കോഴിക്കോട് വിമാനത്താവളത്തിൽ പിടികൂടിയ സ്വർണം
കരിപ്പൂർ: കോഴിക്കോട് വിമാനത്താവളത്തിൽ 59 ലക്ഷത്തിെൻറ സ്വർണം പിടികൂടി. എയർ കസ്റ്റംസ് ഇൻറലിജൻസാണ് നാല് യാത്രക്കാരിൽനിന്നായി 1134 ഗ്രാം സ്വർണം കണ്ടെത്തിയത്. കാസർകോട് സ്വദേശികളായ ഹംസ കല്ലങ്ങോൽ, ഷനീദ് െചമ്പിരിക്ക, മുഹമ്മദ് ഷഫി, മുഹമ്മദ് സിറാജുദ്ദീൻ എന്നിവരിൽനിന്നാണ് സ്വർണം കണ്ടെടുത്തത്.
നാലുപേരും ബുധനാഴ്ച പുലർച്ച ഷാർജയിൽനിന്നുള്ള എയർ അറേബ്യ വിമാനത്തിലാണ് കരിപ്പൂരിലെത്തിയത്.
സ്വർണ കോയിനുകൾ ബാഗേജിനുള്ളിലായിരുന്നു ഒളിപ്പിച്ചത്. ഡെപ്യൂട്ടി കമീഷണർ ടി.എ. കിരൺ, സൂപ്രണ്ടുമാരായ കെ. സുധീർ, െഎസക് വർഗീസ്, ഗഗൻദീപ്, ഇൻസ്പെക്ടർമാരായ പ്രമോദ്, പ്രേംപ്രകാശ്, റഹീസ്, ചേതൻ ഗുപ്ത, െക.കെ. പ്രിയ, സന്ദീപ് ബിസ്ല, ഹവിൽദാർമാരായ രവീന്ദ്രൻ, ചന്ദ്രൻ എന്നിവരടങ്ങിയ സംഘമാണ് സ്വർണം പിടിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.