മലപ്പുറം: സംസ്ഥാന ഹജ്ജ് കമ്മിറ്റി മുഖേന ഹജ്ജിന് പോയവരുടെ മടക്കയാത്ര വ്യാഴാഴ്ച ആരംഭിക്കും. മദീനയിൽനിന്നാണ് ഹാജിമാരുടെ മടക്കയാത്ര. കേരളത്തിലേക്കുള്ള ആദ്യവിമാനം വ്യാഴാഴ്ച വൈകീട്ട് 5.35ന് കോഴിക്കോട് വിമാനത്താവളത്തിലിറങ്ങും. കണ്ണൂരിലേക്കുള്ള ആദ്യവിമാനം 14ന് ഉച്ചക്ക് 12.45നും കൊച്ചിയിലേക്കുള്ള വിമാനം 18ന് രാവിലെ 10നുമാണ് ഷെഡ്യൂൾ ചെയ്തിട്ടുള്ളത്.
കോഴിക്കോട് ഇറങ്ങുന്ന ആദ്യവിമാനത്തിലെ ഹാജിമാരെ മന്ത്രി വി. അബ്ദുറഹിമാന്റെ നേതൃത്വത്തിൽ സ്വീകരിക്കും. 11,556 പേരാണ് ഇത്തവണ കേരളത്തിൽനിന്ന് സംസ്ഥാന ഹജ്ജ് കമ്മിറ്റി മുഖേന ഹജ്ജിന് യാത്ര തിരിച്ചത്. ഇതിൽ 11,252 പേർ കേരളത്തിൽനിന്നുള്ളവരും 304 പേർ മറ്റു സംസ്ഥാനങ്ങളിൽനിന്നുള്ളവരുമാണ്. ഹജ്ജിന് പുറപ്പെട്ടവരിൽ എട്ടുപേർ മരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.