​റി ആ​യി​രു​​ന്ന വേ​ള​യി​ൽ ജി​ല്ല ക​മ്മി​റ്റി അ​റി​യാ​തെ ത​ല​ശ്ശേ​രി​യി​ൽ ഇ. ​നാ​രാ​യ​ണ​നെ മു​ൻ​നി​ർ​ത്തി പി​ണ​റാ​യി, സ​ഹ​ക​ര​ണ മേ​ഖ​ല​യി​ൽ സ​മാ​ന്ത​ര പ്ര​വ​ർ​ത്ത​നം ന​ട​ത്തു​ന്നു​വെ​ന്ന പ​രാ​തി​യു​യ​ർ​ന്നു. അ​തി​നെ​ചൊ​ല്ലി​യു​ള്ള പി​ണ​റാ​യി​യു​മാ​യു​ള്ള സൗ​ന്ദ​ര്യ​പ്പി​ണ​ക്കം അ​ന്ന് വ​ലി​യ ച​ർ​ച്ച​യാ​യി​രു​ന്നു. വ​ലി​യ ഉ​ത്ത​ര​വാ​ദി​ത്ത​മേ​ൽ​പി​ക്കു​മ്പോ​ൾ വെ​റു​തെ നി​ർ​ജീ​വ​മാ​യി​രി​ക്ക​ലും ഇ.​പി​യു​ടെ ഒ​രു ശൈ​ലി​യാ​ണ്.

പ​ഞ്ചാ​ബ് ലു​ധി​യാ​ന​യി​ൽ ഡി.​വൈ.​എ​ഫ്.​ഐ സ്ഥാ​പി​ച്ച് ആ​ദ്യ ദേ​ശീ​യ പ്ര​സി​ഡ​ന്റാ​യി കു​റ​ച്ചു​കാ​ലം ക​ഴി​ഞ്ഞ് ഇ.​പി നി​ർ​ജീ​വ​മാ​യി. പി​ന്നീ​ട് വീ​ണ്ടും സ​ജീ​വ​മാ​യി. മി​ക​ച്ച സം​ഘാ​ട​ക​ൻ, പോ​രാ​ളി എ​ന്ന റോ​ളാ​ണ് ഇ.​പി​ക്ക് പാ​ർ​ട്ടി​യി​ൽ എ​ന്നും ല​ഭി​ച്ച​ത്. ഒ​റ്റ ഫോ​ൺ കാ​ളി​ൽ പാ​ർ​ട്ടി​ക്ക് എ​ത്ര രൂ​പ വേ​ണ​മെ​ങ്കി​ലും സം​ഘ​ടി​പ്പി​ക്കാ​ൻ ക​ഴി​വു​ള്ള​യാ​ൾ.

ഇ​ദ്ദേ​ഹം ക​ണ്ണൂ​ർ ജി​ല്ല സെ​ക്ര​ട്ട​റി​യാ​യ വേ​ള​യി​ലാ​ണ് ക​ടു​ത്ത എ​തി​ർ​പ്പി​ലും വി​സ്മ​യ അ​മ്യൂ​സ്മെൻറ് പാ​ർ​ക്ക് സ്ഥാ​പി​ച്ച​ത്. നാ​ൽ​പാ​ടി വാ​സു വ​ധ​ക്കേ​സ് പൊ​ലീ​സ് അ​ട്ടി​മ​റി​ക്കു​ന്നു​വെ​ന്ന് ആ​രോ​പി​ച്ച് കോ​ഴി​ക്കോ​ട് ന​ട​ന്ന ഡി.​ഐ.​ജി ഓ​ഫി​സ് മാ​ർ​ച്ചി​ൽ ദേ​ഹ​മാ​സ​ക​ലം പൊ​ലീ​സ് മ​ർ​ദ​ന​മേ​റ്റ​ത് പോ​രാ​ട്ട​ത്തി​ന്റെ ഒ​രു ഉ​ദാ​ഹ​ര​ണം.

കോ​ടി​യേ​രി​യു​ടെ മ​ര​ണ​വും തു​ട​ർ​ന്ന് എം.​വി. ഗോ​വി​ന്ദ​ൻ പാ​ർ​ട്ടി സെ​ക്ര​ട്ട​റി​യും ആ​യ​പ്പോ​ഴാ​ണ് സൗ​ന്ദ​ര്യ​പ്പി​ണ​ക്ക​മെ​ന്ന ക​ളി കാ​ര്യ​മാ​യ​ത്. മാ​റി​നി​ൽ​ക്ക​ലും നി​സ്സ​ഹ​ക​ര​ണ​വും വ​ഴി​വി​ട്ട വാ​ക്കും പ്ര​വൃ​ത്തി​യു​മൊ​ന്നും പൊ​റു​ക്കാ​ൻ ക​ഴി​യാ​തെ വ​ന്ന​പ്പോ​ൾ നി​ഴ​ലാ​യി നി​ന്ന പി​ണ​റാ​യി​യും കൈ​വി​ട്ടു. ഒ​രി​ക്ക​ലും ആ​ഗ്ര​ഹി​ക്കാ​ത്ത മു​ന്ന​ണി ക​ൺ​വീ​ന​ർ പ​ദ​വി​യും ഇ.​പി​യി​ൽ നി​ന്നെ​ടു​ത്തു.