കണ്ണൂർ: കോഴിക്കോട്-മംഗളൂരു ലൈനിൽ നാലു ട്രെയിനുകളുടെ സർവിസ് റെയിൽവേ പുനരാരംഭിക്കുന്നു. ഈ മാസം 11 മുതലാണ് സർവിസ് പുനരാരംഭിക്കുകയെന്ന് റെയിൽവേ പാലക്കാട് ഡിവിഷൻ അധികൃതർ അറിയിച്ചു. മംഗളൂരു സെൻട്രൽ-കോഴിക്കോട് എക്സ്പ്രസ് (നമ്പർ 16610), കോഴിക്കോട്-കണ്ണൂർ അൺറിസർവ്ഡ് എക്സ്പ്രസ് (06481), കണ്ണൂർ-ചെറുവത്തൂർ അൺറിസർവ്ഡ് എക്സ്പ്രസ് (06469), ചെറുവത്തൂർ-മംഗളൂരു അൺറിസർവ്ഡ് എക്സ്പ്രസ് (06491) എന്നീ ട്രെയിനുകളുടെ സർവിസാണ് പുനരാരംഭിക്കുന്നത്.
കോവിഡ് വ്യാപനം വർധിച്ച സാഹചര്യത്തിൽ ജനുവരി 22 മുതലാണ് ഈ ട്രെയിനുകളുടെ സർവിസ് റെയിൽവേ താൽക്കാലികമായി നിർത്തിവെച്ചത്. ജനുവരി 30 വരെ നിർത്തിവെക്കുമെന്നായിരുന്നു അന്ന് റെയിൽവേ അറിയിച്ചിരുന്നത്. എന്നാൽ, അതിനുശേഷവും സർവിസ് പുനരാരംഭിക്കുന്നത് വൈകുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.