നാലുവർഷ ബിരുദ കോഴ്​സുകൾക്ക്​ തുടക്കം

തി​രു​വ​ന​ന്ത​പു​രം: സം​സ്ഥാ​ന​ത്ത്​ ഉ​ന്ന​ത വി​ദ്യാ​ഭ്യാ​സ മേ​ഖ​ല​യി​ൽ നി​ല​വി​ലു​ള്ള കോ​ഴ്​​സു​ക​ളു​ടെ പു​നഃ​സം​ഘ​ട​ന ന​ട​ത്തു​മെ​ന്ന്​ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. നാ​ലു​വ​ർ​ഷ ബി​രു​ദ കോ​ഴ്​​സു​ക​ളു​ടെ ഉ​ദ്​​ഘാ​ട​നം നി​ർ​വ​ഹി​ക്കു​ക​യാ​യി​രു​ന്നു അ​​ദ്ദേ​ഹം. പ​രീ​ക്ഷ​ക്കു​​വേ​ണ്ടി​യു​ള്ള പ​ഠി​പ്പി​ക്ക​ലും പ​രീ​ക്ഷ മാ​ത്രം മു​ന്നി​ൽ​ക​ണ്ടു​ള്ള പ​ഠി​ക്ക​ലും ഇ​നി​യു​ണ്ടാ​ക​രു​ത്. വൈ​ജ്ഞാ​നി​ക മേ​ഖ​ല​യി​ൽ താ​ൽ​പ​ര്യ​മു​ള്ള​ത്​ എ​ന്തും വി​ദ്യാ​ർ​ഥി​ക​ൾ​ക്ക്​ പ​ഠി​ക്കാം. അ​താ​ണ്​ നാ​ലു​​വ​ർ​ഷ ബി​രു​ദ​ത്തി​ന്‍റെ ഗു​ണം.

ഒ​രു ബാ​ച്ച്​ വി​ദ്യാ​ർ​ഥി​ക​ളു​ടെ പ​ഠ​നം പൂ​ർ​ത്തി​യാ​കു​ന്ന​ത്​ വ​രെ​യു​ള്ള മാ​റ്റ​ങ്ങ​ളെ സൂ​ക്ഷ്മ​മാ​യി കോ​ള​ജു​ക​ളും സ​ർ​വ​ക​ലാ​ശാ​ല​ക​ളും ഉ​ന്ന​ത വി​ദ്യാ​ഭ്യാ​സ വ​കു​പ്പും വി​ല​യി​രു​ത്ത​ണം. അ​തി​ന്‍റെ അ​ടി​സ്ഥാ​ന​ത്തി​ൽ വി​ദ്യാ​ർ​ഥി​ക​ൾ​ക്ക്​ മു​ന്നോ​ട്ടു​പോ​കാ​നു​ള്ള സാ​ധ്യ​ത​ക​ൾ തു​റ​ന്നു​വെ​ക്കു​ന്ന രീ​തി​യി​ൽ കോ​ഴ്​​സു​ക​ൾ സ​മ​ഗ്ര​മാ​യി പ​രി​ഷ്​​ക​രി​ക്കും. നി​ല​വി​ലെ മാ​റ്റ​ങ്ങ​ൾ ടീ​ച്ചി​ങ്, ലേ​ണി​ങ്, ഇ​വാ​ല്വേ​​ഷ​ൻ മേ​ഖ​ല​ക​ളി​ലാ​ണ്​ കൊ​ണ്ടു​വ​ന്ന​തെ​ങ്കി​ൽ അ​ടു​ത്ത ഘ​ട്ട​ത്തി​ൽ നി​ല​വി​ലു​ള്ള കോ​ഴ്​​സു​ക​ളു​ടെ പു​നഃ​സം​ഘ​ട​ന​യാ​ണ്​ ന​ട​ത്തേ​ണ്ട​ത്.

ന​മ്മു​ടെ പ്ര​തി​ഭ​ക​ൾ ഇ​വി​ടം വി​ടു​മ്പോ​ഴേ ലോ​ക​നി​ല​വാ​ര​ത്തി​ലേ​ക്ക്​ എ​ത്തു​ന്നു​ള്ളൂ. പു​റം രാ​ജ്യ​ങ്ങ​ളി​ൽ റി​സ​ർ​ച്​ ആ​ൻ​ഡ്​ ഡെ​വ​ല​പ്​​മെ​ന്‍റ്​ മേ​ഖ​ല​ക്ക്​ കൂ​ടു​ത​ൽ പി​ന്തു​ണ ല​ഭി​ക്കു​ന്ന​തു​കൊ​ണ്ടാ​ണ്​ എ​ന്ന മ​റു​പ​ടി ല​ഭി​ച്ചേ​ക്കാം. എ​ന്നാ​ൽ, പ​രീ​ക്ഷ​ക​ൾ​ക്കു​വേ​ണ്ടി മാ​ത്രം പ​ഠി​ക്കു​ന്ന ന​മ്മു​ടെ രീ​തി ഇ​ൻ​ഹൗ​സ്​ എ​ക്സ​ല​ൻ​സ്​ സാ​ധ്യ​മാ​കാ​ത്ത​തി​ന്‍റെ പ്ര​ധാ​ന കാ​ര​ണ​മാ​ണെ​ന്നും മു​ഖ്യ​മ​ന്ത്രി പ​റ​ഞ്ഞു. ഉ​ന്ന​ത വി​ദ്യാ​ഭ്യാ​സ മ​ന്ത്രി ഡോ.​ആ​ർ. ബി​ന്ദു അ​ധ്യ​ക്ഷ​ത​വ​ഹി​ച്ചു.

ഒ​ന്നാം വ​ർ​ഷ വി​ദ്യാ​ർ​ഥി​ക​​ൾ​ക്ക്​ സ്വീ​ക​ര​ണ​മൊ​രു​ക്കി​യും പു​തി​യ ബി​രു​ദ കോ​ഴ്​​സി​നെ​ക്കു​റി​ച്ചു​ള്ള ബോ​ധ​വ​ത്​​ക​ര​ണ​വും ഉ​ൾ​പ്പെ​ടെ വി​ജ്ഞാ​നോ​ത്സ​വ​ത്തോ​ടെ​യാ​ണ്​ നാ​ലു​വ​ർ​ഷ ബി​രു​ദ കോ​ഴ്​​സു​ക​ൾ​ക്ക്​ തു​ട​ക്ക​മാ​യ​ത്.