ചെയർപേഴ്സനായ മകൾക്ക്​ ഡ്രൈവറായ അച്ഛന്റെ അഭിനന്ദനം വൈറൽ

ക​ള​മ​ശ്ശേ​രി: ഗ​വ. വ​നി​ത പോ​ളി​ടെ​ക്നി​ക് കോ​ള​ജ് യൂ​നി​യ​ൻ തെ​ര​ഞ്ഞെ​ടു​പ്പി​ൽ വി​ജ​യി​ച്ച ചെ​യ​ർ​പേ​ഴ്സ​ൻ ആ​ഹ്ലാ​ദ പ്ര​ക​ട​ന​ത്തി​നി​ടെ പി​താ​വി​നെ ക​ണ്ടു​മു​ട്ടി​യ​പ്പോ​ൾ ന​ട​ന്ന അ​നു​മോ​ദ​നം വൈ​റ​ലാ​യി.

35 വ​ർ​ഷ​ത്തി​ന് ശേ​ഷം ക​ള​മ​ശ്ശേ​രി ഗ​വ. വ​നി​ത പോ​ളി​ടെ​ക്നി​ക് കോ​ള​ജ് യൂ​നി​യ​ൻ തെ​ര​ഞ്ഞെ​ടു​പ്പി​ൽ വി​ജ​യി​ച്ച കെ.​എ​സ്.​യു​വി​ന്റെ ചെ​യ​ർ​പേ​ഴ്സ​ൻ വൈ​ഗ നാ​ഥി​ന്‍റെ​യും പി​താ​വ് ജി​നു​നാ​ഥി​ന്‍റെ​യും ക​ണ്ടു​മു​ട്ട​ലാ​ണ് സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​യ​ത്.

എ​ച്ച്.​എം.​ടി ജ​ങ്​​ഷ​നി​ലൂ​ടെ ആ​ഹ്ലാ​ദ​പ്ര​ക​ട​നം ന​ട​ത്ത​വെ​യാ​ണ് ജി​നു​നാ​ഥ് ആ​ലു​വ-​എ​റ​ണാ​കു​ളം റൂ​ട്ടി​ലെ സ്വ​കാ​ര്യ ബ​സു​മാ​യി അ​തു​വ​ഴി വ​രു​ന്ന​ത്. ഇ​ത് ശ്ര​ദ്ധ​യി​ൽ​പെ​ട്ട വൈ​ഗ ബ​സി​ന​ടു​ത്തേ​ക്ക് ചെ​ല്ലു​ക​യും ഡ്രൈ​വ​ർ സീ​റ്റി​ലി​രു​ന്ന് മ​ക​ളെ അ​ഭി​ന​ന്ദി​ക്കു​ക​യു​മാ​യി​രു​ന്നു.

എൻ.എ.ഡി വർണം നഗറിലാണ് വൈ​ഗ താമസിക്കുന്നത്. പഠനവും യൂണിയന്‍ പ്രവര്‍ത്തനങ്ങളും നന്നായി കൊണ്ടു പോകണമെന്നാണ് ആഗ്രഹമെന്ന് ആര്‍ക്കിടെക്ചര്‍ മൂന്നാം വര്‍ഷ വിദ്യാര്‍ഥിനിയായ വൈഗ പറയുന്നു.

പി​താ​വ് മകളെ അ​നു​മോ​ദിക്കുന്ന ചിത്രം എ​ഫ്.​ബി​യി​ൽ പ്ര​ച​രി​ച്ച​തോ​ടെ അ​ഭി​ന​ന്ദ​ന പ്ര​വാ​ഹ​വു​മാ​യി പ്ര​തി​പ​ക്ഷ നേ​താ​വ് വി.​ഡി. സ​തീ​ശൻ അ​ട​ക്കം നി​ര​വ​ധി പേ​ർ രം​ഗ​ത്തെ​ത്തി. ഇ​വ​ർ എ​ഫ്.​ബി പേ​ജു​ക​ളി​ല​ട​ക്കം വൈറൽ ചിത്രം ഷെ​യ​ർ ചെ​യ്യു​ക​യും ചെ​യ്തു.